我們的第七個年頭

估唔到今天是學校的教師發展日，所以放假一天。又因為香港嘅示威搞到餐廳都唔開，所以林生林太未能出外撐枱腳慶祝。帶着兩隻小馬騮，由吱吱選擇午餐，去了元氣食壽司，因為有火車壽司。再去公園玩，玩到天黑，又再食晚餐，去了食BBQ。

謝謝你、你、你的陪伴！！

令平凡的生活變得精彩！！

【親紙築城記】紙盒交通工具工作坊

林太又在fb見到個廣告，八八卦卦報了名。雖然今日超熱，但都去了！！原來是一班有心人，用紙皮砌了一個中西區，好靚喎！！（就在捐山窿公園旁邊的貨櫃裏面）但林太帶了兩隻哥斯拉入去搗亂⋯⋯

今日的DIY交通工具只有帆船和天星小輪揀，汽車已沒有了。嘩嘩揀了帆船，吱吱揀了天星小輪。其實紙皮早已die cut了帆船的底層，和天星小輪嘅橢圓形底層，其他就用瓦通紙做。嘩嘩的較容易做，所以佢做完隻船，仲做了浪花和魚，哈哈！！而吱吱就做了一隻「Dora号」。

《展我繽紛》銀獎

嘩哈哈⋯⋯銀獎哦⋯⋯恭喜恭喜！！

但林太都係覺得是豬肉獎！但無論如何都是很好的鼓勵，吱吱加油啊！！

LamB’s P1 interview (2)

又要interview喇，其實林太對吱吱很誠實，沒有對佢講間學校的好，因為自己也不太認識間學校。林太叫吱吱：「你自己入去感受一下這間學校，是你喜歡的嗎？」今次嚟到依間學校，經過藝術廊，是有吱吱熟悉的村上隆笑哈哈花，今日吱吱都有帶，所以他已經很開心。在等候的時候，吱吱亦很平靜玩自己帶來的「過三關」和畫畫，還認識了一位新朋友「小麥」。

過了75分鐘，再嚟接吱吱，他笑面迎人，應該很開心吧！還開心地分享副校長的提問，問「咩叫好靚好靚？」。吱吱首先講了人哋的答案，佢話有個女仔答「戒指好靚，想買一隻比媽咪。」吱吱不停笑別人的答案？！林太再問吱吱答咗乜？！佢先肯講「我覺得蝴蝶和藍色的蜻蜓好靚！」唔知你鍾意邊個答案呢？！

DIY — 小一面試練習

小一開始面試，但吱吱沒有讀面試班，因為一直夾唔到時間，林太又懶！但到依家，林太有點驚，面試點應付？！為有臨急抱佛腳，睇完以前人哋嘅問題照抄，哈哈！！林太又發現吱吱的common knowledge麻麻，例如錢，錢的計算，季節，所以要急起直追！！

林太問吱吱：「媽咪平日最多同你做咩？」

吱吱：「Ummm....功課！」

死得！！一份Kumon功課令媽咪的角色變了惡魔！！

#每日一放電

教育局話小朋友要每天一小時運動，但天氣又熱，又曬，真係幾難做得到。希望拉上補下都夠數啦，哈哈！！吱吱和嘩嘩，希望你們身心健康成長！！

繽紛魔法故事劇場系列

睇個名《繽紛魔法故事劇場系列》係咪以為有魔術睇，有故事聽呢？！結果是無魔術，有點失望吧！！是個圖書館的故事劇場，用了木偶和光影講故事，《猜猜洞裡有什麼？》。再做了個小手工，洞𥚃有甚麼呢？

Artisan Lounge

晚上的high-tea⋯⋯

新開的K11 Musea，地下個層有間Artisan Lounge，是間餐廳，有全日high-tea供應。林太約了朋友仔夜晚去食high-tea！

因為是晚餐的關係，都要叫個主菜食吓。試了個軟殼龍蝦意粉，和牛扒。食完咸，再食甜，可能已放得太耐，有些甜品已「熱咗」或「林咗」⋯⋯而且high-tea的茶是沒有加熱水的服務，所以有點缺水的感覺⋯⋯

https://www.k11musea.com/zh-hk/taste/artisan-lounge/

玩樂

香港的小朋友物質十分豐富，但依幾年越來越多playgroup/社區都效法外國，給小朋友玩最RAW的材料，給他們空間去自己創造玩意/玩法。吱吱和嘩嘩的學校也嘗試這種玩法，給他們最RAW的材料，紙皮！！！不過，預先加些「洞」，可能會有更多的玩法。林生好努力地界洞哦，加油加油！！見到吱吱玩得咁開心，林生的汗水沒有白費，哈哈！！

ABC Cooking // Popular Korean Dishes

實在太耐無上料理堂，要上吓先，容乜易過期⋯哈哈哈⋯⋯今日上Popular Korean Dishes，開始上堂時才看請楚食譜，好易哦！應該都識啦！！算吧！！Kids free relax time！！

Benchan & Cook

又到星期日，細佬踢完波的日子，去到Times Square搵食⋯⋯去了一間新開的韓國餐廳《Benchan & Cook》。唔知係咪因為新開，星期日都有lunch set，超抵喎！！個蛋包飯幾靚仔！！

迪士尼哈囉喂

又去迪士尼！今次帶著林媽媽和三位表姐玩足一日！強呀！！！

雖然只是九月中，但迪士尼已經開始哈囉喂！多了個「惡人舞動迪士尼」，「怪誕城之旅」和「阿Jack聯群作惡」。林生入去只為影相，但吱吱就比怪誕城之旅嚇到，哈哈哈⋯⋯