《Coco》

唔知點解吱吱見到張《Coco》海報話想睇，骷髏骨都唔驚？！最後，終於同吱吱睇咗。套戲有點複雜，唔知吱吱明唔明呢？？問佢，佢又話明！哈哈！！其實真係好好睇！！實現理想，還是陪伴家人，真係好難揀！？但係屋企人冇得揀，無咗就無咗，可能會後悔一世。而且係戲裏面講到人死咗之後冇人紀念，才是真正嘅死亡，依個講法幾好！因為生命影響生命，如果生嘅時候冇影響過人，死咗之後又有邊個會記得你呢？！所以要愛得及時！！