無學返，沖繩去，第三天
逢星期三休息的餐肉蛋飯糰，尋日食唔到，今朝早林生去咗買。一買買了他們四款口味，招牌、苦瓜、明太子、和炸魚。其實塊午餐肉和紫菜都油油地，所以都幾飽肚，兩隻小魔怪不太喜歡。
食完早餐就立刻起程去沖繩美麗海水族館，因為車程都唔短。就快到水族館時，附近嘅商店都有水族館嘅入場券賣，每張大人票平200yen。一到水族館就開始落雨，好彩大部份時間都在室內。兩隻小魔怪都去過不少水族館，香港嘅海洋公園也是常客。所以他們不斷在問問題，「點解香港嗰個冇鯨魚？」「鯨魚和鯊魚有咩分別？」他們好像對細少的海洋生物有較大的興趣，反而「黑潮之海」沒有大興趣，哈哈哈⋯⋯林太就覺得這裡的珊瑚好生猛，真係見到佢哋會郁！！今次第一次入去睇鯊魚標本，仲可以摸各種鯊魚嘅牙！！熟悉嘅大白鯊當然係有尖尖既牙。 但鯨鯊具有非常寬大的嘴巴，主要捕食小型動植物（包括浮游生物），係無牙的，哈哈！！他們的牙齒好像砂紙一般，好搞笑啊！！行完就趕去睇1:00的「海洋劇場」，好鍾意條小鯨魚，好叻啊！！
之後去食午飯，行吓行吓行錯路，入了餐廳大家的小路，就繼續入去食吧！！他們出名的阿古豬，叫了一個二人前的火鍋。豬肉片好多肥高，不過又真係好香，他們的價錢拍得住和牛呢！！食飽飽仲可以行下他們的花園，買雪糕和蛋糕。嘩嘩仲駕了架自動車回程，哈哈！！
又一段車程才到達酒店，Hotel Monterey，沙灘既resort酒店，以前都住過。今次仲有free upgrade，呵呵！！！
休息一陣就去shopping，Aeon Mall Rycom超大的shopping mall。可惜無咩減價，無咩好買，行陣就食飯。去了無添くら寿司，大型迴轉壽司，100yen一碟，仲可以半飯，唔駛食咁多飯，哈哈！！試了枝「米cola」有趣！！
No comments:
Post a Comment