角落生物珍珠奶茶 // 芝士麻糬波波

網上見到好多大人/小朋友都做麻糬波波，林家也要追上吧！！哈哈！！兩位小朋友訓練到可以雙手一齊搓圓？！真厲害！！可能太細粒，又用炸煱的關係，有點硬，較似芝士餅，哈哈哈⋯⋯

https://food.ulifestyle.com.hk/recipe/detail/2140555/簡易食譜-煙韌零技巧食譜-軟心芝士麻糬波波

DIY — 恐龍

依個時候收一箱口罩，當然超開心啦！！見到個箱細細地，又靚又乾淨，林太又諗住玩吓。剪兩剪已變了隻恐龍！但不想在家用水彩填滿隻恐龍，所以用了顏色膠紙就算。叫吱吱和嘩嘩替它畫上圖案，畫吓畫吓，點解畫咗裏面嘅？！嘩嘩又不斷寫數字，叫林太一定要記住，是下期六合彩數字嗎？哈哈哈⋯⋯

#drawwithrob 2

星期六畫完畫之後，覺得林家的畫功也不錯，林生決定要買本畫簿開始一齊學畫畫。其實全家人一起排排坐，做同一件事，感覺很好。平日通常只能一起玩卓上遊戲，依家可以一起畫畫！！#drawwithrob的第四款，KEVIN，都完成了。但吱吱和林生好像意猶未盡，所以繼續⋯⋯哈哈哈⋯⋯

#drawwithrob 1

吱吱的同學仔跟#drawwithrob畫了幅畫好靚，好得意。所以林家全家一起畫了一隻恐龍仔，效果不錯哦，細佬都畫到個樣，哈哈哈！！今日同吱吱再嘗試，畫了隻熊和臘腸狗，哈哈⋯⋯

http://www.robbiddulph.com/draw-with-rob

DIY — 糖莎翁

尋晚失敗咗一次，今朝早一起身再試！！食譜係由林生的表姐提供，亦問咗佢失敗嘅原因，所以今日一定成功！！哈哈哈⋯⋯原來尋晚只差少少，就是水+牛油不夠熱，今日大成功！！不過吱吱和嘩嘩沒有興趣，見到糖都唔食，奇怪？！

https://huileehui.blogspot.com/2020/03/blog-post_28.html?m=1

Google 3D 模式檢視

星期六，無節目，在家玩「Google 3D 模式檢視」同動物影相⋯⋯哈哈哈⋯⋯相信各位小朋友已悶到一個點，Google出手幫忙，哈哈哈⋯⋯

Afternoon tea // DIY cupcake

下午喇，兩隻小魔怪沒有睡意午睡，又搵嘢玩。之前買的”Cupcake pre-mix”，只需加蛋和水就可以。林太多手加了可可粉，諗住可以做雲石紋。吱吱和嘩嘩有兩柸更加了熊仔糖。下午茶時間到⋯⋯

Toilet paper roll

儲下儲下，原來屋企已經有很多個廁紙筒，係時候用下了！！只需剪開一半，任由小朋友發揮，一條路就是這樣建成了！！林太嘗試過加入彎位，原來係好難囉！！哈哈哈哈⋯⋯

《喂！你是誰？》

吱吱和嘩嘩沒有上zoom堂，但林太見到有畫室係Facebook/YouTube上的分享，就試試吧！！有故事聽，有得跟著畫，細佬都跟到呀！幾好幾好！！故事《喂！你是誰？！》，故事中的角色都是圓圓的，他們就創作了一個！！

https://m.youtube.com/watch?v=D3EkuAl8UOE&t=2s

赤柱曬太陽

好好天，超勁大太陽！！係時候出外曬一曬！午飯後，去了赤柱曬太陽！！不過依然帶着口罩，咁樣曬法會唔會就快變浣熊！！

之之劇埸 — 三隻小豬女

歡迎嚟到之之劇埸，今日得吱吱一個，因為細佬午睡中。而且《三隻小豬女》的故事係由吱吱一個創作，就由佢講吧！！

三隻小豬女，同豬仔的想法有點不同。他們起屋的物料不同，吱吱想用石頭、膠、和玻璃。幾可愛，哈哈哈⋯⋯

DIY — 水壓機械手

細佬又搵嘢玩，開了「水壓機械手」。今次的配件超細，吱吱都串唔入。不過好快就能完成，之後就左夾右夾，哈哈哈⋯⋯

Half and half pictures

林太記得去某某小學的開放日，見過小朋友畫half and half pictures，覺得好得意。今朝早印功課時，印多兩張相比吱吱和嘩嘩畫吓。他們的比例麻麻，亦不是太對稱，但睇落又幾靚，哈哈！！一個似畫小丑，一個畫wonder woman！！

Scooter day

沒有出外，但都去了平台玩scooter。他們有無限創意，越跳越高，自創的難度越嚟越高⋯⋯哈哈哈⋯⋯

可再生豆苗 // Sweet basil

好彩家中有個小露台，植物殺手的林太繼續殺殺殺！！哈哈哈！！應該不會矢敗的再生豆苗，係激安殿堂買的，食完之後只需加水就能再生。不過，吹到傻咗咁，哈哈哈！！又開始種Sweet basil，又是舊存貨，唔知會唔會過期呢？哈哈！！

Let’s Fight

在Ig睇見好耐，今日終於有時間玩！！細佬超攪笑，把眼睛貼了上對腳到，哈哈，又幾靚喎！！一個超容易做的小手工，換來大家的哈哈大笑！！

https://www.instagram.com/p/B9CKmQQjoig/?igshid=1amdeptbpq5b1

DIY — Nutella marshmallow toast

係屋企食完飯，班小朋友仍然像餓鬼，哈哈⋯⋯吱吱和嘩嘩都加入，做了nutella marshmallow toast，仲要加花生醬。嘩嘩玩完一輪，唔食！！最後林太偷食咗，肥死！！

DIY — 七彩冰糖葫蘆

細佬學校睇緊《小雞逛超市》和英文學緊”rainbow colours”，林太就繼續延伸活動⋯⋯係屋企設計咗個”彩虹串”用乜生果先，帶著張shopping list去超市買生果。再回家串生果，再加糖水。加完糖水超甜呢，甜到細佬唔食，哈哈哈！！

Grow-a-maze

之前係Facebook買的”Grow-a-maze”，開咗才發現沒有包泥和種子，買完泥和種子動工吧！！

一個星期前開始，落了蕃茄種子，第五、六日見到有芽仔。今日加上個迷宮，再全黑，睇吓小植物識唔識自己找出路？！

再繼⋯⋯

DIY — Pizza

林生不在家，係時候搗亂！哈哈哈⋯⋯

Pizza dough要發酵一小時（沒有發酵機，用室溫）。所以一食完早餐就開始，用了ABC Cooking的食譜，好易搓，吱吱上課也沒有白費，手勢不錯！！

大澳一日遊

林家入了大澳走一走，當然申請了禁區紙，不用迫巴士啦！聽聞週末多人到恐怖！

申請大澳禁區紙：https://www.td.gov.hk/tc/public_services/licences_and_permits/lantau_closed_road_permit/driving_on_lantau_island/index.html

行程是：

》東涌炮台 https://www.amo.gov.hk/b5/monuments_07.php

》天壇大佛/ 寶蓮寺 http://www.plm.org.hk/

》靈隱寺 http://www.fushantang.com/1005b/e2003.html

》大澳

》福滿林酒樓 https://m.facebook.com/fookmoonlam/

》大澳文物酒店 http://www.taioheritagehotel.com/en/

其實大澳已經嚟過，都是呆在家太耐，想出外走走。好彩今天是天陰，沒有下大雨，還可以欣賞一下大澳風景。小朋友去到邊，都未懂得欣賞”風景”，都是數吓樓梯，跑跑跳跳。不過，大澳有好多貓咪，他們也忙著找貓咪玩。因疫情關係，大澳文物酒店不對外開放，只能在公園範圍內走走。嗚⋯⋯