親子農村生活體驗日又返來啦!!! 想唔想週末家庭日帶埋小朋友親親大自然?
家長會夥拍自然脈絡舉辦的大自然親子同樂日一次過玩曬以下的活動
● 參觀農場環境
● 收集柴枝及起爐；
● 學習生火技巧；
● 共同製作及柴火烹調蔥油餅;
● 進行農耕體驗，學習除草、翻土、起畦等
● 自然脈絡的哥哥姐姐亦會同各位做活動總結，分享環保訊息 !!!
第一次參加Parents Club的活動，終於就啱時間，約埋吱吱同學仔去。而且，細佬未夠三歲，唔駛錢，但又識玩，抵呀！！哈哈！！10:10集合，要15-20分鐘先行到入去農場，玩到16:30，短短六小時，都無停過，玩咗好多嘢，抵呀！！！
第一個活動就是執枯葉，執幼樹枝和大樹枝，準備起火，嘩嘩超開心，有得執垃圾，哈哈！！之後，準備午餐，切切洗洗，嘩嘩第一次用刀哦！！還有做蔥油餅，嘩嘩拍拍拍都做了兩塊。用火柴燒樹葉起火，對依一代的小朋友來說，火柴都是第一見/用，可以試試劃火柴。有火用來炒菜，煎蔥油餅，吱吱自己偷偷地食了個蔥油餅，哈哈！！午餐仲有蔬菜湯和炒米粉。食飽飽就用好organic的方式洗碗，強呀，真的很去油！！吱吱和嘩嘩也有幫手洗碗，但嘩嘩可以令到人哋濕，自己無事？！哈哈！！
飯後活動，小朋友上了樹屋/竹棚玩玩。爬上爬落，有波波可以碌來碌去。玩咗一陣就開始農夫生活，翻土、播種、施肥、除雜草（已結果，枯了的洛神花）。再有小手工，用咖啡渣做的晴天娃娃，可以取臭。
參加依個活動都是想小朋友體驗農夫生活好辛苦，從而珍惜食物，愛惜資源。今日吱吱竟然唔怕骯髒，完成咗多樣任務已是一個bonus！！多謝自然脈絡的哥哥姐姐，佢哋個個都好開心，感受到他們從心而發的快樂和organic，而且對小朋友好好，所以小朋友們也願意動手去做！！
No comments:
Post a Comment