林家放暑假2024 // 泰不hea遊 // Day1

係暑假，小朋友最期待的是坐飛機吧？！所以林太覺得點都要個旅行！！太遲決定，機票都貴咗，最後選去近近地的曼谷，早出晚歸，玩足五日！！遇啱奧運，睇完江旻憓決賽就起程！！哈哈哈！！真係超眼訓！！落咗機，放底行李就去「恰圖恰市集Chatuchak Weekend Market」。其實個個都唔夠瞓，又熱又餓，兩位小寶脾氣當然大⋯⋯哈哈⋯⋯林太最鍾意排隊，當然搵間多人等嘅餐廳，依間出名食豬紅，其實得林生一個食豬紅，哈哈哈！！之後都行咗個圈，飲咗金箔奶茶，雪糕。再返酒店游過水，夜晚去商場食飯！！