全方位學習日 // 香港動植物公園 // 香港歷史博物館

為了提供多元化的學習活動，本校將於3月29日(星期三)至3月31日(星期五)進行全方位學習日，讓不同年級的學生，透過參與不同類型的學習活動，鞏固所學，開展眼界，擴闊經驗。學習日內的活動各有不同，請同學多加注意活動前老師的提示。

細佬學校無端端三日不用上課，做學生嘅當然開心到爆！！冇功課，爽YY！！做家長都好開心，因為有時候家長自己帶佢哋去博物館，佢哋會好似甩繩馬騮咁，周圍跑，都不會欣賞展品。而家有人帶着，用心講解，所以十分之like！！林太仲走咗去香港動植物公園「偶遇佢哋」，哈哈哈！！雖然落著微微細雨，但每個小朋友都好開心，一把傘兩個人一齊用！！林太沒有打擾他們，悄悄地走了⋯⋯希望各位同學仔，有兩個開心的早上！！

麥當當生日派對

細佬被邀請參加同學仔的生日會，麥當當生日派對，但係要去到黃埔，一間好歐陸風情的麥當勞！！哈哈哈！！生日會大概90分鐘，見到啲麥當勞姐姐忙過不停，一開始嘅時候大家都未熟，所以冇人夠膽叫嘢食。之後玩遊戲，小朋友圍着麥當勞姐姐氹氹轉！！係咁叫佢吹波波，哈哈哈！！之後又忙着切蛋糕，派蛋糕，都沒有時間收拾之前食完嘅嘢，啲嘢飲超危險！！不過依啲嘢對小朋友完全沒有影響，佢哋玩得好開心！！謝謝邀請，祝生日快樂！！

同學仔

過了第二學期，終於約到多幾個同學仔出嚟玩！！Yeah！！終於有多幾個男孩子陪細佬跑跑跳跳！！短短相識了幾個月，已有小朋友要移民了，good bye and good luck！！後會有期！！

香港花卉展覽 2023 — 「繡麗綻放、幸福滿載」

林太好鍾意繡球花，覺得好靚，好幸福的感覺！！繡球花的花語感謝、希望、忠貞、永恆、美滿及團聚。而今次花展用了繡球花做主題，所以係各個大小公園都見到繡球花，今次花展仲有勁多唔同品種嘅繡球花，靚！！林太約了梁媽媽和梁婆婆去睇花展，第一次同婆婆行花展，感覺很可愛！！慢慢地觀賞每一朵花、每一塊葉的動態，行了兩個多小時！十分美滿的一天！！

https://www.hkflowershow.hk/tc/hkfs/2023/index.html

棉花糖蛋糕

林太睇咗依間舖頭好耐，一直都好想整棉花糖蛋糕，因為成日見到啲台灣片好似好容易整咁！！但係喺石門，又好鬼遠喎，一來一回唔夠時間接小朋友⋯⋯等到今個星期日，細佬考完試就當去玩吓！！上課時間係10:00-12:30，林太都係諗住自己做，俾錢帶埋細佬睇吓點，出奇地細佬好用心機去做！！仲做咗好耐添！！真係意想不到！！總共節咗30多粒棉花糖，又要畫眼耳口鼻，都幾花時間！！結果細佬都能完成一個蛋糕，再喺石門食個飯，再送個蛋糕返屋企！！

https://beautifultimeflowe.wixsite.com/flowercake

MIKURA by city'super // Tenju X Eikun Sake Dinner

多謝林生家姐請食飯，其實是他的生日，還要他自己選擇餐廳。（哈哈哈⋯有點不好意思）原來city‘super自己開了一間餐廳，選用city‘super可買到的食材，大多數都是進口食材！！今晚有清酒老闆嚟咗香港，主持清酒節，而且仲配合每一道菜有不同清酒！！添完可以再添！！飲到夠為止！！真係不醉無歸！！

Menu：

MIKURA Appetizers

～Tenju Chokaisan Sparkling～

Assorted Sashimi (Fatty Tuna, Hokkaido Scallop, Sea Urchin)

Braised Japanese Abalone

～Tenju Chokai Daiginjo～

Sake-kasu Steamed Hiroshima Oyster

～Eikun Suiten Ippeki Junmai Daiginjo～

Grilled Yamagata A5 Wagyu Beef Ribs

～Eikun Sakura Junmai Daiginjo Genshu～

Anko (Monkfish) Yuzu Pot

Hodoshima Handmade Sanuki Udon

～Tenju Chokaisan Kimoto Junmai～

Dessert sesame pudding

～Eikun You’s Time Light Yuzu Liqueur～

$1,280.00

灃味館 // Happy Anniversary to grandparents

三。八，婦女節，各位婦女們辛苦啦！婦女們仍需努力，哈哈哈⋯⋯除了是婦女節，也是梁爸爸和梁媽媽的結婚周年紀念日！所以一同慶祝，食餐飯！！嘩～～今晚的花膠扒好大塊！！雞燉翅都好好味！！謝謝！！祝結婚周年快樂，Happy together！！

小女童軍戶外活動

小女童軍要考章啦，佢哋今次考服務章，喺學校清潔班房，之後去社區執垃圾！！但唔知點解山長水遠去咗尖沙咀海旁執垃圾？！哈哈哈⋯⋯林生偷偷地去睇吓吱吱，點知俾佢嘅朋友仔發現：「嗰個咪係你爸爸？」哈哈哈！！

為配合小女童軍八項網領中「享受戶外樂趣」主題，培養隊員愛惜環境的良好品德，本校現安排小女童軍於日常集會日內，由本校老師帶領進行戶外活動。有關該活動之詳情及安排如下：

日期：2023年3月6日（星期一）

活動地點：由學校乘校車往尖沙咀星光大道→尖沙咀碼頭→乘撘天星小輪往中環→乘校車回校

出發時間：1:45pm

回程時間：4:00pm

十五年的我們

對哦，林生林太由拍拖至今已十五年了！相信林生已忘記了這個「拍拖記念日」哈哈！！但撞正細佬的考試週，又要溫習，又會早放學，所以沒有特別節目！只是林太一早跟車送返學，再立刻上山頂行個圈，食早餐。早餐食甜甜的士多啤梨pancake，哈哈！！之後，就要回復正常，返屋企同細佬溫習。到晚上，林生林太又再偷走，食甜品，凍冰冰的刨冰！！真係由朝甜到晚！！Sweet sweet！！