未來事業所--郵差

上次的職業扮演，經驗麻麻，所以見到奧海城的「未來事業所」遲遲未去玩。今日，去八卦一下！嘩！！好認真哦！幾靚哦！！比上次的更認真，更靚！下午一點多去到報名，只剩返郵差這個職業，其它的要等到四點半。

吱吱不只穿上郵差制服，還有任務要完成。要入下信件，磅重，對收費，和分地區。真的十分認真！！廿幾分鐘的工作，有$40。林生林太諗住會再來，所以儲起，下次再換嘢！

http://www.futureme.hk/

星期天親子遊 // 稻鄉飲食文化博物館 // 香港鐵路博物館

係朋友口中得知「稻鄉飲食文化博物館」，但要預約，林太兩個月前已想預約，但全部爆滿！兩個星期前，林太心血來潮去睇睇，竟然有位，哈哈！！

稻鄉飲食文化博物館的導賞員姐姐已經十分之生動，吸引到吱吱跟著行和聽。吱吱聽到"滿漢全席"裏要食象鼻和猴子唇都嚇呆了！傻豬豬！！個導賞團還有3D戲睇，當然是要hard sell一下稻香吧！哈哈！！聽完導賞團後，就可以影相！！吱吱好鐘意個大排擋！！

http://www.taoheung.com.hk/tc/museum/introduction/index.html

玩咗大概一個鐘，就去附近食午餐，去了「伙食工業」。地方很大哦！小朋友可以企係到玩都無問題！！今日咁熱，坐多陣，休息多陣吧！！

https://m.facebook.com/fooody.hk/

見小朋友們還未有睡意，再順路去「香港鐵路博物館」吧！！真的太熱吧！！行入去影幾張相，就到此一遊完畢！哈哈！！回家午睡～～!

http://www.heritagemuseum.gov.hk/zh_TW/web/hm/museums/railway.html

煌苑

約了朋友仔play-date，去了"煌苑"，是在石門站附近。石門站真係第一次去，有好多工業大廈，亦有很多住宅，相信很多人出入吧！！

煌苑出面有塊假草地，有比小朋友玩的滑梯和鞦韆，但今日有點太曬吧！！小朋友只玩咗一陣就滿頭大汗，入返去室內玩吧！！

Nice to meet you Chadstone!!

大埔海濱公園

因為"順路"的關係，去了大埔海濱公園。雖然有點熱，但無損美麗風景！裏面竟然有草地滾球，放船仔的湖，和風箏區，幾好哦～～!真係太熱，所以無行上去"香港回歸紀念塔"，入了"昆蟲屋"涼冷氣，哈哈！！但昆蟲屋裏係沒有活生生的昆蟲，全是放大了的昆蟲模型，林太有點O嘴，哈哈！！

http://www.lcsd.gov.hk/en/parks/tpwp/

Grandparents love

"The reason grandchildren and grandparents get along so well is that they have a common enemy." Sam Levenson

哈哈！是嗎？！

有公公婆婆多麼好！小寶寶像個寶！！

吱吱最愛的，是公公婆婆！！

《Dunkirk》

林生林太又睇戲哦～～!睇了影評幾高分哦！本來諗住去IMAX睇，不過諗諗下，戰爭片不是林生林太所好，都係去睇平戲吧！！

結果，麻麻！林生林太真係唔覺得緊張，好似睇記錄片咁。戰機和船都被德軍炸！！砰、砰、砰！！全套戲都是這樣，這叫音響效果吧！？逃船，就幾分鐘出來了！？四十萬大軍，十幾艘漁船就能送走曬！？真有點不明白！？

免費娛樂2

香港打風，無街街去，在家的免費娛樂！儍豬豬～～!跟家姐一樣，一樣可愛！Love you！

http://mrslamdiary.blogspot.hk/2015/11/blog-post_15.html?m=0

ABC Cooking // Roule The Vert

綠茶卷～～!好味哦～～!吱吱都話好食！！

不過，真有點複雜，相信不會再做，哈哈！！

《猿人爭霸戰》

又到睇戲日，今晩睇了《猿人爭霸戰》。林生林太有不同看法，林生覺得套戲麻麻，但林太覺得幾有意思！戲中的猿能夠團結，但人類反會互相殘殺；人類咁高等生物，但仁慈的心去咗邊呢？

Playscope X 開間糖果店

今日梁媽媽和梁爸爸唔得閒，由林太親自帶吱吱去Playscope，因為預約了哦！林太帶著吱吱，又坐van仔，又坐火車，個幾鐘才到。好彩預約了，因為已滿額！！

嘩～～!又有新玩具哦～～!林太更興奮！！哈哈！！真的很有心思，畫得好靚！！個小賣部真係好似，牛丸、燒賣、還有腸粉呢！哈哈！！吱吱去買燒賣，話：「兩粒燒賣，唔該，要豉油添！」哈哈！！林太笑死了～～!

之後，去了他們的工作坊，開間甜點店。相信是沒有食譜，將食得的東東壓碎，攪攪攪！哈哈！！吱吱個位影唔到相，唔知佢攪成點？！老師的似綠茶朱古力球，吱吱的似......老師話是pizza！？

Summer class X Artive2

又一暑期班，手工班！吱吱好鐘意做手工，係時候玩玩吧！今天畫生果籃！其實生果的形狀已剪好，只是填色，再放上籃。不過幾靚哦～～!哈哈！！

BEANS

林生又週圍搵食，今日去了將軍澳的Popcorn商場。嘩～～!個場四通八達，唔知自己行咗去邊？！去了"Beans"，價錢好低，意粉好食，咖啡好飲，甜品好靚！讚～～!

https://facebook.com/bean234/

《Cars3》

吱吱入戲院睇《Cars3》，今次由林生帶，早場HK$55，哈哈！！未睇之前問吱吱想邊個贏，佢話：「red」。睇完後再問，佢答：「red」。究竟吱吱有冇睇呀？！

Dan Ryan's

又去又一城，試些未試過的餐廳吧！走進了「Dan Ryan's」，兩位小朋友很開心，因為有氣球，而且食飯枱可以任畫！哈哈！！食物都幾好食哦，不過週末沒有午餐優惠，貴小小吧！個氣球足足玩了一日，低反啦！哈哈！！

http://www.bayshorepacifichospitality.com/

Summer class X Ballet

吱吱期待已久的芭蕾舞堂哦！下午時已穿好芭蕾舞衫，等上課！哈哈！！

依個暑期芭蕾舞班今日開始上課，有三個儍豬豬上堂，好可愛哦！吱吱十分投入，跟著老師跳舞，好專心哦！讚～～!

海洋公園。夏水禮

林太帶咗吱吱去海洋公園--夏水禮。林太忘記了幫吱吱帶泳衣，不過有帶多套衫，但吱吱都唔肯玩水，又唔肯玩bubble。好彩地攞到DIY Sandbox的飛，吱吱可以入去玩sand sculpture，做了笑哈哈樣和小海龜。原來堆沙都有學問！哈哈！！

午餐去了「海龍王餐廳」，第一次試，但下層就是水族館，所以有點嘈！食物普普通通，差不多吧！！

今日忙着夏水禮，都沒有玩其他嘢，下次再去！

《Spider-Man》

呵呵！又出動睇戲～～!

今晚睇《Siper-man》，其實Siper-man已有好多集，林太對英雄聯盟人物也有點亂？！Siper-man件衫唔係自己研發咩？！係Iron-man送的？！林生林太睇完第一條片尾後走咗，但見無人走，出面告士又話有兩條，只好乖乖地入返去等。等咗好耐，結果就是美國隊長出嚟講Siper-man會再出現！！O嘴～～!

Swim swim

香港儍了的天氣，日日落一場雨，又好天！奇怪！？今天放情，游水吧！！吱吱去了梁媽媽家，得嘩嘩一個，無王管！！

Summer class X Basketball

哈哈！！三歲打籃球！！好攪笑哦！！因為手腳未識邊拍球邊行，所以好好笑！！吱吱第一堂已掛住傾計，上堂唔留心！！林太滴汗中～～!

ABC Cooking // Handmade Udon

林太終於報了ABC Cooking的第一堂，其實已係第二堂，因為之前個堂有急事無去呢！今次做手打烏冬，冷/熱烏冬，因為吱吱鐘意哦！！結果，真係幾彈牙，幾好食，只係用麵粉和水，好簡單哦！！

DIY -- Jelly fish

又一唔肯瞓覺的下午，開了包$11.80的DIY包包，今次係做jelly fish。十分簡單，只要填色，貼腳，吹漲，就大工告成！！哈哈！！不過，又幾得意哦！！

科學園

又到週末，不想去Shopping mall，林生一支箭入咗科學園！！哈哈！！沒有預約導賞團，沒有睇定有咩活動，結果入到去係無嘢做！！

不過也周圍逛逛，原來有條很美的單車徑/跑步徑。如果無落雨，可以嚟跑步/騎單車。大部分的星期日，他們都會有活動，有跳彈床，手工班。下次真係要睇定活動先入去！！吱吱望著未玩得的彈床，有點失望哦！！

https://www.hkstp.org/zh-hk/index.aspx

入到嚟，食個午餐，去了Yayoi，日本菜。食物普通啦，但如果天氣好，應該會靚些。

Sensory ZERO

平時都有睇《馬家開飯》，但有時他們介紹的餐廳真有點不就腳。今日食brunch時，估唔到撞到馬家在開飯，哈哈！！他們真人又高又瘦哦！！呵呵！！

去了Sensory ZERO，雖然太古城都有，但依間更寬闊！食得更舒服！！

https://www.sensoryzero.com/

Cars X 又一城

暑假開始，好多卡通片上映，仲有好多商品賣，吸引學生哦！！林太也被吸引了，去影相和買嘢！！吱吱亦試了玩遙控車，左撞右撞，哈哈！！

《壞蛋獎門人3》

又到星期二，睇戲平小小的日子，哈哈！！兩位小魔怪瞓咗之後，林生林太就出街街，睇10:10pm場。Yeah！今晚低能一下，睇《壞蛋獎門人3》，Ba-na-na-na！！

香港科學館

終於，去了"香港科學館"！很多媽媽和報導都讚他們新的兒童天地又靚又好玩。今日終於去了，超多人！！

第三層的Miffy和兒童天地都好新好靚！吱吱對Miffy的興趣大些，可能係睇過卡通，或者有版可以開吓睇吓。而兒童天地對吱吱嚟講，有點不明白。第一、二層的電呀，電訊呀，吱吱更沒有興趣，下次再試吧！！

http://hk.science.museum/zh_TW/web/scm/index.html

太空館天象廳 // 原野非洲

林太同吱吱去了太空館睇《原野非洲》，吱吱第一次去太空館，其實林太也是吧！林太上次去既時候已是小學，太空館內還未有椅子坐，哈哈！！今日林太較累，五點幾已被嘩嘩弄醒，所以睇到有點頭暈。而吱吱睇到很多動物，當然有很多問題，希望沒有打擾到別人啦！

https://www.lcsd.gov.hk/CE/Museum/Space/zh_TW/web/spm/spacetheatre/omnimaxshow/wild-africa.html

度小月

係香港新開的台灣小店--度小月。林太好懷念台灣的小食和夜市，去感受一下台灣風情吧，哈哈！！他們的飯、麵都是細細碗，可以食多幾樣嘢，哈哈！！食完後，才知道有小禮物送比頭500名客人，好靚哦，呵呵！！

http://www.noodle1895.com.hk/

香港動植物公園

林生林太上次去香港動植物公園已是廿年前的事了！！今日係週末，應該去下，擋郊遊吧，哈哈！！但沒有諗過/沒有這個記憶係咁遠的！！係好遠！！由香港公園走到動植物公園，又上斜路，又梯級，對唔做運動的林太真是一個高難度動作！！救命呀！！

去到動植物公園，吱吱和嘩嘩已熱到儍了，呆了！！哈哈！！睇了要睇的動物，發現有間「教育及展覽中心」，可以入去涼冷氣！！裏面全是標本，好彩有個小小的圖書角，可以坐一陣，休息一會！！再行過！！

http://www.lcsd.gov.hk/tc/parks/hkzbg/