記得幾年前，林太同吱吱去過黃金海岸沙灘拾垃圾，佢有深刻的回憶！！想再參加這類活動，但發覺很難就時間⋯⋯一個得閒，另一個要測驗，等等。細佬的學校竟然有這種活動，仲要免費，當然參加啦！！感謝老師們紅日都回校帶隊！！謝謝你們！！其實全班都識，氣氛更加開心！！
復常的中秋，條街明顯熱鬧咗好多！！食完飯，仲可以行夜市！！不過，今年無買燈籠，哈哈！！
今日學校假期，周圍應該冇乜人，問咗細佬想去邊，佢話踩單車⋯⋯結果連林太都俾人捉咗去踩單車！！好鬼曬！！！細佬而家踩單車已經好好，大美督水壩來回咗兩次（X4）再加不停的細圈！食完午餐，仲唔肯走，去多轉沙灘！！真係曬到燶咗⋯⋯
因為個疫情，吱吱小三先開始喺學校食午飯，當然唔想煮跟學校食啦！！過咗兩個月，佢已經開始要求自己帶飯，但佢以為一跟學校食要食足一年，所以到學期尾，佢強烈要求要自己帶飯！！到暑假，不斷同林同你講，今年自己帶飯呀！！而細佬，有一日放學同林太講：「我俾個機會你煮飯，我想試吓媽媽嘅味道！」哈哈哈，媽媽煮飯唔好食，仲想試？！佢答：「咁要俾個機會你練習一下！」所以九月開始，林太要一早爬起床，準備午餐！！九月過去，好彩每日都有飯食！！
林太今朝早返咗學，睇咗個講座《如何運用正向教養技巧培養子女抗逆力》。原來人越大，就越難快樂，是腦部結構。人大咗，係腦裏面找尋開心片段會慢咗⋯⋯所以，開心片段是要製造，要陪伴，就算做背景，也要在其中！！看起來很無聊，就是要這一刻！！
細佬其實上劍擊堂已經三、四年，但好似都沒有什麼成績？！應該放棄？還是堅持？真的很難決定！！依家仲咁細，大些的時候可能會轉運動？！而家還值得投資咁多嗎？但係林太覺得，運動係要佢學識「堅毅」！！佢好似還未做到，應該要放棄嗎？
細佬七月試咗一次，成績麻麻，但佢繼續「沉溺」係圍棋當中！！哈哈！！見到佢個樣，係有心癮想捉棋！！今個月再評估，冠軍了！！而且比賽時，佢平靜咗，沒有以前的驕傲，耐心咗！！Well done，my boy！！
又嚟BBQ！打攪唒！！今次小朋友又大咗，自己燒，不過唔知食咗幾多？！哈哈！！今晚的主角：榴槤月餅和燒莎莉蛋糕！！
落咗幾日雨，今日天氣好好，最啱出海！！參加咗《小小海洋家》，認識一下香港漁業，新式魚網幾靚仔，而且比舊式的好！支持一下香港魚，買本地魚，減碳呀！！之後，仲用顯微鏡睇吓海水的微生物和貝殼類動物。最好玩都是「無鉤釣魚」，笑到林太肚攣，哈哈哈！！多謝邀請！！
經過打風，十號風球後，終於有得返學啦！！因為個風，有時間做埋啲功課，哈哈哈⋯⋯
