林家放暑假2024 // 遊船河

Yeah Yeah Yeah！終於放暑假了！！林家決定今年唔返澳洲，因為上年返完之後，第一個學期變文盲，所有中文都唔記得，所以今年唔玩咁激！！哈哈！！但放暑假都要慶祝一下，約咗細佬嘅幼稚園同學仔，其實都同家姐同校，去遊船河！！佢哋第一次遊船河，坐船坐得多，但未試過隻船有瀡滑梯！！Yeah！！懷着興奮嘅心情，坐咗個幾鐘，一泊低架船，吹脹個滑梯，就立即落水！！結果⋯⋯哈哈哈⋯⋯林生和兩位小寶貝隨着水流，漂向沙灘，游極都游唔到返嚟！！噢！！好彩，有兩艘水上電單車，救返咁多個小朋友和大朋友上船！！之後，就只留在船邊玩吓水。好彩，走得快，遲多幾分鐘，就落大雨！！Yeah！Happy Summer Holiday Started！！