Bye 2016!~~

有咗兩個小寶貝，相信不能外出倒數了！！怕人多，怕要抱著他們（太重），怕他們扭眼瞓，所以留在家吧！簡簡單單的Aussie BBQ！！Bye 2016！～～

Zoo buddies

又嚟Melbourne Zoo喇，今次有吱吱的Zoo buddy--Little J陪！！一齊玩，一齊睇，一齊行，一齊長大，多麼的好！
今日吱吱有姨姨陪，可以入去睇蛇了！！林太最驚的生物！！謝謝！！

《手工樂園 -- 2歲》

林太好鐘意做手工，吱吱都好似係？！見佢平日做手工很留心，而且會玩到最後一刻，相信佢係鐘意吧？！林太上次返香港，買了本《手工樂園--2歲》，覺得佢的紙和顏色都很靚，雖然只是剪貼遊戲。哈哈！！
同吱吱玩了好幾頁，小朋友的思維很有趣！例如：蘋果樹個張，吱吱特登將兩個蘋果唔貼係樹上，貼了係兔仔旁邊話「個兩個蘋果係留比佢的」。哈哈！！林太係到幫大笨象影相時，吱吱就把蘋果樹放在下面，話「個apple係樹上攞的」。吱吱真係好好笑！！

LamBB's food journey

睇返吱吱以前的baby food，真係有點難睇和單調，嘩嘩的多味好多！而且嘩嘩食得快些，餵佢開心些！哈哈！！嘩嘩已開始食飯，rice bubble，乳酪，和日本小零食。林太繼續懶，用了嘩嘩的purée煮意粉比吱吱食，夠營養哦！哈哈！！

家姐仔吱吱大個喇，鐘意餵baby，餵佢食包包，和baby food。乖乖！～～

Home Cook -- Wagyu

林生食和牛食上癮！有朋友介紹依間日本人開的和牛肉店，林生一放假就去了！呵呵呵！！又不是很貴哦，和牛尾和Victoria Market的一樣價錢。些和牛超好味哦！！～～開心！！～～
http://kazwagyu.com.au/

LamBB's first swim // Carlton Bath

Yeah！林生肯落水了！！！林生自稱自己是游泳健將，但唔鐘意落水，唔鐘意泳池水味，又唔鐘意海水粘淋淋。林太因安全理由，不能一拖二去游水，所以要搵林生一齊！哈哈！！終於成功了！！但只能近近地，去Carlton Bath，因為游完之後林生要返屋企冲涼！哈哈！！
Carlton Bath裝修後，第一次去游水，個小童池幾靚哦，有得玩！但吱吱都有點怕，要人陪，只玩了滑梯幾次。嘩嘩第一次游水，玩咗個水抱一陣，就比吱吱攞咗！慘慘豬！係到踢下水吧！吱吱一直係個水抱到，有林生推，都唔明會有幾累，返到屋企立刻瞓咗（12點幾），瞓咗三個幾鐘呀！
http://www.carltonbaths.ymca.org.au/participate/swimming-pool-aquatics.html

Tsukiji

墨爾本的築地，林生林太係結婚前成日去，差不多每個月都去。由他們有新鮮龍蝦賣，只得外賣；到有一、兩張枱堂食；到他們開晚市，和有酒牌。但之後，覺得他們加了價，太多人去，次次要等位，林生林太就再沒有去了。
夏日炎炎，林生林太又再想起他。今日無人哦！！只得我們一枱客堂食。呵呵！有個靜靜的午餐！！
https://facebook.com/tsukiji237/

Venus Bay -- 摸蜆/玩水

聖誕季節就係摸蜆的時候，見到朋友們都去了Venus Bay摸蜆，捉到一籮籮的蜆，林生也心思思想去。今日，林生超早返工（1am），超早放工，休息一陣，就出發喇！沒有超速，兩個半小時的車程！！
林生也作好準備，買了鈎魚牌，帶了冰箱，帶了泳衣，和小朋友們的玩具/衣服，諗住一定會有收穫。哈哈！！去到，見到好多人在游水，和摸蜆，應該收穫不錯吧？！嘗試了個幾鐘，只找到兩隻"baby蜆"和蟹仔。吱吱也開始不耐煩，喊著要回家（不想挖沙！）。最後，陪吱吱玩水，睇浪，又開心了！！哈哈！！結果是空手而回，兩個半小時車程返屋企。今天的收穫，就是吱吱拾了四個貝殼回家，吱吱話：「爸爸一個，媽咪一個，我一個，細佬一個。有四個！」

Hokkaido -- Baked cheese tart

唔知點解，墨爾本已開了四間Hokkaido -- Baked cheese tart。有人排隊，有人話超好食，有人話食上癮，真的嗎？
今日公眾假期，吱吱無得返Childcare，天氣又麻麻，林太心思思想去買。不用排隊！呵呵！但太飽，沒有熱食。請了吱吱做運送，回家食吧！！
林生林太覺得都可以，但咁貴，和若要排隊就有點不值。
http://www.hbctaus.com.au/

Boxing Day 2016

Boxing Day！拆禮物日！全家最多禮物的當然是吱吱！不過，有些禮物已等不及，拆了！哈哈！！多謝各位哥哥、姐姐、叔叔、和姨姨的禮物！！謝謝！！但林生林太所選的，吱吱不太喜歡（Sofia公仔），仍然在盒內，唉！～～

晚上，又去了Wagyu One，因為林生超愛！今次試了他們的AU$145set，包括魚生，天婦羅，湯，和400g和牛！呵呵！勁多嘢食！！但他們的魚生普通，如果有海鮮和牛套餐就好了！
https://facebook.com/WagyuOne/

2016聖誕快樂

Merry Christmas！
好熱啊！熱到聖誕派對要遲些進行！哈哈！！

吱吱一早起床，很快地要求玩隻豬豬。（昨天交換禮物份禮物）雖然是話比五歲以上小朋友玩，但吱吱都OK哦，不過佢唔明儲蓄罐有咩用？！哈哈！！之後，林生同佢哋玩Super Mario Run！！開聖誕派對前，可以去Paparich食返個飯，嘻嘻！！

派對一，朋友家有很多玩具，和一班小朋友，吱吱當然開心啦！

派對二，有姐姐們陪吱吱玩，玩到顛咗！哈哈！！

平安夜2016

平安夜，林生都要返工，11:30pm-09:00am，所以放工後要休息休息，林太帶兩個小寶貝去玩吧！林太教會的小組有聖誕派對，但係Yarra Valley，要一個鐘車程，林太都諗咗陣去唔去，但返香港一拖二都得，這個應該可以應付吧！

去了Yarra Valley的Oakridge Winery，他們平安夜都沒有加價，都是AU$60/2courses，AU$74/3courses。林太只食了2courses，和叫了個AU$20兒童餐比吱吱。食物都是一般西餐，沒有甚麼驚喜。這間餐廳有很多戶外地方可以比小朋友們走走，他們有一個很開心的下午，不過天氣太熱，都是留在室內交換禮物！！哈哈！！
http://www.oakridgewines.com.au/

到晚上，終於可以一家人食飯喇，去了Komeyui。這間餐廳去過很多次，今次吱吱第一次海膽哦！佢話yummy！
http://www.komeyui.com.au/

廿八度的下午！

Yeah！太陽出來了！廿八度的下午！林太睇了天氣預報，一早準備好，要去沙灘！（因為上次準備不足，無嘢玩）約了E-star姨姨，super nanny！嘻嘻！！

首先，去Butcher128食個午餐，今日好靜哦！吱吱好慘地無得玩沙池，因為要增取時間去沙灘玩！！哈哈！！係沙灘玩了兩小時，吱吱行到好遠，好深水，大浪都唔驚！！真係估唔到！！而嘩嘩就傻豬豬咁周圍摸！！今日大家都變黑了！！
http://butcher128.com/

End of year activity @OAC

一年了，吱吱係Childcare已同佢的同學仔很熟。一班四個，四位小寶貝都高咗，大個咗！今日，整了個相𣕧，靚嗎？

家寶

家寶？幾時多咗個中文名？怪怪的？！
林生林太結婚前嚟過食晚飯，覺得貴，但普普通通，所以無再嚟。今日想去Shoya，但無位，個胃又想食日本菜，所以來了。嘩！他們的午餐好低哦！AU$14.50就已有魚生，前菜，主菜，湯，和飯。AU$6有四款甜點和茶/咖啡！哈哈！！林生林太當然有加嘢，叫了個魚生併盤，又幾靚哦！
http://heirloom.com.au/

冬至2016

林生成個星期返過夜，林生林太很久沒有同枱食晩飯。冬至哦，好彩可以一齊食飯！去了翡翠小廚，再去甜品工房食甜品（應該食湯圓）。冬至快樂，團團圓圓！

Melbourne Zoo

雖然動物園已去咗好多次，但吱吱不斷長大，會發現佢有新的體驗。今日發覺佢已能講很長的句子，和懂得表達自己。吱吱話：「我想去睇butterfly，想佢飛落細佬到，好得意呀！吱吱唔驚，唔驚butterfly，爸爸驚嫁！媽咪唔驚！」林太聽完，內心微笑，覺得吱吱又長大了。但事實上，唔想入蝴蝶館，因為人山人海，行不通！最後，都入了！

Reindeer @LuxBite

自從上星期六，吱吱同聖誕老人共進早餐後，佢就好鐘意聖誕鹿，和啍聖誕歌。見到LuxBite的聖誕鹿蛋糕，深信吱吱一定鐘意！哈哈！！佢見到好開心喔！！仲肯比林太瘋狂影相！！哈哈！！但最後佢只食了朱古力部分，留返個普通蛋糕比林太！

Science work

有了年票，所以去Science Work八卦一下。林太上次去已是廿多年前的事，在記憶中都有小小野好玩。今日再去，用了九十分鐘，AU$3停車，好似有點無聊，有點不值。成個館最好玩的是運動部，但Melbourne museum都有，而且整個地方都黑黑的，有點舊的感覺。吱吱（兩歳半）無乜嘢啱玩，相信幾年後才會再來。
https://museumvictoria.com.au/scienceworks/

LamBB's food journey.... purée

嘩嘩好鬼仔哦！鐘意食包，蕃茄，薯仔！哈哈！！對米糊不大興趣。一餐可以食差不多100g再加麵包，比起以前的吱吱，好似真係食得多些哦！

Christmas is around the corner....

有一次林太行街時，見到這個聖誕免費活動，就幫吱吱報了名。是一百名小朋友與聖誕老人共進早餐（Breakfast with Santa）！早餐有果汁，包，和乳酪，免費活動算是不錯！聖誕鹿和聖誕老人出嚟唱了一首歌，聖誕精靈再同小朋友玩唱多一首歌。因為有一百名小朋友參加，所以等入場用了很多時間，而早餐只食了廿幾分鐘。林太覺得有點美中不足，就是聖誕老人不能與每位小朋友近距離接觸，如果聖誕老人能送份小禮物給每位小朋友就更好了！！

回家後，發現係Target買的「Make your own Christmas wall tree」材料包還未做（AU$10），開動吧！是比三歲以上玩的，但林太只貼了貼紙，吱吱就九秒九貼曬上樹上。哈哈！！搞掂！！

林生，生日快樂！

林太超懶的一年！只是同吱吱DIY了張生日哠和個相架外，乜都無做！哈哈！！原全沒有預訂餐廳，或蛋糕，好似有點衰，呵呵！
林家午餐去了添好運飲茶，晚餐只是外賣壽司。平淡就是幸福呀，林生！哈哈！生日快樂！

Santa photo

嘩嘩第一年的聖誕節，林家當然要同聖誕老人影返張全家福！小朋友們總算是合作，沒有哭，但亦無笑，哈哈！！本來只係買一張相，但唔知點解林生加下加下，最後有咁多張相？！相信要寄些比林媽媽，梁爸爸和梁媽媽喇！

Wagyu One

預祝十六號生日的朋友！！
去了Wagyu One，很久沒有食日燒哦！因為大多數日燒餐廳都不太歡迎小朋友，但Wagyu One有high chair和小朋友食具，太好了！吱吱第一次的日燒覺得好得意，可以係自己面前煮食，見到有煙出，肉會變色！（林太第一次的日/韓燒好似係小學，依家的小朋友真勁！）都叫咗好多嘢食！好味！平均AU$70/ppl！呵呵！可以再嚟！
https://facebook.com/WagyuOne/