April’s lunch box

四月話咁快就過，放完復活節假後，一個要返學一個唔使返學，一個陸運會，一個病了⋯⋯所以煮咗唔係好多餐！哈哈！！試了攞冷麵回校，細佬係完全唔食，真是係一個「阿伯」！！祝佢第時老婆好運！！

賽馬會青少年足球發展計劃 U8 比賽 （04.2024）

終於得閒，可以落場比賽！！但唔見細佬有進步，喺龍門前扭pat pat，做龍門的時候，俾人入咗四球！！救命呀！！真係要搵過第二樣嘢俾佢學！！

參觀雪糕廠

林太一早見到依個「參觀雪糕廠」活動，但是要包團，參觀時間三個月先出一次，仲要好鬼難book！！所以一直未去到！！追蹤咗佢哋Facebook一排，睇準時間，set定alarm！Yeah！Book到！運動會翌日，學校假期！！約咗吱吱嘅朋友仔一齊去！！參觀雪糕廠最多24人，當然有24人啦！裏面有19個小朋友，小朋友係$110、大人$90，小朋友有一份小禮物，裏面有一張$100現金券，可以訂雪糕用！！但無論是大人和小朋友，參觀結束後都可以留喺嗰到任食雪糕！！哈哈哈⋯⋯吱吱食咗六杯！！係六杯！！參觀雪糕廠，講解了製作雪糕/雪條流程，都幾有趣啊！！多謝一班傻傻的家長，陪林太傻，一齊搭地鐵，一齊行咗十幾分鐘搵地方，多謝曬！！

https://www.payandpayhk.com

陸運會後記

又是一年一度的陸運會，天氣預告欠佳，小朋友都做定心理準備，吱吱更話如果要返學就要交功課，所以尋晚已經做晒功課！！哈哈哈！！今朝起床時天黑黑，但沒有暴雨警告，所以如常進行⋯⋯去到之後，成功「開幕」，但準備第一項的運動時，掛上「雷暴警告」⋯⋯結果，小朋友跟校巴回校，家長自行回家，噢⋯⋯但不用灰心，林生竟然搵到節目，就係跟同學仔爹哋媽咪上大陸，哈哈哈！！玩咗成個下午到夜晚！！

UNI-QLO My first outfit

林太在Facebook見到依個活動，諗住UNI-QLO係日本公司，這些活動應該會好有心思，好似啲小店員，小Model咁⋯⋯點知係乜都冇嘢做？！話係75分鐘的活動，其實30分鐘內已完成！！就是叫小朋友選兩套衣服，去試身室換，穿着較喜歡的那一套拍照留念，就是這樣子！！他們連活動的禮物都忘記派發，要再回去攞，真搞笑！？真的有點失望⋯⋯

Tomacado 花廚

為咗就細佬玩圍棋，所以林太約了朋友仔係銅鑼灣tea⋯⋯奇怪地，今日銅鑼灣無咩人，世貿的餐廳全都是空空的。林太就被依間的花花吸引了⋯⋯好舒服既顏色！！

Trattoria Felino

一間好出名嘅餐廳？好難預約的餐廳？吸引咗林生留喺電腦前面，晚上12時正，預約！！勁啊！！一個月前，預約這個午飯⋯⋯試咗喇，OK啦⋯⋯林太覺得，佢哋嘅意粉咁出名，點解唔手作呢？味道係好食嘅，但係同其他舖頭也差不多，所以值唔值得要預約，視乎你覺得⋯⋯

Trattoria Felino

Urban Cafe

又來了，上次見到的「粉絲」不見了，嗚嗚⋯⋯今次佢哋好肚餓嗎？係咁偷嘢食，哈哈哈⋯⋯

Charlotte 5th & Audrey 1st Birthday Party // Frozen birthday party

這是最frozen的frozen party！！因為是在迪士尼舉辦的frozen生日派對！！哈哈⋯⋯無論是食物，裝飾，和Elsa & Anna都是真版！！！！吱吱大個咗無咁興奮，但林太覺得超興奮，好靚哦！！而吱吱和嘩嘩勁玩曲奇，每人六塊呢！！Happy Birthday, Charlotte & Audrey！！

LamBB’s 8th Birthday Party // Home Party

細佬未生日的時候已經問咗佢，想唔想搞生日會？佢係想嘅，但再問佢，點解嘅？！細佬話其實只想收生日禮物，因為開生日會有好多生日禮物。但再同佢討論，上次生日會嘅生日禮物，有些到而家都未玩，因為佢唔鍾意玩。生日會的目的是什麼？要佢數最好嘅朋友，其實只有幾個，幾位男孩子⋯⋯⋯細佬淨係想同佢哋玩吓就可以，所以最後生日當天，放學後一齊去公園玩！！晚上，本應一家人出街食飯，但吱吱有點不適，所以留在家韓燒！！林太亦都好公平，沒有生日會就可以選擇大大份的生日禮物！！自選生日禮物環節，對於男孩子來說真興奮！！因為終於可以取最大盒的Lego！！細佬，生日快樂！！身體健健康康！！

吱吱小四下學期測驗

之前細佬考試，所以屋企已有濃濃的溫習氣氛！！照計早咗開始溫習！？但成績都是⋯⋯普普通通吧！！見之前沒有記錄吱吱的成績，小五就要呈分，所以而家開始記錄一下吧！！考完試之後，吱吱覺得自己做得不錯，已經進步咗，亦盡了力！林太亦都相信！！所以協定了，如果中或英，加數或常（一科主科加另一科較容易的科目）有80分以上，就會買一隻倉鼠！！做得好好，常識科和數學科都有86分，差少少就有A了！！其實英文也進步了不少，由58到70，其實很大的進步！！下次考試，再努力吧！！

《珠海四日三夜之旅》 Day 4 珠海長隆宇宙飛船

最後一日，終於可以hea住玩，因為全部機動遊戲/表演都睇晒，今次係去「再玩」！！選擇再玩宇宙飛船，因為近酒店多啲，方便最後離開，而且全室內冇咁熱！！吱吱和嘩嘩發覺自己夠高玩碰碰車，不停re-loop玩碰碰車，海盜船，跳樓機！！林生林太坐喺度休息休息！！林太好鍾意殺人鯨/虎鯨，所以再探佢哋！！今日有時間食午餐啊！！哈哈哈哈⋯⋯大陸有意粉食，不過怪怪的，好似螺絲粉咁嘅？！玩到18:00就要上直通巴回港，細佬完全冇電！！返到香港才食晚餐！

《珠海四日三夜之旅》 Day 3 珠海長隆海洋王國

今日輪到入長隆海洋王國，應該是舊少少吧，全部都是海洋生物，相比廣州，就沒有獅子老虎睇！！跟着林生，當然是最早入場，酒店住客可提早一小時入場，09:00開始，但入到去全部嘢都未開！！由頭行到尾，只得鯨鯊館開⋯⋯哈哈哈⋯⋯個鯨鯊館都幾震撼，比得上日本嘅！！其實所有海洋生物，虎鯨/海豚/白鯨的表演項目都差不多，所以細佬唔多想睇，想繼續玩！！而且他們的高度，已經可以自己去！！而吱吱陪了林太玩最激的一個過山車，爽呀！！（細佬未夠高）長隆海洋王國是全室外，好彩都唔算多人，排隊時間都可以接受，如果唔係真係好熱！！兩小寶仲自己走咗去玩隻船，出到嚟濕曬身！！哈哈哈！！！有一個較為低B的過山車，他們不停地玩，玩了六七次才走⋯⋯抵！！今晚一樣出返去中央區食飯，又是火鍋，最過癮的是可以外帶飲品/嘢食！最後一晚，盡興吧！！

《珠海四日三夜之旅》 Day 2 珠海長隆宇宙飛船

經過昨天咁hea的行程，今天搏命了！！買了套票包兩晚飛船酒店，大馬戲門票，和「三天」的珠海長隆海洋王國/宇宙飛船門票。食完酒店的自助早餐，就快快手去飛船酒店check-in，換定馬戲團的門票，每人加了¥50劃位，晚上不用排隊。之後，09:20就衝去宇宙飛船玩！！不用多排隊，玩完一個又一個。看了虎鯨的表演，很懷念小時候看香港海洋公園的大白鯊表演。（大白鯊=虎鯨，原來是海豚的一種）玩到好似無食午餐，又無食晚餐，就去睇大馬戲，頂唔順買了些小食，哈哈！！90分鐘的馬戲好好睇，完全沒有悶埸！！完咗之後，又衝出去食晚飯了！！細佬食咗兩碗飯先，哈哈，真的很餓！！

《珠海四日三夜之旅》 Day 1 創新方

哈哈哈⋯⋯原來復活節有13日假！！三月的測驗考試週忙到沒有計劃這個假期。最後，「last minute deal」去珠海四天吧！！坐直通巴士直接去到珠海，其實車程一個小時多，但要上上落落過關，最後都要兩個半小時才到達珠海。第一站去「始創方」，是一個新商場，人流唔多，但有足夠的食市。指定動作，飲嘢食嘢同玩！！Yeah！！之後就返酒店游水，依到的酒店泳池要帶泳帽！！記住記住，下次要帶泳帽！！晚上，去了横琴中央區，好多嘢食呀！！仲有市集添，見到隻飛天鼠，好得意呀！！