薄扶林村蘿蔔糕節

幾個星期前已係Facebook見到這個post，一見到「免費」，而且又咁近，所以林太set定鬧鐘，去報名！！哈哈哈！！成日經過「薄扶林村」，都唔明點解仲會有「鐵皮屋」，又唔拆？！裏面仲有田可以拔蘿蔔？！林太十萬個問號入薄扶林村睇吓！！原來「薄扶林村」清朝已經有，仲早過香港成立，他們的地契應該是歷史遺物！！今日拔蘿蔔，一班村民在兩個月前種定蘿蔔，但因天氣太熱，所以得三份一收成，共80斤！！吱吱和嘩嘩拔完蘿蔔，之後㓟皮，磨蓉，切粒，好努力啊！！係等蒸糕的時候，仲有叔叔帶行薄扶林水溏，介紹薄扶林村和牛奶公司的建築。行完就返去食蘿蔔糕，還有「賴鑊邊」（蘿蔔糕既漿再水一些，好似做賴粉咁），還有還有湯圓番薯糖水。謝謝薄扶林村一天的款待！！

CIAK

KLOOK // 獨家優惠:香港海洋公園萬豪酒店Staycation「食‧住‧樂」 渡假優惠連$800麗新餐飲禮券及住宿優惠

之前$800麗新餐飲禮券，快些用咗佢先⋯⋯今日去咗《CIAK》，意大利菜，pizza 和 pasta 是基本。細佬話好好食！！自己食了隻lamb chop，仲清咗意粉！！勁！！之後，仲去搵Miffy影相！！

https://ciakconcept.com/

便當。第一次

買了依個飯盒已兩年幾，但因疫情一直沒有「lunchtime」，終於等到可以用！！哈哈！！不過，吱吱星期一至五在校撘食，不用花神準備。今天是星期五，要管弦樂團練習，林太就花點心思，做個便當，再攞返學！！

《陳奕迅Fear and Dreams》

Yeah Yeah Yeah！！到林生林太睇了！！要知道係香港買演唱會票難過買機票！！今次都係有朋友幫手才買到！！難得睇演唱會，林生林太偷走出去食個晚飯，平日已經經過「鯛白湯らーめん○de▽」，好似好好味！！今日去試吧！嘩！個魚湯甜到不得了！！正！！食飽飽，一早去到紅館，坐定定等開場。今次個演唱會好似一個歌舞劇咁，雖然只開三面台，但已很震撼！！正！！而且好識帶動氣氛，所以超正！！

The Macallan Experience - Hong Kong // 西九

學校假期的最後一天，林生林太諗住去Macallan飲返柸，點知入到去得個睇！！介紹一下Macallan的歷史，莊園位置，釀酒過程⋯⋯影吓相⋯⋯噢⋯⋯而小朋友等待的時候，去了西九踏單車，原來故宮博物館旁有得租單車，先到先得！！林生林太10:15到，小朋友的單車（有輔助碌的）只剩返一輛，所以吱吱嘩嘩要輪流玩，哈哈⋯⋯

Happy New Year 2023!!!

林生林太回港六年，不知道從何開始，一月一日的活動是「行大運」，上山頂行個圈！哈哈！！今年也是一樣！！在山頂遇到不同的朋友仔，希望各人都身體健康，今年行大運！！

再見2022

今年是第一年兩隻小魔怪唔瞓覺一齊倒數，他們當然是玩到癲咗！！由食飯，再去溜冰，再等到倒數，不停嘅食、玩、尖叫！！就是這樣迎接2023年！！

多謝2022年，

繼續在疫情中渡過。

幸好，只有林生中過，

還未感受到Covid-19的威力。

有一天，細佬話：

「我會長大，你會老。

你會死，我會來拜你。

咁之後會點？⋯⋯」

之後，自己眼睛水汪汪⋯⋯

對哦，你們長大了不少；

林太的白頭髮也多了不少！！

細佬的2022年，

由上zoom堂，不停聽到「坐好d」，

到搵學校，報學校，面試，入小學，

現在的小學雞！

開始俾人投訴，

希望你2023年懂得幾時玩，幾時認真！！

家姐的2022年，

好像真的開始返學了！？

遲了三年，已經是小三，

但還像一個小寶寶！！

希望你2023年能獨立和自理，

找到你溫習的方法！！

林家的2022年，

都是陪着小朋友24/7，

2023年可以做啲乜？

不如讀吓書？

找個新興趣？