又是Facebook上的廣告，令林太認識饒宗頤文化館，諗住去做下偽文青，影張紅磚相。哈哈！！
又見到「活字生香」漢字文化體驗展DIY工作坊，好似好啱吱吱咁，因為吱吱到依家都未認到字！！可能將文字變得有趣，可以幫助佢認字！！而且只需HK$148，價錢又幾合理喎！！所以就參加了！！
同V-媽媽和J&J一齊參加，每人一份「字有主張」DIY甲骨文識字印章。其實所有材料都已經係裏面，自己係屋企玩都得。吱吱一手一腳貼了大部份的印章，之後開始印，認識文字。最後作了一個小故事，和其他小朋友分享。吱吱想和其他小朋友分享《尋找小腳八》嘅故事：一個晚上，雲上面有一座山，山上面結了冰，有好多動物，如鹿、熊、仲有一個人坐在象上。吱吱真係記得《尋找小腳八》的劇情，哈哈！！
上完堂，係饒宗頤文化館行下和食午飯，頤膳房。他們都算是獨市生意，但價錢也很合理，消費滿$500還可以免費泊車！！
No comments:
Post a Comment