KidsKiss // Graduation party

繼續唔知係第幾波的疫情中⋯⋯好彩的是，細佬有一個完整的畢業禮，和一個畢業派對！！雖然畢業派對只能夠玩，不能聚餐，連除口罩影相都有點困難⋯⋯不過已很好了！！相比起吱吱乜都冇，要學懂珍惜！！ https://kidskiss.hk/ks/chi/index.php

聖公會聖約瑟堂暨社會服務中心 // 調教你小主人歷奇訓練營（馬灣）// LamB’s first camp

多謝朋友仔的介紹，成功報名！！真係超級超值！！有好的老師帶隊，有心有力，多謝照顧！！吱吱同同學仔一齊去，去之前嗰日係學校已寫定個list，之前嗰晩仲video call一齊執嘢，好攪笑呀！！去到集合時，老師話要行山，立即變樣，同林太合照要變嬲嬲豬！！林生一直擔心，等待吱吱的”報平安電話”，結果9:30pm才打嚟，相信他們會夜瞓吧，第二天又玩繩網，攰到暈，哈哈！！希望吱吱喜歡她的宿營初體驗！！

AME Academy 運動電競館

林太又在Facebook搵到免費飛，諗住超好玩，就叫了林生帶細佬去玩⋯⋯點知交通極不方便，不是屯門人都唔識去的地方，哈哈！而且好多部遊戲機都沒有開，一係壞，一係未set-up，唉⋯⋯所以只逗留了一小時，林生回來時的comment是「山長水遠，又冇嘢玩！」，嗚⋯⋯

https://www.ame.gg/ameacademy

Nacasa Cafe & Bar

見Facebook介紹過，KKday又有折，近近地就來一試！異國風的Hightea，沒有鬆餅和傳統熱茶，感覺不點不像Hightea，似飲茶10小碟，哈哈！！而且份量較少，最後仲叫了一個漢堡包和薯條！

https://m.facebook.com/102103164993704/

賣旗週

今個星期三、六都分別幫香港基督少年軍和香港愛護動物協會賣旗。星期三上午天氣麻麻，又落雨，又小人；星期六林生帶同田田一齊賣旗，生意不錯哦！！其實都是出一點棉力，希望得到更多的幫助！！

LamB’s first school excursion // 九龍公園暨種植活動

期待已久，吱吱第一次的學校旅行，常識科遊覽團！！睇返時間，其實只逗留係九龍公園一個小時，哈哈，唔知睇咗乜呢？！返到屋企見到張工作紙，皺到像垃圾，仲穿咗個窿，完全未做，唔識做！！哈哈！！小朋友們太開心，玩到唔記得咗做？！哈哈⋯⋯

為了加深學生對不同種類植物的認識，本校現安排學生於上課時間內，由老師帶領乘旅遊車前往參觀「九龍公園」。有關活動之詳情如下：

日期：2022年8月2日（星期二）

活動地點：九龍公園（柯士甸道二十二號）

出發時間：8:15am

回程時間：約 10:15am

抵校時間：約 11:00am（回校後如常上課）

青提子重聚聯歡會 // M 馬（容）

吱吱K3的時候，疫情剛剛開始，好像沒有正式與他的同學道別就完結了幼稚園生涯⋯⋯等了又等，疫情還在，等唔到了⋯⋯約了他的同學仔食個晚飯，catch-up一下！！你們還好嗎？？