校際朗誦節2020

林太又幫吱吱報的「校際朗誦節比賽」，哈哈⋯⋯諗住不用上枱，只需預先錄影，應該OK吧！！哈哈⋯⋯就玩玩吧！！用了兩個星期，天天背，連細佬都識，志在參加！！

林 林 林 林

吱吱無端端話掛住表姐，表姐們又無端端邀請佢去sleep-over。所以吱吱就去了sleep-over，早餐，行山直落，so happy呀！！

快閃迪士尼

咦⋯⋯吱吱下午不用上興趣班，所以快閃迪士尼！林太就帶著嘩嘩上堂、上堂再上堂⋯⋯其實嘩嘩真係好大方，又沒有唔開心，無乜所謂，話下次去啦！！

山頂

又開始返zoom zoom zoom⋯⋯亦越來越多確診個案，所以林生林太都採取避開人群政策！！就是平日偷走出去玩吓，到星期六日留在家中吧！！今日偷走到山頂一趟！！Nice weather！！

海洋公園 // 幕後之旅

海洋公園全年證的朋友，每年都有一次免費參加幕後之旅。因為疫情，雖然海洋公園開返，但幕後之旅都未開。有一日林太發現幕後之旅多了「小狐獴與大象龜之旅」，仲開始可以報名！！仲有位添！！興奮！！！哈哈哈！！！吱吱第一次去探小狐獴（上次太多人，沒有排隊入）；而嘩嘩第一次參加幕後之旅。「小狐獴與大象龜之旅」係展觀內新設的班房，其實出面的人都可以聽講解；但又幾好，可以近近地睇著狐獴一邊聽講解。可惜，嘩嘩對打機更有興趣，唉⋯⋯

繁忙的星期六。

因疫情影響，吱吱的芭蕾舞考試一再延遲，定了今個星期六⋯⋯但上午無嘢做，又知迪士尼樂園的城堡今日開幕，所以就一早衝了入去，玩到兩點出返嚟考試，哈哈哈⋯⋯入到迪士尼樂園，林生林太分道揚鑣，林太去了買嘢和攞禮物，林生帶著小朋友玩呀，yeah！！

ABC Cooking // Maple Nuts Swiss Zoaf

超香的楓糖味！！用了楓糖來做，又軟又香！！好好味！！又圓圓的，好有Christmas wreath的感覺！！哈哈！！

One Art Lab (5)

好掛住貓貓哦！細佬停課，又可以來探貓貓！今次是填色比賽，上次的攞了銀獎！！

Cyberport

秋天，林太最喜歡的季節！雖然皮膚乾燥一點，但洗衫好快乾，又有秋風吹一下，又可以穿多件衫顯瘦，哈哈哈！！今年無得去camping，但野餐都要去一下！！約了吱吱的幼稚園同學仔，已經唔同學校，唔知佢哋的友誼可以keep幾耐呢！？

Bungee birthday party // Michelle’s 6th birthday party

吱吱小一新認識的同學仔生日派對！！超開心呀！！因為很久沒有參加生日派對，因為疫情，所有派對都取消了！！今日個派對是用大人的空中瑜伽方式，釣了小朋友上半空，等他們好似可以飛咁！！哈哈哈⋯⋯超興奮！！ https://www.grandjetedancecenter.com

KLOOK 香港美利酒店冬日度假優惠 // 悠閒度假優惠

林太同中/小同學的約定仍然未實行，畢業之旅變了三十歲之旅，三十歲之旅變了四十歲之旅。哈哈哈⋯⋯依家疫情，大家不能出國，反而有時間能約反晚，一齊staycation！去了The Murray Hotel，當然是貪佢夠新啦！聽聞平日很難預約的high-tea都包了，所以諗住好抵，哈哈！！Girls-date book了兩間房，free-upgrade去了 N2 房，有梳化坐，都算大，望住香港公園的大鳥籠。可惜，個high-tea有點失望，甜點較為失色，可能林太不喜歡椰子味？！但蛋糕也是普普通通！相反，早餐十分驚喜！！可以叫廚房早餐，還有自助早餐，食得很暢快！！Thank you, happy gathering！！https://www.niccolohotels.com/hotels/hongkong/central/the_murray/index.html

KLOOK 香港美利酒店冬日度假優惠 // 悠閒度假優惠

1晚高級客房(可供2人入住)住宿

雙人半自助早餐

雙人下午茶

Prosecco葡萄酒一瓶

在Murray享受20%的水療護理優惠

生日或週年紀念日可送贈禮遇包括蛋糕

海洋公園

依個時候post海洋公園相，會唔會被罵呢？！學校的下午班有上呼吸道感染，所以星期三起停課，明天收集深喉唾液。今日無咩嘢做，所以入了海洋公園。其實天氣轉，好多小朋友都會好易病，兩聲咳和流鼻水。係今年有新冠狀病毒，同上呼吸道感染病徵很似，作為家長會較為擔心，帶小朋友去睇醫生，醫生咪寫「上呼吸道感染」，就變了「上呼吸道感染」的爆發⋯⋯覺得都是要小心，出去玩，都可以吧！！今日認真地玩海洋公園，由10:00起，先玩兒童王國嗰邊。玩了「五感發現」，小孤獴，遊樂場；之後，坐纜車。去到另一邊，12:00正灣景餐廳剛剛開，就食午餐！！食完再玩極地時速，睇海獅、海象、雪孤。最後，返去睇熊貓！！熊貓今日好可愛呀，出嚟搵枕頭仔攬攬！！好似BB咁！！

Happy Birthday to Mrs Lam

一個「搵自己笨」的早上，林太帶著兩隻馬騮入海洋公園。因為想睇香港海洋生物救護及教育中心開放日導賞團，由09:45等到10:30先知入唔入到去，兩隻馬騮就跑來跑去⋯⋯去完導賞團，再排隊玩過山車，已差不多十二點！！園內勁難搵位食午餐，所以就出去食吧！！好彩是林太生日，林生才願做司機，哈哈哈！！（註：由於兩隻馬騮不夠高自己玩過山車，林太要玩兩次，嘩嘩企在外面等，這是他最乖的五分鐘，哈哈哈）食完個午飯，還可以回家午睡，多麼好！！林生再準備晚餐！！謝謝哦！！

香港海洋生物救護及教育中心開放日導賞團

香港海洋公園保育基金的香港海洋生物救護及教育中心的開放日。之前因爲疫情，有一排無開，林太見到他們的post開返，今日晨早入海洋公園，霸定頭位入去參觀！！但海洋公園的職員同保育基金的職員/活動唔多熟，唔知係邊到等，又唔知點安排，最後好彩都成功第一輪（10:30）入到去！！裏面好新哦！！是負責解剖擱淺的海洋生物，大多數擱淺了的海洋生物都救唔反，所以多數都用作解剖，研究死因。有一個手術室，有一部大型的CT scan，還有個小型實驗室。保育基金職員介紹了香港最常見的中華白海豚和江豚，他們的頭骨和牙齒的分別。亦講解了他們擱淺的最常見原因。但其實香港幾年才有一隻豚/鯨擱淺，真是值得花這麼多錢作研究嗎？

Ando // Pre-birthday dinner

由林太的靚姨介紹，西班牙X日本菜，雖然未有星星，但充滿驚喜的晚上！！今晚幾道菜都有日本的「木之芽」，愛上它的香氣⋯⋯嘻嘻！！今晚試了它們8courses：abalone - wagyu beef* - assorted sashimi - almond soup - fish - venison - Spanish rice soup - apple - wagashi - petiti four* 好好味呀！！呵呵呵⋯ https://andohk.com/