去迪士尼要早、早、早！！

林生嘗試過單拖同嘩嘩去迪士尼，發覺越早入去，越小人！人群大概下午2:00就入場！！所以係2:00前玩晒要玩嘅嘢，就不用同人迫！！迪士尼10:30開門，但其實10:00就可以入園，可以先逛逛美國大街。一搭正10:30就有米奇老鼠既朋友仔出嚟帶你入去！！

今日10:20入到去，10:30有Chips n Dale出嚟，先去「幻想世界」，因為啱吱吱和嘩嘩玩，入到去連迴旋木馬都未開，哈哈哈！！係不用排隊下，成功玩完「小熊維尼歷險之旅」，「小飛象」，「灰姑娘旋轉木馬」，「瘋帽子旋轉杯」，和「小小世界」。再去「蟻俠與黃蜂女」，因為攞了fast pass，所以又不用排隊。食個午餐，再去「魔法書房」。去完後，其實嘩嘩已開始眼瞓，但唔肯走，唯有繼續玩⋯⋯

吱吱要求去「Moanna」，因為不能預約，所以入去坐係到等，坐了30分鐘呀！！最漫長的30分鐘！！玩完，就行了入去「反斗奇兵大本營」，為的是「轉轉彈弓狗」。玩完兩位小魔怪仲未瞓，再入去睇「Lion King」。睇到最尾，嘩嘩終於睡著了！！係時候回家了⋯⋯