Lego store @HK

專程嚟睇的！！但有點失望，有點細吧！仲諗住會有香港特別版的Lego，無哦！全部都是一樣，與澳洲/網上的價錢也差不多。嗚嗚！⋯

偶然遇上的驚喜

知道香港有很多味道的「雞蛋仔」，但沒有突登去找尋。呵呵！今日遇上了！綠茶雞蛋仔！好綠茶哦！好味！！

Disneyland!!!!

Yeah！Disneyland！
又嚟喇！遇上會員六折優惠！買呀買！
吱吱大個咗喇！會話：「我唔同公仔影相！」會簡嘢買，要買頸鍊，要買Daisy（林太極度不滿，因為個公仔很醜樣，哈哈）！入迷離莊園唔驚喇！仲玩了咖啡柸！

LamBB's 1st tooth

嘩嘩出牙喇！！吱吱一歳才出牙，比家姐快哦！
嘩嘩一直都唔肯食solid，前幾日突然食了成包baby food，原來是為了出牙作準備！可以咬嘢！！食多d嘢吧！！

Pizza express

女仕們的聚會，吱吱小姐也要加入了！去了pizza express，四個大人叫了四人餐，當然是食唔曬！仲好貪心地叫了甜品，因為有買一送一！哈哈！！吱吱小姐好開心呀，立刻lady咗！

Baumhaus

去下香港的play centre，約了V-媽媽，去咗Baumhaus。入場費HK$80，任玩，雖然地方較細，但超乾淨！！仲有有林太最鐘意的木玩具！！玩咗兩個幾鐘，小朋友們都無電了！下次再玩吧。
http://www.baumhaus.com.hk

Butcher & Baker Cafe

與老朋友相聚，雖然很少見面，但有講不盡的話題。相識二十二年，四十年後，我們會是怎樣呢？
去了屋企附近的Butcher & Baker Cafe，諗住是kids friendly的餐廳，方便吱吱，點知吱吱瞓足全程！哈哈！！結果，是一個寧靜的午餐！
咖啡OK，食物OK，好OK呀！

波士廳 // The Boss restaurant

返到香港，當然要同屋企人飲茶，食籠蝦餃啦！靚姨帶了林太去波士廳，101餐廳，當然有靚景啦！嘢食都好好味！特別是個蝦餃，大雞包，蛋橽。

《一拖二之旅》開始

哈哈！！林太好勇哦！為了玩，一拖二帶了兩個小孩返香港玩！嘻嘻！！九個鐘頭的機程開始了《一拖二之旅》。
好好彩地有個朋友的姐姐（工人）同一班機回港，可以幫我攞一攞行李。謝謝！！
九個鐘，吱吱瞓了兩小時，嘩嘩瞓了三小時，其它時間都在玩！吱吱一開機，第一柸嘢飲，就倒瀉了！哈哈！！好彩有衫換。之後，都算乖！睇電視和做手工。
係佢哋瞓覺的時候，林太還睇了《寒戰II》，但部電視只得一隻角睇。哈哈！！

DIY -- flower petals dress

林太生日時收到的花，已開始謝了，比吱吱感受一下花瓣吧。成日同吱吱講花是香的，花瓣是軟的，吱吱終於可以摸下，續塊花瓣摘下來。
係網上，見到不少flower petals dress的圖，不如試試做吧！林太畫了個outline，叫吱吱把花瓣填滿條裙。條裙差不多滿曬花瓣時，吱吱突然貼了一塊花瓣在公仔的頭髮上，再係旁邊開始貼。看起來，條裙好似吹起咗！！靚靚！！（塊葉係林太加的，好似不太美觀？！哈哈！）

Gypsy & Pig

嘩！林太好耐無自己出街了，還可以同班姊妹們一起食返餐，實在太好！！可惜只得一小時，7:00-8:00pm，八點要還枱，不夠時間吧！
專食豬的餐廳，好似試得不夠豬！哈哈！！因為他們並沒有大大塊的豬扒，只是細細件。而且天氣太熱，沒有試他們的火煱，下次吧！
http://gypsyandpig.com.au/

Altona beach

望著天氣報告，終於等到太陽先生出來！太開心了！林太預備去郊遊，諗住去Werribee rose garden，點知林少爺瞓覺瞓到11:30。所以，近近地，去Altona beach吧！嘩嘩第一次去沙灘，勁興奮！！但怕佢會食沙，所以一直抱著佢，哈哈！！而吱吱係咁話我哋係「sandpit」，唔明與「beach」的分別！！好彩有保母E-star同吱吱玩，因為嘩嘩又要瞓覺了！

Around Europe in a meal -- Copper Pot

歐洲菜，不同地方有不同的嗎？對我們來說，都是西餐吧？！哈哈！！不過，值得試！味道很好，各度菜的味道都很balance。很有驚喜！！細細的餐廳，沒有hat，但有意外的收穫！！多謝E-star！
http://www.copperpotseddon.com/

Higher ground

林生未去過Higher ground，成日心思思想去，今日終於去了。都是差不多吧！最好的是有Lune croissant食，又不用排隊！哈哈！！
http://www.highergroundmelbourne.com.au/

Happy birthday, Mrs Lam

又一年了！生日快樂！！
有兩位寶貝，已足夠了！！

Messy time @OAC

吱吱好耐沒有拿新作品回家，近期都是畫水筆。今日終於有得玩，他們玩「黃+籃」，結果是全面全身都有綠色！哈哈！！

Mrs Lam's birthday lunch @ Maha

林太，生日快樂哦！
人老了，要嘗試一下不同既嘢。今日試中東風味！哈哈！！真的有點不同，他們很鐘意用「肉桂」，林太最怕的味道，但林生最鐘意。哈哈！！食了六度菜，份量剛剛好，食完還送一小包香料，十分貼心！

Port Phillip Bay diver scallops, onions, garlic, preserved lemon

Duck and pistachio sausage, tunisian brick, fig, cress

John dory, pinenuts, St David’s yoghurt, pickled pears, purslane

Cinnamon roasted pork jowl, pumpkin hummus, radish, smoked almonds

12 hour slow roasted lamb shoulder, cumin, coriander, sumac

New season asparagus, walnuts, tahini, pomegranate

Sumac poached strawberries, strawberry jam, yoghurt ice cream, arak meringue
http://maharestaurant.com.au

Happy Sunday

星期日，返咗教會哦！嘩嘩玩了成個鐘，吱吱去了KFC。吱吱學了個生字，就是「Be patient」！下午的時候，林太叫吱吱快d啦，食快d啦！吱吱的回覆是「Be patient」。都唔知係好嬲定好笑？！

Zoo Zoo Zoo

又去Zoo喇！！
第一次試他們的face painting，AU$9，幾靚哦！畫完後，吱吱話：「I'm so pretty！」而且成日指住自己既面，話比人知「face painting」哈哈！！
第一次去Giraffe Lookout Cafe，預感會有點臭，事實上真的有點。當有風時，又臭，又大塵。但有不同的食物，試下吧！吱吱就不斷數1，2，3隻giraffe，因為只得三隻。哈哈！！

Playdate @ Highpoint

小朋友的天賦，就是很易和別人熟，很易開心，很易令別人開心。很久沒有見面的Elena和Emma，吱吱很快就和他們好friend，手拖手！玩咗三小時，返到屋企，吱吱對林太説：
吱：佢哋好好玩呀，我鐘意妹妹呀
林太：咁你鐘意妹妹，還是弟弟嘩嘩
吱：妹妹
林太：咁你唔要弟弟喇？你得弟弟，無妹妹喎。
吱：唔要，咁要姐姐吖！

Embla

Embla開了一段時間，林生已去咗兩次，林太仲未試過。因為較似bar，又不能訂位，所以一直未試。吱吱返了Childcare，林生林太可以'較'靜地享受一頓午餐！！
這裏有熟悉的面孔，亦有熟悉的味道！因為他們和Town Mouse一樣，有同一個老闆/主廚。哈哈！！當然啦，個menu原全唔同。好好味！食得很舒服！！
http://embla.com.au/

Melbourne Cup Day

賽馬日，公眾假期。林生都係要返工，林太都係要做阿媽，無得放假。好彩有兩位保母，陪了兩個寶貝一個下午！
首先，去了Fitzroy garden，林太睇相以為很大，但原來只得兩樣嘢玩，滑梯和鞦韆。上滑梯的梯級勁斜，鞦韆只有兩個位。很快玩完吧！！
午餐去了食「拉丁菜」，哈哈！！拉丁菜原來是這樣？！
http://www.elatino.com.au/
之後，就是兩位保母出動喇！！陪吱吱彈琴，睇書；餵嘩嘩食嘢！呵呵呵！！