幕後之旅—大熊貓

今日下午四點先去海洋公園，因為參加了「幕後之旅—大熊貓」，所以林太等吱吱睡飽午睡才入去。「幕後之旅—大熊貓」下午四點才開始，只是半個鐘頭，有管理員帶小朋友們入去睇大熊貓的食物，如竹葉，原來一隻大熊貓一日要食30至35公斤竹葉，而竹葉係由廣東一個星期兩次運送嚟香港，所以有個大雪櫃放竹葉！！哈哈！！仲有八款竹葉，比熊貓可以簡下，而且有足夠的營養，真係好可愛！！熊貓也有熊貓餅（好似狗仔有狗餅咁），估唔到吱吱返到屋企仲記得熊貓餅嘅顏色和氣味！！

既然入了海洋公園就周圍逛逛吧！今日入咗去睇樹熊和袋鼠，我們遙遠的朋友，你們好！！哈哈！！海洋公園養得他們肥肥白白，幾好喎！！哈哈！！其實今次係第一次入去睇！！

L’attitude // 潮福

L’attitude，依間餐廳實在太近，所以都去咗好幾次。去完旅行之後，約咗梁媽媽和梁爸爸食午飯，近近地又去吧！！

蒸蒸蒸，蒸蒸日上！！

今晩團拜，周圍附近的餐廳都無位，最後去咗潮福，食蒸蒸蒸。食物都OK吧！第一次係香港食蒸蒸蒸，香港真係海鮮多，所以點食都好食！！嘩嘩和吱吱意不在此，係飲汽水！！兩個飲了成罐新奇士橙汁！！

七彩pizza

又到吱吱整餅時間，今次做七彩Pizza，原來個餅底只係pita bread。哈哈！！不過，個樣都幾靚！！但無人想食？！個樣太健康吧！？哈哈！！

《新春旅行—沖繩》之酒店篇

Hotel Monterey Okinawa Spa & Resort

17-20/02/2018

一間好新的度假酒店，大堂和房都好靚，十分舒服！！但去泳池和溫泉都要另加錢，不過都好平。仲有一個自助洗衣房，可以買洗衣粉，十分方便，哈哈！！

https://www.hotelmonterey.co.jp/ okinawa/

Renaissance Okinawa Resort

20-22/02/2018

依間酒店超勁kids friendly，小朋友的高椅和餐具必有，還有小朋友高度的乒乓波枱和自助餐枱（kids buffet corner），實在太可愛了！！一個超舒服的沙灘，有得跳彈床，有單車小朋友可以自由享用。還有海豚可以親親，小朋友大愛！！

http://renaissance-okinawa.com/english/

《春節旅行—沖繩》之飲勝篇

17-22/02/2018

去日本旅行，當然唔少得飲嘢！！一經過汽水機就忍唔住要買一枝，哈哈！！林太超愛沖繩茶，有一點點的花香味道！！

《春節旅行——沖繩》Day6

Day 6 22/02/2018 初七

人日，生日快樂！！林仕旅行團快將完結！！

Renaissance Okinawa Resort

Kids activities

雖然11點要check-out，但要再游多㳄水，哈哈！！

暖暮 中城店

http://danbo.jp/store_info/

有人介紹要去暖暮食拉麵，最後都去到。但係又留單，又唔見單，搞到食咗咁耐，而且連相都唔記得影！！不過，個麵真係幾好食，而且超平！！

返香港

食完就去機場，走了！！知道日本要x-ray所有行李，排完又排，早些到吧！！

沖繩，再見喇！！

《春節旅行——沖繩》Day5

Day 5 21/02/2018 初六

Renaissance Okinawa Resort

Kids activities

一個超勁hea的早上（整天也咁hea）哈哈！！林小姐們參加了與海豚high five！3000yen玩一次，只得20分鐘，好唔好玩就見人見智！哈哈！！

魚巿場

http://www.tomariiyumachi.com

午飯時間！嘩！！好平哦！！買呀買！！好似有點太多，食不完！！哈哈！！貓兒們來了，但它們不太愛toro！！

Okinawa Outlet Mall ASHIBINAA

http://www.ashibinaa.com/index.html

今日天氣麻麻，所以提早去outlet行街街，不過都冇乜特別減價，最後林生林太只買咗少少嘢，走喇！！

Renaissance Okinawa Resort

Irodori

今晚留咗喺酒店食日本餐，諗住快啲食完，小朋友可以快啲去玩。但最後都食到九點半，噢！食了八道菜，係需時一點，小朋友嘅晚餐是免費的，太開心啦！！哈哈！！

《春節旅行——沖繩》Day4

Day 4 20/02/2018 初五

Forest Adventure ONNA

https://onna.foret-aventure.jp/reserve/#/en/calendar

林姑媽和表姐們去咗玩，一家三口價8900yen，以為只玩兩小時，最後玩了四小時，真係超抵玩，超值！！但又因為咁樣，所以林仕旅行團上午沒有活動。

American Village Okinawa Mihama

http://www.okinawa-americanvillage.com

下午，林仕旅行團去了美國村，都知道沒有特別嘢睇，但未去過，到此一遊吧！！是旦走了入一間餐廳食，都可以吧！之後周圍影相，最吸引的都是100yen店吧！！哈哈！！林生入了Sega，玩了3000yen,一無所獲，嗚嗚～～！吱吱好想要隻公主哦，但夾唔到，哭了！！哈哈！！

琉球の牛

http://www.u-shi.net/ english_contact.html

“琉球の牛”成日要排隊，要排90-120分鐘，終於開了分店，而且可以預約，太好了吧！！肉質好好味，但也唔平，相比香港也較便宜一點，哈哈！！所以，可以一試！！嘻嘻！！

食飽飽再去國際通行街街！！

《春節旅行——沖繩》Day3

Day 3 19/02/2018 初四

苦瓜樂園 Goya Park

http://goyapark.com

上次去過菠蘿園，今次就嚟苦瓜樂園，完全無料，自己行！！真係入去偷食咗都唔知，哈哈！！他們全部都是用水耕，又種得幾大棵哦！！最後都買了幾千yen的苦瓜草和苦瓜乾。

古宇利大橋

入去古宇利島必經之路，到此一遊照！！不過，個沙灘好多垃圾！！

古宇利島

Kouri Ocean Tower

https://www.kouri-oceantower.com

800yen的入場費，首先坐駕無人駕駛的golf car上山。行下貝殼博物館，些貝殼又幾靚哦！！再上兩層就有觀景台，有個鐘可以打下影下相。

しらさ食堂

https://hiromishi.com/2017/08/shirasa.html

係島上食個午飯，好多餐廳都是望著個海，好靚的風景！！林生簡了”海葡萄的元祖”食！！加了日本的柑桔汁，海葡萄更加好味！！

心形石

http://www.odnsym.com/spot/heartrock.html

林生想去心形石影相，去到先知係超斜超難行！！抱著吱吱/嘩嘩落，真係步步驚心！！而且舊石又唔太似心形，沙灘又有點多垃圾，可以不來吧！？

恩納Onna

5:30pm返回酒店，小朋友們去了游水和浸溫泉。林生林太走了去大街逛逛，街上只有餐廳，很少商舖，搵下晚飯食乜！？但都是普普通通吧！！

《春節旅行——沖繩》 Day2

Day 2 18/02/2018 初三

Okinawa Zoo

https://www.okzm.jp

今日係酒店食完早餐之後就去出發去動物園，哈哈嚟到日本都要去動物園！！依個動物園的動物不多，但超勁kids friendly！！未行到入去睇動物之前已有勁多嘢睇，影相和玩！！哈哈！！最特別是他們有”食蟻獸”，真係第一次見！！

Aeon Mall

http://en.okinawarycom-aeonmall.com

去完動物園之後想去其他地方食午飯，但遇上馬拉松，所以周邊都封了路，最後去了Aeon Mall。勁大的商場，不過商舖和價錢都同香港差不多，所以買唔到嘢，只係食個午飯，夾下公仔，哈哈！！

中城公園

https://lailai-web.com/nakagusuku-park/

小朋友係車上小休完，又去放電！！依個公園的兩個遊戲位置都分䣓好遠，好似嘩嘩咁，去完第一個就唔想行去第二個，哈哈！！林太照顧著嘩嘩，無得去睇大彈床，嗚嗚～～！！小朋友們的評分，依個公園好玩些！！

目利きの銀次 新都心本舗

https://ameblo.jp/mitano-aki/

有人介紹嘅又平又得意的居酒屋！！裏面好多酒桶，好攪笑哦！！嘢食味道就普普通通，不過幾靚仔，都可以呃下like！！哈哈！！

餐廳附近有間西松屋，食飽飽可以行街街！！

《春節旅行——沖繩》Day1

Day 1 17/02/2018 初二

一個月前林仕一家無端端想安排的春節旅行，泰國和其他熱門地方的機票都加價，最後決定嚟沖繩！！其實三年前，林仕一家都嚟過，不過，相信吱吱已無記憶！哈哈！！

香港航空

坐香港航空，林生林太都預計了飛機餐麻麻，但今次係難食！！而且有氣流，連熱飲都無呢！晨早流流，真係餓死人！！

Tomiton

http://www.tomiton.jp/index.jsp

攞完車，在附近的mall仔食個飯，一間係停車埸內的迴轉壽司餐廳，”迴轉壽司X扭蛋”，係等枱嘅時候可以扭蛋，食夠20碟又可以扭蛋，哈哈！！好過癮！！而且有自動數碟機，好正哦！！還有超快的輸送帶，可以運送熱湯的輸送帶，勁！！

再係mall到行下，有得打機！！有部300Yen的公主機，相信係小女孩的大愛，吱吱當然玩了，玩完仲有張公主相，300Yen低！！！

浦添大公園 Urasoe Dai Park

http://www.pref.okinawa.jp/site/doboku/toshimono/koen/urasoedaikoen.html

又到放電時間，有超長的滑梯，但因有點塞車，所以少咗時間玩哦！吱吱越玩越大膽，叻叻！！

もとぶ牧場 那覇店

http://www.motobu-farm.com

初二，開年，起筷！！祝大家豐衣足食，風山水起好運來！！

真係叫咗好多嘢，但又唔係好記得食咗咩！？哈哈！！食咗咁多嘢都只係39,000Yen！呵呵！！食完再走去食個海鹽雪糕，yeah！

吱吱由今朝5:00am玩到8:30pm，無瞓午睡，強勁！！哈哈！！係回程車瞓到回酒店，無醒，繼續瞓到明早！！

團年飯2018

團年，團年！！

一家人整整齊齊食飯囉！！其實林太鍾意團年多個拜年，哈哈！！團年感覺一家人一齊多些！！

新年貼貼貼！

明天就是農曆新年，家中的新年裝飾已佈置得七七八八，由林生和林媽媽一手包辦。吱吱好似沒有參與，所以林太就安排佢做小幫手，幫些賀年禮物扮靚。以前有人話收到嘅賀年禮物唔鍾意，可以轉送比其他人，所以林太就叫吱吱黐到咁，睇下點轉送，哈哈！？講笑啫！！咁樣咪知道禮物係邊個送囉！！嘻嘻！！

之後，再玩維他奶贈送嘅DIY粉紅豬利是封。裏面有五個利是封和五張貼紙，冇諗過吱吱會咁有條理，分開一張貼紙然後一個利是封先，再慢慢開始逐個利是封貼。Well done！！

又到情人節！

情人節快樂！！

今年的情人節同今生前世情人一齊過，去咗食午飯。去了朗豪酒店嘅Alibi餐廳！林生林太結婚嘅朗豪酒店，可以懷緬一下，哈哈！！其實帶著兩隻小魔怪，無乜fine dining餐廳受歡迎，哈哈！！

今日Alibi好忙，所以服務欠佳，但也是好事，因為兩隻小魔怪嘈都冇人知，哈哈！！同網上食評介紹一樣，他們的冷盤較為出色，主菜就麻麻了！！但個午市套餐真係好低！！

http://www.cordishotels.com/en/hong-kong/restaurants-and-bars/alibi-wine-dine-be-social/

食飽飽，仲可以行返去朗豪坊玩遊戲，不過林生贏唔到隻狗狗返嚟囉！！

維園年宵花市

行花市喇～～！！

林太都幾年冇行花市啦。今次一家大細一齊行，雖然有點早，好多舖都未開。不過睇到好多狗狗都覺得好得意。吱吱仲食咗”冰糖士多啤梨”，超開心！！哈哈！！

岩鹽

林太難得自己出街，首先幫指甲扮靚靚，第一次做soft gel甲，又幾靚，覺得舒服過hard gel。之後，林太再可以約班朋友仔出嚟食晚飯，難得聚聚！！

http://rocksaltjapeneserestaurant.business.site/

兩天的數碼港

一個數碼港，林家玩了兩日！！兩天的天氣都好好，可以野餐。

星期六，是吱吱的best friend生日派對，因為學校提前放假，所以取消了二月生日派對。臨時臨急的安排，只有五家人能參加，不過也玩得很開心！！嘻嘻！！

星期天，認真地野餐！預備了食物，慢慢食，hea了一個下午！！嘩嘩仲食了肥豬肉和大半包熱浪！！哈哈！！