英語小跳豆

林太一直好懶，沒有帶嘩嘩上playgroup，但覺得嘩嘩已開始大個，需要同其他小朋友一齊相處。所以就報咗對面嘅「英語小跳豆」，聽下英文，唱吓歌仔，同其他小朋友玩下！！上咗三堂嘩嘩終於跳下，同其他小朋友say hello！！哈哈！！

Hair cut day!!

今日係家長日，所以吱吱唔駛返學，就帶佢哋兩個小魔怪係新年前剪頭髮！！吱吱三歲幾第二次剪頭髮，相比起嘩嘩已經剪咗幾次頭髮，哈哈！！靚仔、靚女嗎？係唔係有點韓風？！哈哈！！

《趣致造型巡遊》

林太嘅讀書生涯都冇乜攞過獎，吱吱竟然喺K1就攞到佢第一個獎項，「最具創意造型獎」！！哈哈！！令到林生林太十分之驚喜開心！！好好玩的親子活動！！

海洋公園！

林太一拖二帶咗佢哋去海洋公園，當然係海洋公園有幫手啦。不過喺香港坐地鐵都幾麻煩！！哈哈！！今次花咗好多時間睇海獅，因為海獅做緊身體檢查和餵佢哋食魚，佢哋肥嘟嘟好得意！！吱吱今日仲第一次玩兒童跳樓機，佢話唔驚喎！！哈哈！！

DIY — 太空頭盔 // Jet pack

今次的功課好彩買多咗材料，因為好多嘢都是做了兩次！！好似個頭盔咁，油白色後才發覺超勁臭！！最後係用白色紙做面，唔上色。而且個氣球不斷流氣，用了差不多六、七個氣球做！！

穿太空衣返學還要帶水壺和書包，個書包好似有點不襯，林太就將它包成jet pack，哈哈！！但好似有點太大！？希望當天能成功運送返學。哈哈！！

Brunch Club

尋晚睇完Disney on ice，咁夜瞓，但今早又晨早起身！所以全家出動食個Brunch！！哈哈！！林小姐和林大少都好滿意個兒童餐，差不多食晒！哈哈！！林太真係好懷念澳洲的早餐哦～～！

https://www.brunch-club.org/

Disney on ice 2018

吱吱搭地鐵嘅時候見到poster話要睇，足足等了兩個幾月，終於睇喇！！入場券真係好貴，但係個位認真麻麻，因為中間有條很闊的行人通道，所以離台好遠！！

林太個人認為Frozen最襯溜冰吧！但小朋友心目中個個迪士尼卡通人物都識溜冰，好叻好勁呀！而且公主們不用穿長裙，穿上短短的溜冰裙好靚，令到吱吱更加想學溜冰。哈哈！！

DIY — 太空衣

林太係全能既淘寶到買咗太空布，好彩買多咗！因為喺幻想中做出來，有時是冇可能的做到的！哈哈！！

只有中二家政程度的林太已經盡咗力！！由刺繡襟章，到自己畫紙樣，裁剪，縫製，都算係咁吧！哈哈！！不過，去到梁婆婆家，太婆和姨婆好似睇唔過眼，要出手幫忙！！要修邊！！哈哈！！

數碼港 — 放電好去處！

又是冇節目的星期天，約了吱吱的同學仔去數碼港。人家放狗，我們小孩放電！！短短兩小時，小朋友們跑咗好多，而且仲認識咗個新朋友Marcus！一齊玩狗狗，仲執石頭起火煮熱狗！！哈哈！！放完電兩小時，小魔怪返到屋企25分鐘就食晒晚餐，八點前就睡了！太好吧！！

彩虹勇士號公眾開放日

今日林太唔舒服，由林生一個帶吱吱參觀「彩虹勇士號公眾開放日」。因為只得林生去，所以相唔多。問吱吱去到做咩啊？！佢話：「唔可以丟垃圾落海，啲魚和海洋生物會食咗唔舒服，會死！！所以我哋唔可以亂拋垃圾，特別係沙灘！」幾好，幾好！

https://zh.m.wikipedia.org/zh-tw/彩虹勇士号

DIY — 太空 // 太空相機 // 宇宙無敵GPS

學校第一份親子功課派左啦！

題目《太空》

要親子創作一套造型關於太空，林太話可以做外星怪物，將吱吱穿到青BB咁，但林生話太醜樣！哈哈！！林太第二個建議是做外星垃圾，因為地球太多垃圾唔夠位，所以要寄存喺太空。哈哈！！但怕吱吱唔記得點答，所以都係冇做。最後決定做《太空人》，對吱吱來講比較容易明白。

問吱吱知唔知邊到係太空啊？！吱吱話唔知。咁我哋住喺地球，係咪？！吱吱的反應是O嘴！！借咗幾本有關太空既書比吱吱睇，但都不感興趣。最後，同吱吱講「去太空旅行」！！去太空旅行要帶頭盔，同埋要穿太空衣，仲要帶太空相機就OK啦！！哈哈！！好，林太開始開工！！哈哈！！

林太鍾意做太空人的accessory先，做咗《太空相機》和《宇宙無敵GPS》，哈哈！！其實都只係用紙皮剪剪貼貼，不過吱吱對相機比較有興趣，比GPS佢睇，佢只是哦！！

Movie Movie

返到香港確實是多了拍拖時間，因為較容易搵人照顧小魔怪，而且他們早瞓林生林太趕得及睇十點場。哈哈！！林生林太真係乜戲都睇，所以林太決定做會員，起碼有折，而且可以儲分！！哈哈！！近期都睇咗好幾套戲，都十分感人！例如《大娛樂家》，可能是改編致真人，睇到主角對夢想嘅熱誠，就算係天馬行空都可以做到出嚟。而且佢幫咗比人歧視嘅人得到一個家！《與神同行》雖然不合乎林太嘅信仰，但佢嘅人物造型和布景真係好靚。其實林太都好同意閻羅王最後所講嘅一句「人類都係有罪，但有幾多個係真正求饒恕和原諒？！」⋯⋯

山頂 X 好燒味

又是沒有計劃的周末，天氣十分之好，所以上山頂玩玩！！而且好掛住叉燒飯哦！呵呵！！行山嘅時候，吱吱見到山坡上嘅去水洞就問：「有咩動物會住喺裏面呢？」林太話：「唔知啊！」吱吱就解釋：「上次個哥哥話會有蛇或者一些小動物住喺裏面㗎！」哈哈！！原來吱吱仲記得上次去濕地公園的介紹。唔好小看些小朋友，佢哋的記憶力遠遠好過大人！！玩咗好開心嘅幾小時，揸車返屋企途中，細佬嘔到七彩！！暈車浪，還是病咗呢？！

彩虹蛋糕層層疊

林太又貪平貪方便報的興趣班，今次做「彩虹蛋糕層層疊」，HK$60，1小時課程。睇個名相信是用唔同顏色的蛋糕疊起來吧！估唔到老師好有心思，用天然蔬果色素做蛋糕色，而且用cake push-pop來盛著蛋糕做層層疊效果！！吱吱也很有成功感，特登攞了去表姐家比人睇，哈哈！！

Lams’ family photo shoots — Picsmile

Yeah！拉了林生上studio影相，雖然細佬超眼瞓，林太超肥！！但總算成功影到家庭照！！哈哈！！我們這一家在2017年12月！！

Package $1888 20張相 90分鐘

http://www.picsmile.com.hk/