林家放暑假2024 // 倆口子的東京之旅 // Day5

今朝喺酒店食完自助早餐，都係見唔到富士山，有啲密雲，好大機會會落雨！！趁未落雨，去吓啲景點先！！第一站去了鳴澤冰穴，一千多年前，在富士山的側火山長尾山噴火時，灼熱的岩漿流下舊寄生火山，所以就形成了這兩個隧道形狀的洞穴。以前沒有雪櫃的日子，這裏就是天然雪櫃！！一入到去真係好凍！！天然的力量多麼神奇！！之後，去到北⼝本宮富⼠淺間神社，是上富士山之前必到的神社。去到才知道昨天是火祭，早知尋晚出嚟影相！！喺神社附近食咗碗烏冬，一間平平無奇的餐廳，一碗好有溫度的烏冬！！再去新倉富士淺間神社，平日打卡的神社，因為有櫻花或紅葉的時候很美，但而家乜都冇，所以少咗啲人！！哈哈！！而且要行勁多樓梯，係勁多！！上到去，花又無，富士山又無，嗚嗚⋯⋯還開始下雨，最後決定去商場行陣街安全啲！！本來諗住食個冬甩做下午茶，但入到超市，見到一盒有拖羅的魚生都只係2000円，所以食完先食晚飯，七輪燒！！不過原來是出名食內臟，林生沒有人陪，所以食得不是太多。食完晚飯時間尚早，再去超市！！結果遇上半價魚生，返酒店宵夜，呵呵！

鳴澤冰穴：https://www.mtfuji-cave.com/index_smart.php

北⼝本宮富⼠淺間神社: https://fujiyoshida.net/zh_TW/see-and-do/23

新倉富士淺間神社：https://www.arakurafujisengen.com