Doctor For a Day

由港怡醫院舉辦的《Doctor For a Day》，好好彩地抽到可以同吱吱參加！！見到其他小朋友帶了細佬妺一齊玩，早知帶同嘩嘩一齊玩啦！！港怡醫院又新又靚，早已聽聞，真的好靚！！像酒店一樣靚！！

https://gleneagles.hk/tc/

《Doctor For a Day》有六間房，比小朋友認識醫院運作⋯⋯

A. Start school

1. Embryonic development

2. Ultrasound 

3. Obstetrics ward

4. Accident & emergency

5. Operation theatre

6. Cardiovascular lab

Start school：

比小朋友和爸爸媽媽影張靚相，仲有專業攝影哥哥幫手！！

Embryonic development：

哈哈⋯⋯其實林太都沒有同吱吱提過baby係點嚟？！佢只知係肚到出來，醫生攞佢出來（因為林太是開刀的）。今日認識到是由一粒細胞開始，經過十個月才出來！

Ultrasound：

吱吱也看過嘩嘩的ultrasound，但相信佢已忘記了！！今日可以扮下嘢，碌吓個肚，有ultrasound影像睇。

Obstetrics ward：
相信是吱吱最喜愛的活動，玩BB公仔！！哈哈！！雖然是假BB，但係吱吱都好認真幫BB沖涼和換片。返到屋企都記得要用38度水溫幫BB沖涼，哈哈！！

Accident & emergency：
病人（小明）竟然是真人，哈哈哈哈！！！比小朋友扮洗傷口，林太以前返工的aseptic technique，小朋友都做得到！！叻叻！

Operation theatre：
幫病人縫針，當然是放大版！！粗粗嘅線，大大嘅傷口！！小朋友們都很認真，他們認真的樣子很可愛！！

Cardiovascular lab：
竟然係教小朋友膽固醇！！食得多高膽固醇食物，膽固醇會累積喺血管，紅血球不能經過，小朋友要幫手通波仔！！

小朋友上完依六課，就有證書，可以做個小醫生啊！！還有一大袋禮品包，林太和吱吱都很高興！！今次的《Doctor For a Day》真係超好玩，超開心，多謝晒！！！

第七屆亞太兒童田徑錦標賽2018（Round2）

又一田徑賽，今次遇強越強，吱吱的成績麻麻！！只有個親子賽的優異獎，算是安慰獎吧！不過，已盡了力，下次再試吧！！今次係九龍仔運動場，埸地較細，但成績又出得慢，唔知點解？！

Movie Day — Small Foot

林生去咗剪頭髮，林太係屋企無所事事，諗下去邊？！最後同咗兩隻小魔怪去睇戲《Small Foot》！！雖然一開始就倒瀉爆谷，但都總算完成整套戲！！嘩嘩都坐了差不多一小時，算不錯了！！

游水哦！？

天氣已開始凍，但吱吱仲想游水？！又真係天氣凍咗，依家唔游好似再無機會游⋯⋯哈哈⋯⋯吱吱自己一個玩都玩得咁開心嘅？！

中秋，又到中秋⋯⋯

見到其他學校嘅親子燈籠，林生、林太好得閒咁樣，不用做，哈哈！！因為他們係學校自己做！！Yeah！！太好了！！林生、林太坐着欣賞！！

中秋節一家人出去食餐飯，再去中山公園玩燈籠、食月餅。中秋節快樂！！！

大樹先生 // B1 gathering

吱吱B1班（K2）第一次的小聚會，今次去咗大樹先生！！林生、林太都係第一次假日去，好多人啊！！不過其實我們都已有50人！！！但好似人太多，都未能同每一個家長傾計⋯⋯來日方長，哈哈！！

吱吱和嘩嘩的年紀，入到去已是自動波開始玩！！玩到最後一分鐘！！玩到完場時，嘩嘩竟然可以影到一張無人/包場相。哈哈！！

今次中秋節，大樹先生亦幫每個家庭影了張合照，謝謝哦！！

Balance Bike 3

天氣超好的星期天～～！

林生、林太分開行動！！林生同吱吱上了山頂，林太同嘩嘩上Balance bike第三堂。嘩嘩開始熟悉個地方，係到自娛，話累了要瞓覺，唔玩！！真係激死人！！！

《小車手·大競賽》

又一Think Big Family攪的活動，今次去到荃灣D。Park，真係有點遠⋯⋯仲要去到只玩得15分鐘。林太本來以為會有五駕車一齊比賽，咁就夠曬緊張，點知係一個玩完到下一個，只是計時。吱吱一帶完頭盔就十分緊張，整個人硬咗咁揸車！！哈哈！！任務完成！！

1, 2, 3....

回收膠樽嘅時候，樽蓋係唔可以回收，剩返咁多樽蓋係屋企，要諗下可以做咩先？！林太學Kumon咁，不過只做到1至10，比小朋友識數！！

山竹帶來的假期⋯⋯迪士尼

颱風山竹走咗⋯⋯但中、小學、和幼稚園都要停課兩天來收拾風雨帶來的損害。林家留咗係屋企兩日，熟悉林生嘅朋友都知，佢一定要出街！！昨天，迪士尼都關門，見佢今日如常，應該可以去吧！！

入到迪士尼出奇地少人，應該是林太見過最少人的一次！！！好多機動遊戲都只需等十分鐘，真係勁爽～～！吱吱同嘩嘩第一次去玩Iron Man，第一次入去星球大戰玩劍，細佬仲第一次坐太空飛船！！哈哈！！估唔到嚟咗迪士尼咁多次，還有「第一次」。哈哈！！雖然係九月中，但已經開始咗哈佬喂，有糖派，吱吱都去咗攞糖，又睇咗「米奇Halloween玩轉大街派對」，仲同咗米奇和米妮哈佬喂裝影相。

十分充實的一天⋯⋯！！哈哈！！

我要做大廚 X 童畫

等了一個星期，吱吱日日問係唔係去畫畫？！吱吱繼續完成佢第一幅的傑作！！哈哈！！真係好似平日的吱吱，食麵，飲juice，最好有貓貓陪！！吱吱加油呀，繼續努力！！

十號風球山竹 // 紅尾仙女蝦

十號風球呀！！今次嘅十號風球山竹，比起上次的天鴿勁好多啊！！雖然冇乜雨水，但係啲風好勁，係屋企都感覺到搖晃！！！真係有點驚！！

兩隻小魔怪留在家，周圍要搵野玩、搵嘢食；好彩有砌圖，同打機娛樂到嘩嘩！！而吱吱，就係櫃底找到上次去台灣買回來的小玩意，養蝦仔？！「紅尾仙女蝦」，放了一年，會不會過期啊？哈哈！！

DIY — 中秋燈籠

噢⋯⋯！一年前買回來的燈籠仲未做，係時候出動了！！吱吱好快手地做完（林太趕佢瞓覺，哈哈），但做完才發覺兔仔對眼是要自己畫的，明天吧⋯⋯

牡丹花奶黃月餅 X Joey Wun’s Patisserie

一年一度的月餅節又來啦，林太又可以趁機去學做餅。今次試吓韓式荳蓉花，牡丹花奶黃月餅！！

真係第一次玩荳蓉花，所以真係做得麻麻⋯⋯對手做來做去的花瓣都不及老師嘅靚！！！不過影相都可以呃下人，哈哈！！

今次的制成品多了一個粉絲，細佬原來好鍾意食月餅！！佢收埋咗半個唔俾家姐食，哈哈！！

我要做大廚 X 童畫

吱吱今年換了地方學畫畫，因為依到真係好吸引林太！！以前的地方，每個小朋友的作品都差不多，好似不夠啟發性。依到每一次畫畫之前都會玩很多遊戲關於個主題，之後再睇下小朋友想畫啲乜嘢？！見到吱吱嘅相，玩得好開心，好投入。而且第一次畫返嚟嘅畫，真係好似吱吱，哈哈！！

https://m.facebook.com/drawGraphy/?locale2=zh_HK

Balance Bike 2

Yeah！！細佬又上堂喇！！今日林太成功同嘩嘩坐巴士來回奧海城！！喺香港帶着孩子坐巴士真係有點難度，好彩都去到！！

上一次嘩嘩不停話要換紅色車，但紅色車已被其他人攞咗，仲以為他是扭計！！今日一可以攞車，嘩嘩就自己去咗攞駕紅色車，返埋位帶頭盔再上車！！哈哈！！好叻喎！！原來佢真係鍾意㗎紅色車！！

雖然係第二次玩，但都進步咗。而且返完學，仲識排隊添。叻叻！！

大師姐

係Times Square買買下月餅，比人邀請入去睇大師姐講解傳統月餅嘅工作坊。林太諗住比吱吱睇吓月餅裏面係點，就入咗去。估唔到一個免費工作坊有得試食，仲有咁多禮物收，小朋友又可以試吓”包月餅”（幫個月餅扮靚靚）！！哈哈！！仲發現咗細佬係好鍾意食月餅，真係多謝晒！！

LamBB’s first art work from school

細佬返咗學四日，總算是適應吧！冇喊咁上校車，笑咪咪咁放學！！哈哈！！老師有打過電話來，情況十分滿意，老師還以為嘩嘩上慣playgroup，所以十分適應？！真的嗎？！難以置信？！今日仲派咗勞作，嘩嘩第一次返學做的勞作喎！！又幾靚喎！！

圓月太空限定店

又到中秋！！今年美心月餅又有得玩！！係銅鑼灣希慎廣場開咗「圓月太空限定店」。捐$10比「點滴是生命」，即刻可換購特別設計嘅太空隕石相架。雖然個相架樣麻麻，但$10做善事，無所謂啦！！

吱吱係「太空兔互動彩繪基地」畫了兩隻兔兔，好開心哦！！原來每完成一隻太空兔，美心就會同時捐出1個雙黃白蓮蓉月餅畀「點滴是生命」做慈善用途，等更多人可以分享到中秋嘅溫暖同團圓，好有意義啊！

法式草本花果茶

Clarins法式草本館免費體驗：

您可即場DIY調製｢法式草本花果茶｣，並印上您的姓名， 調製屬於自己的花果茶，更可免費獲贈賦活雙精華修護體驗裝乙份(價值$193)，體驗植物修護力量！

吱吱係銅鑼灣上緊興趣班，林太就去咗整花果茶。香港嘅pop-up store真係好利害，上個星期仲係第二樣嘢，今個星期就變了一個花園，太強勁吧！！但一邊話環保，好似一邊在製造垃圾？！

同V媽媽做了花果茶，影了相，打了卡。不過些花果茶唔知好唔好味呢？！真係好亂溝？！哈哈！！

LamBB’s first day at PN

返學喇，返學喇！！林生林太開始放假喇！！哈哈！！

細佬第一次自己返學，9:00-12:00，三小時！！好勵害呀，細佬沒有喊，開心地上學，開心地回家！！下午，老師打電話來，竟然話嘩嘩乖，以為佢成日上playgroup。哈哈！！又同同學仔一齊玩玩具，又去廁所⋯⋯這個是林太個仔嗎？！

希望吱吱和嘩嘩開心愉快地學習！！