Villa Villa Cafe & Bar

吱吱同同學仔玩完海洋公園，繼續一齊食晚飯，去了Villa Villa。喺北角的一間小店，林太覺得一間咁細嘅小店，竟然自己做pasta，又自己做甜點，真係好利害！！嘩嘩更加唔怕羞叫了同學仔的爸爸做”爸爸”，係咁叫人同佢玩，哈哈哈哈⋯⋯⋯

https://m.facebook.com/villavillacafe/

海洋公園 // 幕後之旅

林生入咗迪士尼，咁林太去咗邊？！林太同吱吱去了海洋公園，星期日入海洋公園當然是有原因啦，就是參加他們的幕後之旅—水母！！一年一次會員專利，哈哈！！星期日入海洋公園真係好頭痛，人勁多，去邊度都要排隊，最後食麥當勞也排了45分鐘，真係好恐怖！！不過吱吱有同學仔陪，都不是太差，哈哈哈⋯⋯

林生與嘩嘩⋯⋯相約迪士尼

林太帶了吱吱去海洋公園，林生就單拖帶細佬去了迪士尼，強啊！仲可以喺迪士尼玩左咁多嘢，強強啊！！仲有手可以影相，強強強啊！！

成長⋯⋯

依盒玩具其實係林生一年多前買的，買完之後嘗試用過多種方法嚟教吱吱玩，但係佢都唔明！！今日吱吱無端端話攞來玩，一開始睇Menu，就開始自己放上公仔⋯繼續自己搵路⋯一玩就玩咗十幾個問題！！！

林太終於明白到，小朋友長大是迫都迫唔到。「凡事都有定期，天下萬務都有定時。（傳道書3:1）」小朋友小小的年紀，大人用盡方法，佢哋都未必明白，只要他們有興趣就自己找尋答案。「敬畏耶和華是智慧的開端，凡遵行他命令的是聰明人。耶和華是永遠當讚美的！（詩篇111:10）」吱吱，希望你做個聰明人，自己找尋答案！！

周記

C&C返香港，林生林太又趁機食返餐，佢哋揀咗周記。雖然好近屋企，但都未試過，因為要排隊⋯⋯哈哈，今日都不是排咗好耐。

唔知點解吱吱好鍾意黐住C叔叔，莫非佢好鍾意高大威猛男士？！哈哈！！因為他們只得四人枱，所以大家親密啲吧！是了他們的蝦多士、朱古力多士、仲有奶黃多士，好好味哦！！！！

自家製 — 啫喱糖 // 橙汁珠珠

之前兩隻小魔怪變了兩隻小病魔，睇了三次醫生，勁多藥，比了勁多針筒。吱吱和嘩嘩見到針筒都驚！病完了，林太諗下點樣消耗些針筒，哈哈⋯⋯

做啫喱糖，想試驗一下，如果唔黐立立就可以大量生產，比吱吱帶返學校做新年禮物。依個食譜OK呀，好食！！但一盒啫喱粉先做到廿幾粒，仲要一晚比他們KO了⋯⋯咁應該要做幾多粒？！

https://www.baby-kingdom.com/article/mobile/content_page.php?p=118394

見到些小實驗，如果不是太複雜都想同吱吱玩。依個關鍵是柸凍油，令大菜糕急速降温和凝固。但就是依柸油，用完唔想要，有點浪費，而且洗極都有點油！吱吱都不太喜歡依隻珠珠，佢以為能做到珍珠奶茶個種珠。哈哈哈⋯⋯

https://m.facebook.com/story.php?story_fbid=1988371864564650&id=892940630777018&_rdr

立体派

依家的e世代真是利害，一出廣告搞到林生好想試。兩隻小魔怪還在返學時，林生林太10:50到，等開門；11:00即刻食，食完即刻趕返屋企接放學。哈哈！！

嘩！！真的很大碗，而且肥豬肉好肥囉⋯⋯雖然好味，但係真係有點太肥食唔晒⋯⋯不過，個天方白湯拉麵既湯真的很香很好吃！