幾個星期前已係Facebook見到這個post，一見到「免費」，而且又咁近，所以林太set定鬧鐘，去報名！！哈哈哈！！成日經過「薄扶林村」，都唔明點解仲會有「鐵皮屋」，又唔拆？！裏面仲有田可以拔蘿蔔？！林太十萬個問號入薄扶林村睇吓！！原來「薄扶林村」清朝已經有，仲早過香港成立，他們的地契應該是歷史遺物！！今日拔蘿蔔，一班村民在兩個月前種定蘿蔔，但因天氣太熱，所以得三份一收成，共80斤！！吱吱和嘩嘩拔完蘿蔔，之後㓟皮，磨蓉，切粒，好努力啊！！係等蒸糕的時候，仲有叔叔帶行薄扶林水溏，介紹薄扶林村和牛奶公司的建築。行完就返去食蘿蔔糕，還有「賴鑊邊」（蘿蔔糕既漿再水一些，好似做賴粉咁），還有還有湯圓番薯糖水。謝謝薄扶林村一天的款待！！
No comments:
Post a Comment