超人打怪獸～～!

屋企會所修剪植物，吱吱和林太經過。

吱吱問：「剪咗，咪會死囉！」

林太：「係呀，葉子離開樹枝就會死。」

吱吱：「咁，點解要剪呀？」

林太：「因為我哋為咗靚囉！剪到圓波波咁，靚嗎？」

吱吱十分猶豫！？最後，林太就話葉子會死的了，攞返屋企做手工吧！哈哈！！返到屋企有很多唔想要的貼紙，都是淘寶免費送的小禮物，林太就變了"超人打怪獸"，哈哈！！吱吱貼了條"兩頭蛇"，見到嗎？因為林太最怕蛇，相信兩頭蛇對林太來說真是大怪物！！