《青年好聲音》

細佬學校搞嘅歌唱比賽，以為是個人參加/或是幾個一齊，結果是全班一起唱《彩虹》！哈哈哈⋯很可愛哦！！

偽單親 Day4-6

正常的返學和放學，全部都OK呀！！游咗水添！！Yeah！！林太又平平安安地度過六天的偽單親生活！！

偽單親 Day3 // Triangle Plus

林太一早已經想去，但係荃灣，好似有些遠，所以遲遲未去⋯⋯見今日無嘢做，去吧！！兩小寶已應承坐地鐵，所以全程坐地鐵。張飛包兩小時四十五分鐘，細佬太細所以林太要入埸陪同。裏面有五個區：雲朵攀登及冒險小屋，趣味攀岩牆，洞穴探險區，忍者樂園區，繩網樂園區。有足夠時間全部玩曬，仲玩咗幾轉添！！強呀！！今日真係玩死林太日！ https://www.triangleplushk.com

偽單親 Day2 // 22小時香港海洋公園萬豪酒店

今個週末是難得/奇怪/沒有堂上/沒有人約的週末？！林生又不在香港，林太一拖二，又不想留在家，所以last min決定去個staycation！Yeah！哈哈！！好彩來得及預約，HK$1600，升級大浴缸，包2大2小早餐！好名顯入去是hea，所以早上起床，做完功課，就買定柸麵和零食出發！！都住了22小時，14:00 24/06/2023 - 12:00 25/06/2023。第一日游水玩了兩個半小時，Playroom玩了一小時，浸浴玩了半小時，第二天早餐食了一小時多，游水小時，其他時間就是食共瞓！！爽呀！！

偽單親 Day1 // Flying Pig Bistro // URBAN Cafe Mongkok

相隔唔夠一個月，林生又飛了⋯⋯林太偽單親的生活又嚟啦！！今天是星期五，小寶們如常的返學，吱吱已是夏令時間，所以早放。林太早上開始了韓劇《King the Land》，點知太過新，只得兩集！！睇完出去整指甲，再接Gigi食午飯，去了Flying Pig！！都幾大碟！！哈哈！！下午，細佬要上劍擊，就同吱吱行街，依位少女買咗好多嘢⋯⋯哈哈！！晚上，去了貓貓Cafe！！好多貓呀！！全部都幾靚，又乾淨，嘢食都OK！！值得再嚟！！兩個小寶唔肯走，因為佢哋袋貓糧仲未餵完！貓貓們已經飽咗，噢！！下次要六點前來餵貓！！哈哈！！

父親節快樂

林生話我唔係佢阿媽，所以不用同我慶祝母親節，那我也不用替他慶祝父親節！！所以林太只為自己的爸爸準備了禮物，打牌的時候偷龍轉鳳，送了給他！！驚喜！！祝父親節快樂！身體健康！！

The Tiffany Blue Box Cafe

慶祝朋友仔的生日，去了小藍盒。好耐之前食過早餐，今次食午餐，都幾飽喎！！哈哈哈哈⋯⋯味道也比想像中好！祝朋友仔生日快樂呢！！

LamB’s P3 English Day

吱吱真真正正第一次參加學校的English Day / Book Day，可以扮書中人物，睇吓drama，玩吓攤位遊戲。最後，佢選擇了扮《Harry Potter》的Hermione Granger。林太又玩吓先，夜晚等佢瞓覺嘅時候，偷偷地將佢本手冊變成一隻小怪物，唔知佢打開的時候會係點？哈哈哈！而今日個飯盒，當然是他！Hope you enjoy your school day while you can！

一家

新升米芝蓮推介餐廳，所以去試吓先！！不錯哦！！ https://m.facebook.com/yijiahongkong

MX4D // 變形金剛：萬獸崛起

考試嘅時候《變形金剛》上映，應承咗細佬考完試之後約佢的同學一齊去睇。結果，上星期日全家返咗大陸玩，哈哈⋯⋯但林太仍然記得佢嘅承諾，又好彩佢嘅朋友仔星期二都得閒可以去睇戲，所以今日放咗學之後睇六點場！！真係辛苦晒，連晚飯都未食，又要喺張凳度做功課，哈哈哈！！不過，MX4D林太都係第一次睇，真係好過癮！！好似坐緊過山車，大風到吹緊頭髮，又有啲似揼骨！！好好玩！！細佬同佢嘅同學仔，睇得好開心！！其實吱吱幼稚園的時候，已經同自己嘅朋友仔睇電影，林太希望可以公平些，細佬一樣可以自己選擇自己的朋友，同朋友出去玩！

下水禮 2023 // 愉園體育會

吱吱已經九歲，玩係要認真地玩！！係時候認認真真學游水！！林太一直嘅懶，懶同佢哋行去泳池，懶同佢哋沖涼換衫，而家佢哋自己搞掂，係時候了！！今日第一堂，眼見細佬唔知做咗乜？！全堂都喺度跳下跳下⋯⋯俾佢激死！？哈哈哈⋯⋯ https://hvaa.com.hk

15小時遊福田

Yeah！通關！各人的回鄉證到手，係時候返大陸玩！！買了08:25西九去福田的車票，但林生預早些的性格，所以07:00就離開屋企，出發！！有一個小插曲，就是忘記了帶小朋友的passport！！完全忘記了！！因為要用passport相片來認證身份證！！相信林生林太不是第一個吧，所以海關人員都寬容可以出關。不用15分鐘就到福田，商場還未開門，所以去飲個早茶！！依到飲茶有茶具玩，好得意呀！！之後，就是去商場，和商埸！！真是超大的商場！！林太其實係第一次行大陸商場，發覺飲品好平！！~¥20杯！！就算在餐廳，咖啡室，所有飲品都平過香港，林太好鍾意飲嘢，所以超開心，哈哈哈！！

高鐵——福田站 > 點都德 > Coco Park > 午餐——探魚 > 卓越 > 晚餐——小炳勝 > 高鐵——西九龍站

賽馬會青少年足球發展計劃 U8 (2022-2023完)

咁快就過咗一年，九月再努力！！林太要「休暑」，哈哈！！多謝教導！！

空中瑜伽（兒童版）

林太一直想和兩位小寶貝上親子空中瑜伽，但佢哋已經越來越大，同佢哋一齊上有啲難度。結果，佢哋今日自己去試堂，自己去飛！！！估唔到細佬又幾柔軟喎！！Missy仲幫佢哋影咗相，好靚喎！！好似玩得好開心咁！！https://yogahoodhk.com/

寫作移動城堡 (1)

一考完試，又開始寫作班，對啊吱吱作文差呀嘛，講笑啫！！隨心而發的寫作，邊行邊學，希望佢學得開心，寫得順暢！！幾年前聽過Miss AuYeung講故事，原來他是一位中學中文老師，希望可以教識吱吱多觀察身邊事物，細心留意，少少事情都可以寫得好多！！！哈哈哈⋯⋯

内容：用雙腳實踐步移，用眼睛觀察描寫，用感官開闊世界。邊走邊寫，寫我袋腦大世界。

日期：2023年6月10、17日、7月1日

時間：1000-1100

地點：南昌公園、太子雀仔街、尖沙咀鐘樓

對象：10-12歲小學生

名額：每組8位

費用：＄450/全3節

六色積木

林太聽咗「六色積木」，聽咗好耐！！話可以幫小朋友培養集中力，有人叫我帶細佬去試玩，今日細佬間學校竟然有得玩，仲係家長工作坊！！六種原有的積木色，最平凡的積木，真係可以玩好耐！！其實培養小朋友集中力，最後都要睇吓家長嘅集中力可以頂幾耐，哈哈哈！！值得推介的「六色積木」！！

考試。考試

今次兩位少主同月同日一齊考試！！哈哈！！可以幫/陪邊個溫？！溫了幾個weekend，都溫到儍儍地，哈哈哈⋯⋯希望可以順利升班，下年再努力！！Play hard, study hard！！