中秋節慶祝會 // 后羿射日

今年中秋節有得返學，有得開慶祝會，有得角色扮演，真係開心到不得了！！玩「中秋角色」，作為男仔，只諗到后羿！哈哈！！就這樣吧，林太加了條毛，做了個太陽（細路叫林太做十個！？），弓加了條帶⋯⋯Yeah！！贏了「最佳造型獎」，多謝！！

Keigo Open House展覽

日本插畫家Keigo開的展覽，之前係Facebook / ig都見過佢的作品，覺得好好笑！！林太的朋友仔終於可以係澳門返到嚟香港，咁耐無見，諗住去笑反餐，哈哈哈！！買了HK$188包入場票加Keigo創作料理set，其實個set無咩嘢食，不過靚和可以打卡吧，哈哈！！帶了吱吱去，沒有文字的漫畫，睇到咔咔大笑！！！

2021中秋燈飾

經過年幾的疫情，好似大家已習慣。今年的中秋節可以聚一聚，各區都有燈飾，好似熱鬧過新年！！林家食飽飽也出去迎月一下，去咗維園睇燈飾！

全港水火箭比賽2021 // 水火箭工作坊

林太又係Facebook見到依個比賽，見吱吱學校沒有水火箭玩，所以就報了。林太覺得每個小學生都必要玩水火箭和運送雞蛋的活動，是最好玩，最多改善方法的科學小實驗。HK$250報名費，還包括一次工作坊，教點樣做水火箭！林生和吱吱上了工作坊，但還未諗到點樣控制方向？！哈哈，加油呀，比賽前還有時間改良一下！！！

https://caltexfuelyourschool.com/工作坊/全港水火箭比賽2021/

Happy Birthday to Gaile & Maegan // Pokémon party

經過兩埸面試，終於可以鬆一鬆！！參加細佬同學仔的生日派對，細佬是女校男生，所以去到成班女仔一齊開派對，真係艷福無邊，哈哈哈！！太耐沒有返學，和沒有接觸其他家長，原來小朋友鍾意Pokemon都唔知添！！搞到好似有啲買錯禮物，噢！？不過真係好開心呀，疫情緩和，小朋友終於可以聚一聚！！

百田遊園 

地址：銅鑼灣皇室堡13樓1301-05號鋪 

https://www.facebook.com/real.expert.limited/

LamBB’s P1 interview (5）

到神級男校，但要拍片，有點想死⋯⋯因為真的很難面對自己內心關口，小朋友覺得自己表現很好，點解要再錄？！大人懶聰明，教小朋友答，但答錯了⋯⋯唉⋯⋯又是算吧⋯⋯隨緣⋯⋯

LamBB’s P1 interview (4）

今朝嚟到救恩，其實都係林太心水，因為夠近，而且下午都是體育課/興趣班，小一/二沒有測考。應該好開心！？哈哈！！每年面試，與校長會面的問題係最攪笑，今日問細佬：「媽咪生日，你會送乜嘢？」細佬答：「鑽石戒指！」林太聽到當然開心，但諗吓個價值觀會唔會有問題呢，太貴，金錢感錯了？！算吧⋯⋯都完了！！哈哈⋯⋯隨緣吧⋯⋯

月餅節2021 // 潮式紫薯酥皮月餅

又來了，同上年一樣，同一食譜！今次買來的日本紫薯，超甜呀！不過，酥皮需要改進，下次試用「無水奶油」先！！2021年第一盒月餅已送出，給太婆，祝中秋節快樂！！

Cookie time

又到無所事事星期四，上吓家政堂，哈哈！！見到些牛油，只可以留比有實力的小朋友，哈哈哈！！

色蜥日常 08-09.2021

色蜥嚟到林家已有三個星期，林生日日同色蜥談心，靜靜地坐在露台對望⋯⋯哈哈！？依三個星期，確定了他是女仔（但林生想要男仔），見證佢脫皮/換皮，又大隻咗！！仲有，出籠後都夠膽食嘢！！

萬宜水庫東壩 // 浪茄 // 西貢

去到北潭涌度假營，咁鬼遠，但萬宜水庫就係附近，好似唔去好低能咁？！Check-out後，是正午，熱辣辣，都係坐的士入去（HK$75）。入到去，行落去萬宜水庫東壩，曬到有點頭暈⋯⋯再行返上去。林太和吱吱棄權，沒有行去浪茄。等的士的位置，有個叔叔講解六角形岩柱的形成，都幾有趣！！林太和吱吱先出西貢行吓街，等林生一齊再食晚飯。去了全記，HK$278一人，加$30可轉澳龍。抵！！

「香港的六角形岩柱是在一億四千萬年前猛烈的火山噴發過程中，由大量炙熱的熔融火山物質在特殊的環境條件下冷凝收縮而形成。由於岩石結構和化學成分有別於世界其他地區的六角形岩柱，加上分布面積廣、直徑大，堪稱世界級的地質奇觀。」 https://www.geopark.gov.hk/b5_s2p01a.htm

平民staycation // 保良局賽馬會北潭涌度假營 // 兩日一夜

同小朋友去玩，未必要住酒店既，住度假營又平又抵，又多嘢玩！！星期五晚入住，兩日一夜都是HK$624，有兩房一廳！！「賽馬會大樓」都算新淨，冷氣和熱水都OK，林太帶備電蚊香，所以無事！！星期五放學後，細佬interview完HKU後出發，去到就晚上BBQ。加$56有燒烤包，肉類都幾好食，朋友仔也帶了海鮮，所以勁多嘢食。燒烤場較多蚊，不過好少人，慢慢燒都沒有影響！！燒完嘢食十點幾，仲走了去打籃球。（度假營有籃球免費租借，不過只得兩個）第二日，可以一早預訂早餐，亦可以即場買，有煎蛋/腸仔/餐肉公仔麵HK$25，熱飲HK$11。食飽飽就開始玩，有很多免費活動，玩了兒童繩網，滾軸溜冰和射箭。林太第一次五枝箭32分，都不錯哦！！亦有要加錢的活動，玩了手工，跳吹氣彈床，騎馬仔。中午十二點才check-out，可以冲多次涼先，舒服曬！！今次嚟到玩超好彩，颱風走咗，細佬的interview時間又夾到，可以玩一下，relax一下，再準備下一個interview！！

https://www.poleungkuk.org.hk/service/campsites/po-leung-kuk-jockey-club-pak-tam-chung-holiday-camp

https://www.poleungkuk.org.hk/f/page/17061/32393/camp%20fee%20chi%2029-6-2021.pdf

LamBB’s P1 interview (3）

出名多人報的港同，今年zoom interview！實在太過殘酷，要阿媽坐係到聽他們點錯？！如果全答對了，點解唔收我的小朋友呢？！唉⋯⋯細佬當然沒有全答對啦，全英文沒有答添⋯⋯唉！！真係祝君好運！！

Zoom的題目同上年一樣，中/英文字係易咗：

1.老師話 (teacher says) / 包剪揼

2.中文認字

3.英文認字

4.maths 簡單加減

5.推理 Sequence 

6.找不同 找錯處

7.情景題

8.寫名用紅黑綠筆寫自己名係紙中間

月餅節開鑼！

今年九月就中秋！可以做月餅了，見細佬未上過cooking class搵個易些比佢！！細佬去了K11 Musea 的Harry’s Kitchen，而家姐去了Miu Miu Cat Homemade Desserts。兩間都係已預備饀料，沒有提供食譜，好唔好食都不能再做，哈哈哈⋯⋯不過一樣的價錢，Harry’s Kitchen地點方便，又有公仔，包裝又靚些，你會點簡呢？！細佬第一次上cooking class也不錯，大部分都是自己做，但他是心急之人，不斷問：「得喇，之後點做！」。而家姐的角落生物冰皮月餅絕對是心思之作，坐足三個半小時！！吱吱全程要自己做，林太在呆等，見到吱吱開始累，他都要繼續，欣賞欣賞！！預祝各位，中秋節快樂！！

Harry’s Kitchen

https://www.harryskitchenhk.com

如果你都想趁住中秋節，親手烘焙月餅🥮，再拎埋火箭造型🚀月餅盒兼燈籠走，然之後仲要去 Build-A-Bear 賦予毛公仔生命🧸，咁就要馬上報名「中秋童里遊太空」迷你奶黃月餅課程啦！只需一個優惠價錢，你就可以得到：

✅ 圖案奶黃月餅（6 件）課程🥮

✅ 火箭造型月餅盒兼燈籠🚀（附送小燈泡💡）

✅ Build-A-Bear 手造毛公仔🧸

早鳥優惠：$678

Miu Miu Cat Homemade Desserts

https://www.facebook.com/Miu-Miu-Cat-Homemade-Desserts-820613634815249/

中秋限定💥全新配方💕，軟淑不易塌！放雪櫃不會硬🎏！質料更好操作🙌！一次過做8個造型，3款味道(#現成低糖餡)：奶黃，芝麻，朱古力。課程無需烘焙經驗，由外皮調色開始製作，小班教學，額滿即止！有興趣快快pm我報名啦！

示範及實習🌻

🌷冰皮製作方法(需蒸煮)

🌷餡料處理(💥採用現成低糖餡)

🌷天然色及食用色使用及調色注意技巧

🌷包餡及卡通造型技巧

🌷剩餘冰皮儲存方法及成品儲存方法

🌷每位同學可以取走8款造型冰皮月餅，有包裝盒及食譜

費用: 每位$550 (親子+$100，共用一份材料)

開學日 2021

今年終於係9月1日順利開學，雖然因為疫情吱吱只能返半日學，不過好過日日呆在家！！2021年度，吱吱返上午，嘩嘩返下午！！是好事還是壞事？！可以與他們有單獨時間，但由朝趕到晚⋯⋯⋯祝，好運！！