LamBB’s school party

嘩嘩第一次的學校生日派對！！上年因為疫情，突然停課，今年有得返學，但家長不能參加，分開自己班開。唉⋯⋯算啦⋯⋯希望在明天（下年）⋯⋯四月之星，生日快樂！！

Donald Duck X Times Square

Times Square又有大型的擺設，好耐無咁熱鬧了！！林家又去襯下熱鬧！！哈哈！！雖然沒有人是Donald Duck的粉絲，哈哈！！

Disneyland

見吱吱經歷了人生的第一個「考試」，雖然成績麻麻，但都比佢鬆一鬆吧！！入了廸士尼樂園，人不算多，都玩咗要玩的。早入去，早走，玩完，哈哈！！

Last ZOOM // DIY Mug Cake

嘩嘩可以全面復課了！！Yeah！！今日是最後一堂的ZOOM，仲有得整嘢食添！！不過貪心的小朋友加了太多可可粉，沒有甜到，仲苦了！！哈哈⋯⋯

ABC Cooking // A Bountiful Boxed Lunch for Meat Lovers

又是很久沒有去的ABC Cooking，因為剩下好多料理堂！哈哈！！今天的是豬豬餐，OK啦⋯⋯

School time

吱吱等了又等，終於可以返學「六天」！！係由十二月開始，首次的六天！！還要返去考試！！唉⋯⋯小一的生涯！！由八點到十二點，每天四小時，共二十四小時，好快就過了⋯⋯期待下一次返學⋯⋯

Happy 5th Birthday!!!

嘩嘩五歲了！生日快樂！！感恩你的出現，一啖砂糖一啖屎，令林太對你又愛又恨！！因為你是特別的！！哈哈！！成年沒有正式返學，林生林太都唔識嘩嘩的同學仔，又限聚，真是沒有力氣為你開生日會，希望下年吧！！林太為你爭取機會，切蛋糕，有小朋友小聚會就切蛋糕，當一個小型生日會吧！！祝你開心快樂，天天有時間地玩！！I love you！！

我坐著飛機去西九 — 金工工作坊

參加了綠腳丫X西九的免費活動，用一些釘，螺絲，鐵片和鋁罐做一個交通工具。所有的五金工具對嘩嘩來說，都是第一次見，男孩子最喜歡螺絲和師母，就是在轉呀轉，哈哈！！發覺材料包不夠做四個車胎，所以只做兩個。加了個鈎做尾巴，坑渠蓋做頭，嘩嘩話係飛機，哈哈哈！！

故事結局 — 優異獎

http://mrslamdiary.blogspot.com/2021/03/blog-post_11.html?m=0 上個月參加的比賽，有結果了，得到優異獎！嘩嘩成日都係排第四，唔知點解！？佢問：「點解無獎座既？！」哈哈⋯⋯算啦，都未盡全力，下次再認真些吧！！ https://cclc.bgca.org.hk/?p=1531

大尾篤

其實入完camp，個個都好眼瞓。尋晚落大雨，係咁醒！！但林生話入到大尾篤，無理由唔踩單車！？結果全部人一齊踩單車⋯⋯見到細佬個樣就快瞓著，就叫佢超越前面的車。當佢好開心想show off的時候，左右就失控了，反車，頭仔撞到柱，起咗樓。慘慘豬⋯⋯⋯

火柴盒

入camp前/後的午餐都去了同一間食，火柴盒。因為小朋友太鐘意，要encore！！嗰位職員哥哥見證了大朋友由精神變喪屍樣！！哈哈哈！！

2日一夜camping // 香港踏浪艇協會

喺大美督燒烤王買定BBQ

同場加映細佬生日會！！生日快樂細佬！！

因為疫情，之前去過的親子營依家都唔開。唯有自己買營，去啲營地自己落手落腳做！！其實香港踏浪艇協會，有名你叫係玩踏浪艇（foot paddle kayak），紮營都是業餘，哈哈！！不過佢嘅位置真係好靚，有山有水，沒有大風大浪，可以睇到日出和日落，正！！林生林太對紮營當然都是業餘，完全新手，連所有嘅營具都是新買嘅，哈哈哈⋯⋯兩位爸爸搞得掂，經歷一晚的風雨，都沒有事，已經好棒了，哈哈哈！！！第一天下午一點到，用了兩個鐘起營和起天幕，六點多開始BBQ。小朋友玩到十點先沖涼瞓覺，凌晨一點開始落雨，嘩嘩都醒吓瞓吓，到六點就起床。八點食早餐，十點開始拆營，十二點離開。其實冇乜嘢做過，但已經好攰⋯⋯https://m.facebook.com/hkppka/