Cova’s high-tea

偷走偷走，林生林太又偷走，偷走去食high-tea！！哈哈哈⋯⋯其實是張贈卷就快過期，唔食就無了⋯⋯去吧！！林生竟然肯食high-tea，稀客，哈哈哈⋯⋯Cova不是出名high-tea，真的是普普通通！！咸點/甜點都是用tart，真係食咗勁多個tart，有點悶吧！！

在家由朝玩到晚，玩乜？！

今日在家，由朝玩到晚，林太把屋企的艙底貨全部抄出嚟玩！！哈哈哈！！！玩完摺紙，摺了火箭，再吹！！！練吓個肺，哈哈哈！！！再學習一下顏色的中/英文字，因為吱吱仲係續粒字硑音，RED，BLUE都有排讀，希望他們記得整個字。之後，再同嘩嘩做了「拉線賽車」。又真係幾快哦！！用拉線帶動齒輪的回彈力，變成動力飛出去！！到晚上，角落生物的影子戲。有點蒙，下次再畫過先！！

長洲張保仔洞

星期一，相信長洲唔會有太多人，所以上午9:00就出發了！！去到嘅時候真係冇乜人，就立刻去了租單車，踩了去張保仔洞。途中都不是太多人，入到去張保仔洞更加沒有人！！嘩嘩好興奮地跟了林生落去張保仔洞，吱吱想去但又驚，眼見弟弟落咗去，最後也落了！！林生林太也是第一次去張保仔泂，原來入到去真係漆黑一片，好過癮呀！！真正的捐山窿！！好快就出咗嚟，嘩嘩就話要玩多次，好！！玩多次！！

玩完之後就去食海鮮餐，再去公園玩，再去沙灘玩！！今日應該夠運動量，可以彌補番幾日坐係屋企，哈哈哈⋯⋯

蛋蛋

小朋友可以”等待”幾耐？1分鐘？1小時？1天？1星期？？

話說係日本時，嘩嘩去到邊，入到邊間商店，都話要買依樣嗰樣，由大大件開始問。問到細細件時，林太就開始心軟，是是旦旦就買了，這隻蛋是其中一樣。當林太見到個盒，要等120小時，內心偷笑，哈哈哈⋯⋯嘩嘩會等嗎？120小時後，會唔會發咗霉？！林太當然加了規定，每日要換水一次，嘩嘩十分樂意，可以玩水。一日復一日⋯⋯⋯見面了，小狗，你好！！多謝您，給林太見到可以等待的嘩嘩！！

小動物比賽

星期日，估計條街太多人，所以決定留係屋企hea⋯⋯用紙柸和摺紙做了幾個小手工，之後用來比賽，哈哈哈⋯⋯咁都笑一餐！！
八爪魚：
https://www.instagram.com/p/B8o-P2OD5Ah/?igshid=1xw88kzstp7sy

甲蟲飛：

https://www.facebook.com/mamaclub.hk/videos/492087481353361/

小雞跳舞：

https://www.instagram.com/p/B78Bp8SDfUo/?igshid=cayslabyjyr2

山頂 // 金牌老香港

又偷走上了山頂，因為今日天氣好好諗住去曬下！！點知好多人啊，食肆都要等位！！快快手手食完就去行，同埋去公園玩一陣。相反公園又冇乜人，可能怕曬吧！？

DIY — 腸仔包

依家唔出街，郁動小咗，吱吱不用午睡。到嘩嘩午睡的時間，吱吱又無嘢做！？今日做麵包，當然是懶人做法，用pre-mix！！哈哈！！林太諗住加條腸仔扮八爪魚，結果變了幾隻燒隆八爪魚，哈哈！！