ABC Cooking // Colourful summer set

林太好耐無上過料理堂，今日扚起心肝去咗PMQ上，哈哈！！今次個colourful summer set都算易哦，其實都識識地做，不過想上吓堂，睇下可以點進步！！

Playscope go go go!!!

又係時候去Playscope，林太可以去嘆噃杯奶茶，哈哈！！嘩嘩完全唔驚繩網，可以自上自落，仲喺到跳！！男仔真係唔同啲！！

林太也學ABC⋯⋯

好開心呀！林太終於可以上到calligraphy堂！！平日見到Ig既靚相，抄極都麻麻地，要搵人指教吓！！（林太老套地，係鐘意上堂，多過上YouTube學。哈哈！！）今晚仲要有人陪林太上堂，實在太好了！！上了個半小時，BB班，學吓些皮毛！

http://www.kalomakeart.com/

《胡蘿蔔火箭上太空》

今次要幫《胡蘿蔔火箭》依個故事創造一個新嘅結局。

https://m.sohu.com/a/196619935_391390/?pvid=000115_3w_a#read

林生林太同吱吱共讀後，吱吱不斷話胡蘿蔔火箭上到太空，睇到星星、月亮、太空人和太空船。好吧！！就做《胡蘿蔔火箭上太空》，加點想像力，在家找找看，出現了這個故事！！

《胡蘿蔔火箭上太空》

小男孩很喜歡胡蘿蔔，

帶着它在家走來走去。

***

廚房裏的番茄和馬鈴薯，

是番茄星和月球。

***

玉米，魚和鹽呢⋯⋯

是隕石，太空飛船和太空人。

***

哎呀！有一個煲煲壞蛋出現哦！

太空地震了！

***

（肚餓了！）

原來是媽媽為我準備的胡蘿蔔湯！

今次真的小朋友作主導，用了較易掌握的輕黏土和塑膠彩。吱吱可以自己動手，見到顏色的變化，和搓黏土！！林生林太當然有後期會加工啦，哈哈！！林太也是第一次玩輕黏土，所以也失敗了一次！！林太將做好的輕黏土造型放了在紙上，點知乾嘅時候會收縮，所以條邊飛起曬！！依份功課也要讚讚吱吱，佢油顏色時十分專心，而且幾有層次！！讚！！

很期待完成作品⋯⋯⋯續⋯⋯⋯

Tom Lee TST — Open day

林太同吱吱去了通利琴行的開放日，因為係時候諗吓吱吱可以學什麼樂器？！吱吱嘅好朋友和表姐們都是學小提琴，所以吱吱最想學嘅就係小提琴！！但林太很想吱吱學豎琴，當然是私心啦，因為林太細個嘅時候學唔到，哈哈！！女仔彈豎琴真係好靚㗎！！吱吱和林太都試了，又確實有點難哦，豎琴嘅弦線原來有點硬！！仲參加了「扮嘢大賽」，睇吓有冇人like先，哈哈！！

Playscope熟客仔！

又到林太放假時間，梁媽媽帶了嘩嘩去Playscope。很喜歡Playscope有不定期嘅轉換，有新嘅玩具，元素，令小朋友有不同的觸感！！讚！！嚟咗幾次，已變成嘩嘩嘅地球喇！！

Kumon 30th birthday card design contest

又嚟填色比賽，不過今次係林太畫，吱吱填顏色！哈哈！！用了盒超貴的蠟筆（HK$3XX）填色，又真係幾靚哦！！吱吱雖然亂畫，但些色好似水彩咁！！哈哈！！吱吱，祝你好運！！

https://www.kumon.com.cn/en/about-us/news-events/item/717-kumon-hong-kong-30th-anniversary-special-birthday-card-design-contest

西貢遊⋯⋯

林生林太第一次係香港過「佛誕」這個公眾假期，對林生林太來說，就是吱吱放假哦！！兩隻小魔怪好得閑！！

係咁熱嘅日子，本來想去商場逛逛就算，但又有點悶，最後決定入西貢行吓！！又幾熱鬧，唔太迫人，有個小跳虱市場可以行吓，又可以同船家買海鮮！！小朋友們覺得很新奇！！

午飯去了全記，都是朋友推介。林生林太總共三大兩小，叫了二人餐，再加點心。滿足了林生林太食海鮮的願望，亦達成林媽媽想飲茶的習慣。哈哈！！好！！二人餐，HK$548，四個海鮮餸，加菜和水果，不錯吧！！！

https://m.facebook.com/Chuenkee.branch

填色畫冊

又到清理時間，林太見到依啲填色畫冊都唔知要唔要好？！好似油曬，又好似未油曬？！依到畫些，嗰到畫些？！但林太又不斷買填色畫冊，因為有人話填顏色可以訓練小朋友專注力和手部小肌肉。唉⋯⋯買過本新吧！

跟陽光玩遊戲 — 香港公園

已經熱咗成個星期，但小朋友仍然是無懼的！！一滴滴的汗水，滴呀滴，繼續跑來跑去！！今日約了吱吱的好友，食完午飲，都係要去公園走走，好熱呀！！⋯⋯但兩位小朋友唔係自己玩，而係他們的baby（公仔）玩！！哈哈！！

LamB's 4th Birthday Party // Ice-cream party // Photos

雪糕派對圓滿結束，還有林生的朋友影嘅相，好夢幻哦！！好靚呀！！

https://drive.google.com/drive/mobile/folders/1tRc1OvBbv5Uf32HBxXjY7enwvkI_gRrV?usp=sharing

2018下水禮

酷熱警告開始出現喇！！係時候去游水吧！！兩位小魔怪都有點怕水，係好淺水嘅地方扮游水，咁就算識游水㗎啦！！留意到吱吱的新泳衣嗎？！是朋友仔送比佢嘅生日禮物，好可愛啊！！

Playscope時間

Yeah！嘩嘩又去咗梁爸爸和梁媽媽屋企玩，又去咗Playscope。林太就有時間做吓私人嘢，就係去買書！！哈哈！！平時帶着小孩很難睇到書哦！！

依幾個月，林太覺得吱吱會無端端大喊，狂喊，喊到林太心都痛。原因可能只是一個好少好少的問題（係大人角度）。有時林太會問係唔係另有原因或者佢壓力太大呢？！昨晚，吱吱狂喊咗半小時，間間斷斷咁講咗一啲原因出嚟。吱吱覺得有不公平對待，點解嘩嘩可以咁？點解佢可以點點⋯⋯？原來小小的問題，喺小朋友眼中係極大的問題！！林太想找一些繪本，令他們明白手足之情，最少吱吱不會狂喊！！

林太的母親節！！

今年的母親節沒有什麼準備，林太連梁媽媽的禮物也忘記了買，所以林太亦沒有預備自己會收禮物！？哈哈！！係太忙？？還是太累？？可能是懶吧！！

驚喜地收到林生的花，亦有吱吱喺學校做的功課（相信佢已經保密咗幾日，哈哈）。還有吱吱喺學校學的母親節歌，聽到吱吱唱嘅歌，心都甜了！！真係有女萬事足！！嘻嘻！！謝謝！！

LamB 4th Birthday Party // Ice-cream Party // KNJ Entertainment Co

今個雪糕派對有三十多個小朋友，大部份都是四歲小朋友，吱吱嘅同學仔。實在太多小朋友，林生林太應付唔到，所以要請專業人仕娛樂大家！！哈哈！！經朋友介紹，搵了依間公司—KNJ Entertainment Co. 

https://www.facebook.com/KnjEntertainmentCompany?ref=hl

相信他們旗下有很多個魔術師和畫面姐姐，所以魔術師同畫面姐姐係不認識，亦是零交流。因為經過中間人，所以魔術師和畫面姐姐沒有同主人家溝通過，離開派對時都沒有講聲再見！？除此以外，他們交足功課，做足咁多個鐘頭。魔術師仲勁，可以扭波波，帶遊戲，玩魔術，帶唱生日歌，仲切蛋糕，和影合照！！強勁！！！派對之後嗰晚就已收到他們的soft copy相，好快哦！！讚！！
https://drive.google.com/drive/mobile/folders/1B64O39gXd977uQKfgGtpBYkWiOg7WwAC?usp=sharing

今個派對，細佬第一次俾人畫面，靚仔嗎？！登、登、登⋯Spider man！！哈哈！！

二小時服務及收費如下：

-1小時扭氣球表演+30分鍾互動魔術表演

-其他時間會帶領集體遊戲+帶領小朋友唱生日歌切蛋糕

-1名助手拍攝精華短片及協助魔術師

-完成表演後兩星期生日會精華片段以DVD發出

收費1800元

其他服務有：

1. 充氣城堡彈床 收費視乎大小及地區而定

2. Face painting 收$600/hr

3. 氣球場地佈置 收費按budget設計

4. Bubble show收費$1000/約40mins