Mr & Mrs Lam Day 15 -- Honeymoon day 2

林生要求要影舊廟，奇怪石像和風景；所以，今天的行程十分密集！
係酒店食過早餐，我們就出發了。第一站是看＂蠟染布＂-- ikat手織布。幾靚吖~~但好貴，所以沒有收穫，下一站。

去到烏布區（Ubud），睇睇古廟，林生話好有日本沖繩feel。我們應該去了Pura Penataran Sashi（銅鼓寺廟）。司機叔叔話每個區都有三間大的廟，一個在山上，一個在中間，一個係海中；依個就係中間。

午餐去了＂烤豬二號店＂（Ibu Oka），還可以啦~~!沒有旅遊書講到咁好，豬皮不是脆，是硬的。一個午餐，每人要AU$5呀~~!

之後，去了象洞（Goa Gajah），洞內有幾個不是人手做的佛像（信不信由你）。哈哈~~入口處是魔女Rangada的浮雕，哈哈~~原來佢係魔女。仲有一個傅統印度式建築的浴場遺跡。裏面有好多魚，係邊到嚟的？！

下午茶時間，去了嘆＂貓屎咖啡＂~~!哈哈~~是真的？還是假的？個味好似馬拉咖啡，有小小果香味，但值咁貴嗎？

之後，再去廟，重頭戲--海神廟（Pura Tanah Lot）。時間啱啱好，是潮退，可以行出去；仲可以欣賞日落，好美哦~~!

晚飯喇，去了Nuri's Warung，一個Bali女人嫁了個鬼佬開的豬豬餐廳。有點似Bar & Pub dinning，d豬好好味~~!正~~!

今日已經玩足全日，但飯後仲要加演＂飲蛇血＂。真係OMG~~!林生都係半迫半就。我係超怕蛇，所以係車到等到得血先去睇，聽聞個兩柸蛇血已用了三條蛇，蛇膽汁，仲有蛇心生食！依個package要US$40。

哈哈~~返到酒店，林生仲繼續食，Markisa，原來是百香果。佢個樣真是麻麻，都是台色飲品的百香果好食d。

Mr & Mrs Lam Day 14 -- Honeymoon

Honeymoon -- Bali

因為一年先返一次香港，想多d時間倍家人，為有honeymoon去短d時間，去近d的地方。我哋選擇了峇里島。

又一早起身，坐巴士（應該係企巴士，因為無位坐）。係機場食返個奶油豬做早餐（@翠華）。開心~~出發喇~~!！

去 到Bali機場，勁多人~~!排隊勁慢~~!我又要落地簽證~~!林生拉了個人問問，問下要幾耐。嗰個人提出我哋比錢後，就不用排隊！我當然反對，但林生 怕有排排，而且會遲到（有朋友+司機接機），所以比了錢。仲比人見到林生的＂cash＂，不肯減價！激死呀~~!用了US$40，不用排隊，直出了攞行 李，只需十分鐘！

比了錢，但出到去，找𣎴到我們的朋友和車！激死呀~~!電話又沒有漫遊，怎麼辦？！要冷靜點！這是我們的honeymoon!!

最後，發現了機場free wifi，找回了我們的朋友和車，他們預計我們要用一小時來簽證和過關，想不到我們會用非常手段！

算吧~~!Honeymoon，開心d~~!第一站 -- Shopping！哈哈~~印尼$好似大富翁咁，幾千萬上落~~!哈哈~~買了Bali衫，手信後，就去了沙灘（Jimbaran Beach）到hea。看看日落，玩玩沙，係時候食晚飯了。Jimbaran seafood centre出名於grill seafood，全海鮮。

說說笑笑，就一個晚上。回酒店check-in (Westin hotel @ Bali)，已是數一數二的當地酒店，酒店內有點似＂大陸長龍＂。哈哈~~但房間也很大，個浴室超大~~!我們見時間還早，落了私人沙灘行行和飲嘢。

我們第一天honeymoon~~!

Mr & Mrs Lam Day 13 -- PigPig Day

終於可以遲小小起床，不過，真的只係遲了小小。林生又七，八點已起咗身，救命呀~~!

係酒店食食下早餐，發現＂回門乳豬＂已到娘家。Oh~~!我和林生當然立即返回房間，pack up and then check-out啦。再＂飛的＂返去，＂抬豬＂。

嘩~~!＂回門乳豬＂不是小豬仔，係十斤重的大肥豬~~!林生要切頭切尾回禮，最後攪了一小時把大肥豬分成十份。林生切到成頭汗哦~~辛苦曬~~!

下午，我哋還回所有禮服，＂婚禮＂事兒終於完結了。可以休息休息，準備honeymoon，和等睇相。嘻嘻~~!

林生，林太第一次晚餐是係大姑奶家，和奶奶一齊食哦~~飯前還有時間，輕輕鬆鬆行惠康。哈哈~~今次係第一次同林生遊supermarket。偷拍留念先~~!

飯後，約了Joann食糖水。嘩~~勁多人~~!最後都等到位，婚後開始增肥了~~!嘻嘻~~!

Mr & Mrs Lam Day 12 -- HK wedding

Wedding Part II -- Hong Kong

嘩~~好鬼早起身呀~~!睇個timetable有好多嘢做咁，但其實已比其他新人好，因為不用就好時辰，和不用再行禮（簽紙）。

我哋的timetable：（新娘06:00起床已經好好，聽聞大部份新娘都係05:00起床）

06:00 新娘起床

06:30 新娘開始化妝（08:30前完）

08:30 新郎+兄弟係女家集合，攝影師開始拍攝

09:00 開接新娘遊戲（30min）-- 但最後09:45才開始，所以下面的時間都遲了

09:45 爸媽敬茶（一對）+拍照

10:00 離開女家

11:00 到達男家

11:15-11:45 男家敬茶（八對）+拍照

12:00-12:30 午餐

12:30 新娘換妝

13:00-15:00 拍外景時間（西環碼頭）-- 最後只影了45min 14:00-14:45

16:30 到達酒店+新娘換妝

17:00-19:30 迎賓+拍照

19:30 新娘換妝

20:00 MC開始，播＂Melbourne wedding's video＂8mim

20:30 進場，切蛋糕，敬酒，講感受

21:00 ＂開餐＂

乳豬後換衫

播＂早拍晚播＂

敬酒

換衫 ，補拍照

糖水送客

忙了一天，真係好累，勁肚餓~~!和林生食返擺酒的take-away。但佢哋無比刀叉，我哋餓到用手食~~!哈哈~~!

又要多謝很多人呢~~!與我們一齊忙了一天的兄弟姊妹，攝影師；倍我哋一早起床的家人，謝謝~~!多謝我哋的親戚朋友的愛，哈哈~~多謝你哋的＂金＂，人情，禮物和心意~~!

兄弟：Michael, Brain （司機+MC）, Wilson, Rosen & Sunyoto

姊妹：Joann, Yvonne, Agnes & Vincci
Make-up: Chole (9541-2026) very good!!!!!

MC：Brain & Rachel

Camera-men: Ryan, Eric & Angus

Video-men: Jason

阿四：William & Tiffany （幫我哋print相，油畫，攞，按排人手，book化妝，買花~~感激）

Mr & Mrs Lam Day 11 -- 上頭喇~~

最後一天扮靚衝刺~~!

和林生的細舅母食完午餐後，去了做＂gel甲＂。幾靚呀~~!畫了lace花和貓貓~~!呵呵~~好靚哦~~!

下午，攞完褂，就回家飲愛心鮑魚雞湯。嘻嘻~~

晚上十時正，＂上頭＂：

一梳，梳到尾

二梳，梳到白髮齊眉

三梳，梳到兒孫滿地

呵呵~~好似又結婚咁~~!

Mr & Mrs Lam Day 10 -- Facial日+攞衫日

攞衫喇~~今日攞了HK結婚的晩裝，林生的禮服，媽咪晚裝。
哈哈~~早上還有時間做咗個facial，電了眼睫毛，嘻嘻~~!係香港結婚的好處是有很多package，好多嘢都不用粗心；但係，沒有特色和「貴」。
約了婚禮的MC們（阿詩+Brain）食晚飯，但太夜開餐，偷食了個＂盆仔糕＂，嘻嘻~~好多豆呀~~!不過唔夠甜，係唔係HK style＂小甜＂？

Mr & Mrs Lam Day 9 -- hea日

嘻嘻~~今日relax一點，去了食日燒lunch，之後，行街街，飲咖啡。晚上，同爸媽食迴轉壽司。今次返香港，第一晩同爸媽食飯。覺得自己有d衰，咁小時間倍佢哋。