林家放暑假2024 // 倆口子的東京之旅 // Day7

天悠的室外溫泉很美，好天的話可以看到日出，所以林生話「最好」去看看。林太也乖乖地較了鬧鐘，早上五時起床⋯⋯⋯女湯有十多人在等，可惜太多雲，未能看見，嗚嗚⋯⋯返房瞓多陣就去食早餐。嘩！依個自助早餐不得了！！有Nitro Coffee、紅酒、白酒、香檳任飲；蟹腳、魚子、雪糕任食！！食夠就起行，final stop，outlet！！之後，就要說再見了！！

三井OUTLET PARK木更津：三井アウトレットパーク 木更津

林家放暑假2024 // 倆口子的東京之旅 // Day6

嘩！！今早起身，竟然見到富士山。不過是夏天，所以沒有雪，感覺它普普通通吧！！因為昨天下雨，所以有些景點還未去。本來想skip，但忍野八海原來是「世界文化遺産」，所以去一去吧！！忍野八海有幾個湖，最深的有八米，水清到可以見到低！！好神奇呀！！之後，就去大涌谷，預約了導嘗團，看看「黑蛋的秘密」。原來將雞蛋放到溫度約攝氏80度的溫泉池中慢慢烹煮一小時，溫泉池中的鐵質（溫泉物質）便會黏附在多孔的蛋殼表面，並引起硫化氫的化學作用，使蛋殼變黑。哈哈！！就是這樣，個個買雞蛋吃！！吃個午飯，就到箱根神社平和的鳥居，就是在水上的鳥居。可惜背光，全部相都看不到人樣，哈哈！！繼續向箱根方向前進，經過/行了商店街，之後早點到天悠酒店享受一下，relax一下！！天悠好舒服！！入到去換件和服浸浸腳，吃點茶點，喝柸茶，浸浸溫泉。最後，吃自助餐！！爽呀！！

忍野八海：忍野八海 - 山中湖観光情報

大涌谷：ようこそ大涌谷へ　駐車場・インフォメーションセンターから

箱根神社平和的鳥居：https://hakonejinja.or.jp

箱根小涌園天悠：https://www.ten-yu.com

林家放暑假2024 // 倆口子的東京之旅 // Day5

今朝喺酒店食完自助早餐，都係見唔到富士山，有啲密雲，好大機會會落雨！！趁未落雨，去吓啲景點先！！第一站去了鳴澤冰穴，一千多年前，在富士山的側火山長尾山噴火時，灼熱的岩漿流下舊寄生火山，所以就形成了這兩個隧道形狀的洞穴。以前沒有雪櫃的日子，這裏就是天然雪櫃！！一入到去真係好凍！！天然的力量多麼神奇！！之後，去到北⼝本宮富⼠淺間神社，是上富士山之前必到的神社。去到才知道昨天是火祭，早知尋晚出嚟影相！！喺神社附近食咗碗烏冬，一間平平無奇的餐廳，一碗好有溫度的烏冬！！再去新倉富士淺間神社，平日打卡的神社，因為有櫻花或紅葉的時候很美，但而家乜都冇，所以少咗啲人！！哈哈！！而且要行勁多樓梯，係勁多！！上到去，花又無，富士山又無，嗚嗚⋯⋯還開始下雨，最後決定去商場行陣街安全啲！！本來諗住食個冬甩做下午茶，但入到超市，見到一盒有拖羅的魚生都只係2000円，所以食完先食晚飯，七輪燒！！不過原來是出名食內臟，林生沒有人陪，所以食得不是太多。食完晚飯時間尚早，再去超市！！結果遇上半價魚生，返酒店宵夜，呵呵！

鳴澤冰穴：https://www.mtfuji-cave.com/index_smart.php

北⼝本宮富⼠淺間神社: https://fujiyoshida.net/zh_TW/see-and-do/23

新倉富士淺間神社：https://www.arakurafujisengen.com

Blooms Summer Camp 2024 - 木劍班

林生林太去咗旅行，又怕公公婆婆照顧得太攰，所以安排了兩小寶入camp。兩日一夜的camp，其實他們上年已去過，林太知道嗰度好食好住，所以特別放心。今次兩日一夜是木劍班，林太都沒有留意，諗住比佢哋玩吓木，體驗一下。估唔到把木劍是另有意思，勇氣之劍！！Very meaningful！！希望佢哋記得自己下過的苦工！！

< 勇氣之劍 > 

穩穩佇立大地之上，

米迦勒之劍在我手，

米迦勒榮光耀我心。

以此寶劍，

我將面對我的惡敵，

克服心中恐懼，

力抗邪惡，

良善意志將引導我前行。

「臨走的時候，我送小朋友出路口。然後告訴他們，我舉辦木劍班不是只為了玩，而是要提醒他們新學年遇到問題，就好似磨劍咁，慢慢磨平它，解決困難需要耐心。」

「木劍會發光，因為可以每晚會提醒小朋友解決問題的信念。」

林家放暑假2024 // 倆口子的東京之旅 // Day4

今日又要早起，因為要八點前把車子駛走。本來泊的停車場今日休息，所以尋晚已把車子泊在路旁的停車位，上午八點後開始時鐘收費。冇辦法，今天早咗開始起行。第一站去咗貓貓神社，豪德寺。裏面有好多好多隻招財貓，不過都有好多好多蚊！！林太一早去餵蚊！！哈哈哈！！因為時間尚早，所以行去食個早餐，可能今日是平日，好多舖頭都唔開⋯⋯最後去了一間明星開的咖啡店，Amazing Cafe。打個卡，又再下一個景點。就是米芝蓮一星的壽司店，雖然剛剛在香港開了分店，不過都係去日本食開心啲！！Udatsu Sushi，坐咗樓上，壽司師傅一對五，林太覺得時間比較好，食完一件又可以再食第二件。可能是季節問題，今日都係沒有貝類海產，嗚嗚⋯⋯不過都好好味！！食飽飽，出發去河口湖。睇吓時間，仲趕得切上山頂坐纜車。上到去，本來鞦韆已經過咗時間，但工作人員都俾我哋繼續排隊影相，太好了！！可惜富士山怕醜地躲在雲的後面，睇唔到呢！落返山都未天黑，所以又係吃早飯！！經過山麓園，佢哋話晚上七時關門，所以5:30就吃晚飯。其實真係好熱，還路邊燒，真係勁熱。之後，早點返酒店休息休息，浸個溫泉！！

豪德寺：https://gotokuji.jp

Amazing coffee：【2024年7月11日(木)GRAND OPEN決定‼】『AMAZING COFFEE TOKYO GOTOKUJI』店舗情報・販売商品発表★

Udatsu Sushi：https://www.udatsu-sushi.jp/en

富⼠⼭全景式索道：https://www.mtfujiropeway.jp/zh-CHS/

山麓園：https://kawaguchiko-sanrokuen.com

Fuji View Hotel：https://fhr.fujiview.jp

林家放暑假2024 // 倆口子的東京之旅 // Day3

今天沒有大計劃，只是買了Shibuya Sky的入場券，沒有預約午餐和晚餐。但唔知點解咁早起身，所以就早了出發，在酒店附近飲杯咖啡，再坐火車去渋谷。時間尚早，想找間餐廳食早餐，乜都未開，Google map見到一間開咗嘅餐廳，但行來行去都找不到，因為日本的地下街實在太過厲害，找不到「B2」basement level 2，最後都要問人才找到。Shibuya Sky的入場券是早上11:00，本來想買黃昏時間，但兩個星期前已經售罄！！再諗吓買咩時間，就連最早的10:00和10:30都售罄了，可能是星期日吧？！其實10:30已經食完早餐，上咗去，諗住可以早點入場，但結果都要等到10:40才能入場。上到去46樓，已感到一鼓熱力！！出到去，簡直曬死人！！冇遮冇掩！！Shibuya Sky的打卡位，有一位工作人員替你影一張相（1 photo per group），之後你可以自己用手機/相機影相，但工作人員不會幫你用你的器材拍照，還會計時40秒。但依條龍都要排隊，等了20分鐘，曬住等！！救命呀！！排到過去，叫後面位叔叔幫手影相，但之後發現啲相都有佢嘅手指！！唉⋯⋯行完觀景台，就開始逛街！！整天的shopping！！行了渋谷和原宿一帶，其實品牌都很熟悉，睇吓好唔好彩找到啱size！！午餐去了食炸豬扒，一間很懷舊的餐廳！！夜晚餐去了食拉麵，但入到去先發覺沒有冷氣，不過都試試吧！！為了避開人群，所以晚餐很早吃，有足夠時間可以食宵夜！！哈哈哈！！在網上見到別人買和牛和杯麵做宵夜，林生林太也試試，正呀！！

渋谷Sky：https://www.shibuya-scramble-square.com/sky/

かつ吉：https://www.bodaijyu.co.jp/restaurant/shibuya/

AFURI拉麵：AFURI

林家放暑假2024 // 倆口子的東京之旅 // Day2

上次去完泰國，投訴早起身，所以今日可以晏少少起身⋯⋯係少少！！哈哈哈！！首先去新嘅Fish market，好似翻新街市咁，全部檔口上晒舖，感覺真的有點怪怪，都係喜歡舊的！！行咗個圈，最後入了大江戶食早餐，好豐富的魚生飯做早餐！！哈哈哈⋯⋯咁嘅價錢，性價比極高，好味滿足！！之後，去了Team Lab，雖然預早購票，但仍然要排隊，排咗一陣，不過真係好曬！！入到去要除鞋除襪，着裙的要借條褲着，因為有勁多鏡子！！林生林太都係第一次玩Team Lab，完全未試過沉浸式體驗，感覺很有趣！！真的很美，藝唔藝術就見仁見智吧！！出到嚟，就在隔離食返碗麵，全素拉麵！！俾完錢才發覺咁貴嘅，原來入去食係要俾入場費，哈哈！！沉浸式地食麵，哈哈哈！！不過，意想不到全素的味道都很豐富，好好味！！下午去了淺草，雷門，當遊客行吓！！十幾年前跟團，都是在門口影一張相就走了，今天行到盡頭！！泊返架車回酒店，就坐火車去渋谷，對啊，林生第一次坐火車！！為了可以飲多杯sake！！哈哈哈！！熟悉東京火車路線的朋友，其實銀座去渋谷係勁方便！！食晚飯前仲有時間夾公仔，收穫也不錯啊！！林生林太諗住回味一下拍拖時，就去了影貼紙相，但因為全日文，最後影到好搞笑！！晚餐是由朋友介紹，壽司-花oka！有八個座位，一個壽司師傅對八位客人，林太覺得一對六好似時間上會好少少，不過可以俾多啲時間林生飲酒！！飲咗七杯sake！！不醉無歸！！

豐洲市場：ザ・豊洲市場【公式】

大江戶 豐洲巿場：海鮮丼 | 豊洲市場の海鮮丼 | Japan, 東京都江東区Toyosu6 Chome−6−1 豊洲市場

Team Lab：【公式】チームラボプラネッツ TOKYO DMM, 豊洲, 東京

Vegan Ramen UZU Tokyo：Vegan Ramen UZU Tokyo | ヴィーガンラーメン ウズ | 東京, 豊洲, チームラボプラネッツ

壽司 花oka：渋谷 鮨 花おか 公式サイト - Shibuya Sushi Hanaoka Official Website