第二日，除了林生外，無人想起身！！哈哈！！吱吱太似林太了，美美的睡公主，哈哈哈！！林生買了麥當勞早餐和7-11飯團。噢，個麥當勞早餐超似將軍漢堡，哈哈！！
之後想去Valley of Gangala，但打唔到去預約，結果10:00到，到11:20既團才有位可以參加。唯有買柸咖啡，坐係Cave Cafe等吓。吱吱和嘩嘩也要做吓功課，溫習一下。
個團11:20行到12:40，2500yen一個大人，小朋友免費。短短一小時，上了一課歷史學，人類學，地理學，考古學，植物學和昆蟲學，真係超級超值！！因為依個洞穴還在挖掘中，曾經搵到一個古人類骸骨和人類用具。而且山洞裏的植物和昆蟲都好特別，你能找到這些昆蟲嗎？但有來自台灣的竹樹，仲有會行走的老樹。依個導賞團真係值得推介！！
午餐去食泰國菜，Cafe Curcuma，一個日本人去泰國學煮的泰國菜。但其實都是一般，不過有靚景，和有恐龍睇，最啱恐龍粉絲，哈哈哈！！
兩個小寶午飯後已經好攰，去到公園已經唔肯醒，等咗一陣終於開始玩！平和祈念公園超大，超多嘢玩，雖然有點微雨，但都無阻兩位小寶玩的心情！！
今日早點食晚飯，去了琉家食拉麵。一間勁kid friendly的餐廳，小朋友可以自選碗和叉，有冰食，食飽飽仲可以免費抽獎，彈彈波！！不過，拉麵就普普通通吧⋯⋯咁早食完飯就可以行街街，食甜品，行藥莊。
Valley of Gangala：http://www.gangala.com/
Cafe Curcuma：https://m.facebook.com/cafecurcuma/
No comments:
Post a Comment