Mr & Mrs Cat Cafe

林生同咗細佬和林媽媽去旅行，都估到吱吱會唔開心，所以林太一早安排了去貓貓餐廳食晚飯，希望令佢心情好啲！！（上次去貓貓餐廳，也是林生去旅行嘅時候）

依間貓貓餐廳和上次去嗰間係喺同一棟大廈，不過依間細好多，但多貓好多，所以視覺上周圍都係貓，哈哈！！依間有最低消費，每位HK$85/2小時，包一杯嘢飲。亦可以叫set lunch/dinner，HK$120起，都係包一杯嘢飲。林太叫了最平的烏冬餐，普普通通吧，不過蜆應該是雪藏，味道麻麻。不過吱吱十分欣賞佢嗰杯熱朱古力奶，哈哈！！

嗰度雖然多貓，但只有一隻最好客，會走過嚟陪吓你！！吱吱就在扮貓！！！扮睇街，扮抹面，扮瞓覺，哈哈！！！好可愛！！！

https://m.facebook.com/mnmcatcafe/

紙盒回收

脂老虎餅已食到第五盒，雖然係中國出產，但個包裝都好靚，個紙盒好硬正！！諗諗吓，唔好浪費，又再搞搞新意思！！但林生形容是「把一件垃圾製造成一件更大的垃圾！！」哈哈，是嗎？

1。吱吱的頭飾已滿了幾個小盒，還是到處都係，就用了一個盒做了一個「頭飾相」。時間有限，只是貼了一層不絨布，和加了兩條不絨布帶喺裏面，用來夾髪夾。相信吱吱自己會貼貼紙係面，裝飾一番！！

2。做了一個小遊戲，訓練他們眼、手的協調。其實用普通紙碟做都可以，但呢個夠晒硬正，哈哈！！嘩嘩就快要K1面試，順便練習一下數字吧！！

我要做大廚 X 童畫

又有製成品睇喇！！今次碗麵好攪笑！！顏色好靚呀！！真的是吱吱做的嗎？？哈哈！！

茶。米

玩了三小時，兩位小寶貝唔肯分開，難捨難離，要一齊共進晚餐。但大人已經很累，所以是是旦旦搵個地方，去了茶米，見佢係用「Kiki麵」，想試下⋯⋯⋯

只會一試吧⋯⋯⋯普通過普通⋯⋯⋯

http://www.pacificplace.com.hk/zh-HK/Taste/Directory/Suns-Bazaar.aspx

唔做公主，做野人！！

上網見到朋友既仔女去咗玩，還大力推介，就去八掛一下。嘩！！見到個收費，覺得有點貴，不過也一試吧！！細佬嘩嘩通常係個段時間午睡，所以無幫佢報名，但去到又唔瞓，偷雞玩咗一陣，哈哈！！！

嗰個地方係一間舊校舍，首先去校舍的後園玩玩。所有的玩具/玩意都好raw！！山水，泥，沙，木頭，紙皮，叫小朋友們自己/自由玩耍，所謂的「free play」，但不見有甚麼「character building」？！可能只是係小朋友身旁講句：「你做得到！」「加油哦！」「去啦！」其實如果父母不怕骯髒，平日去公園，自己玩也有一樣效果。

下半場去了條小溪玩水，捉魚。是公眾地方，平日自己也可以去。可能小朋友還細吧，沒有玩空中滑索。

短短的三小時，要HK$600。有三位員工，照顧15個小朋友。值唔值，見仁見智吧⋯⋯但去完，吱吱仍是一名公主，投訴依度污糟，嗰度污糟，救命呀⋯⋯

https://www.hongkongforestadventures.com/