At Home Science Experiments: Egg in Vinegar Experiment

又有個得意小實驗，只需用醋浸住隻蛋，蛋殼裏的碳酸鈣（Calcium carbonate）就會分解，蛋殼無咗！！好神奇啊！！仲要好彈添！！

不過林太貪心咗，放了兩隻蛋一齊。當蛋殼開始軟時，個蛋殼膜穿咗，剩下一隻，嗚嗚⋯⋯好彩都有一隻成功！！而且可以玩吓！！哈哈！！

https://www.kiwico.com/diy/Science-Projects-for-Kids/3/project/Egg-in-Vinegar-Experiment/2765

The Repulse Bay

經過林太幾次的申請，終於可以去沙灘啦！！因為林生是有潔癖的，去完沙灘的沙會周圍都係（車，屋企），佢會癲咗，哈哈哈！！所以今次只是去淺水灣，有食肆，有乾淨的廁所。不過因為「限聚令」所以沖涼設施都關咗，所以今次沒有落水濕身。

去到林太都係hea吓hea吓，係帳幕裏面等⋯⋯不過都曬到膊頭變黑！！林生同吱吱和嘩嘩好利害啊，掘了一條隧道，水可以通過，但沙又不會倒塌，勁呀！！吱吱和嘩嘩玩咗兩個鐘，真係咁好玩？！哈哈⋯⋯

細佬受《機場特警》的影響，成日話人「好型」，「好fit」，今日佢就話自己「好型」！！哈哈哈⋯⋯

Ant life cycle

搬咗新屋之後，發現有卵和蛹！係時候叫小朋友認識一下「昆蟲」。昆蟲的定義：頭胸腹三部份，六隻腳都在胸部。又要認識一下螞蟻的生命周期！！

https://livinglifeandlearning.leadpages.net/f/1224cb00da39c5-0/1419b1c5128bac-EbPoXjp9RwkY2IUJGVC6u/Ant%20Life%20Cycle%20Worksheets.pdf

草木染

林太今日偷走，去咗玩「草木染」。顧名思義係用植物嘅天然色素來染布，今日用了薑黃和莤草根，係染黃色和橙色。林太好勤力，染了手巾仔，T恤和頸巾，其實諗個pattern和扎橡筋都需要很多時間，唔怪得知啲手藝品咁貴，哈哈！！

DIY — Banana cake 2

上次的香蕉蛋糕太好食吧？！有一隻爛蕉無人捨得拋掉佢，預留做香蕉蛋糕？！哈哈哈⋯⋯今日細佬食飯食好耐，係佢食飯嘅時候，吱吱已開始一手一腳做香蕉蛋糕。可能已是第二次做，佢十分之熟手，林太只是幫她打蛋和洗碗，哈哈！！樣貌不錯哦，一日清貨，勁！！

http://mrslamdiary.blogspot.com/2020/04/diy-banana-cake.html?m=0

DIY — Anzac biscuit

原來今日是Anzac Day，澳洲紀念第一次世界大戰的軍人。做吓澳洲人，做吓Anzac biscuit，將這個故事傳給下一代吧！！

https://visityarravalley.com.au/blog/the-worlds-best-anzac-biscuit-recipe

山頂

今日9:00am全部人起晒身，就冲上山頂吧！！行個圈，呼吸一下新鮮空氣！！依幾日潮濕？！石場都長滿青苔，特別青綠！！好舒服的綠色！！

100隻螞蟻的家

其實係三月尾林家已有新住客，就是「100隻螞蟻」。林生買了100隻螞蟻和1隻蟻后回家，但返屋企前，帶著佢哋行街，返到屋企已死咗幾十隻。而且又未能把全部螞蟻搬到新屋，就把個樽放了入屋，好似有點污糟⋯⋯過了幾個星期，林生決定買間新屋比佢吔⋯⋯成功搬屋，仲發現有蛋喇，好興奮呀！！吱吱也坐咗係到，細心觀察！！睇著佢哋爬來爬去，互相傾計，好可愛呀！！大自然真係奇妙，小螞蟻也互相幫助！！

懶惰人哪，你去察看螞蟻的動作就可得智慧。螞蟻沒有元帥，沒有官長，沒有君王，尚且在夏天預備食物，在收割時聚斂糧食。（箴6:6-8）

消化系統

Biomedical Science出身的林太，畢咗業之後有沒有學以致用呢？！哈哈，冇乜！！而家仲成為全職媽媽，以前學嘅嘢已經還返俾老師了！！大學時，梁爸爸成日話讀Science是「嘥銀子」，的確！！好吧，就和女兒好好的溫習一下！！

https://m.youtube.com/watch?v=9znLCDpjb1o

赤柱

之後幾日會開始落雨，係時候要出去曬一曬。都係去赤柱，玩下scooter食個午飯！去了金記，周圍拉了膠布，好似哈佬喂咁，林生仲要分枱坐，勁攪笑！！

紫色的下午茶

今日有朋友做了紫薯包，為咗迎合一吓佢，所以做了一杯碟豆花飲品，過一個紫色的下午！！

角落生物

又來角落生物啊！林太不知不覺都愛上了！！其實佢哋個樣又真係好討人喜歡，哈哈！！今日同吱吱和嘩嘩全日在角落生物，哈哈哈！！

Aquabeads角落生物拼珠玩具$95

角落生物有趣掛飾DIY發泡膠粒製作包$45

角落生物便當摺紙$50

就是這樣，消磨了一個下午⋯⋯

Grow-a-maze 2

上個月開始的Grow-a-maze又再過多幾個星期。唔知道係唔係因為個迷宮太難行，植物無法逃出，還是番茄仔不適合這樣生長？！其實嘩嘩嗰個只差一層就出到嚟。本來有張黑紙遮蓋整個盒，但林太見佢好似就死已經將張黑紙攞走（week4），但好像已經救唔返！？

http://mrslamdiary.blogspot.com/2020/03/grow-maze.html?m=0

DIY — Banana Cake

又到星期六，在家日。

又在家搗蛋！！

今日做香蕉蛋糕吧！林太不喜歡梳打粉的味道，終於搵到不用梳打粉的食譜，okay，let’s do it！！

https://caroleasylife.blogspot.com/2014/03/banana-bread.html?m=1

心心 & 星星

係泥涌石灘見到隻寄居蟹，勾起林生的回憶。林生就係金魚街買了兩隻中型的寄居蟹回來。中型，大隻咗好多，唔覺佢哋得意，有少少核突添！！哈哈！！但吱吱和嘩嘩仍好有興趣！！幫他們改了名，心心和星星。寵物店店主話寄居蟹有十幾年壽命，係林家好食好住唔知會有幾多年命呢？哈哈哈⋯⋯

山頂

又再山頂遊，食完午飯行個圈。

今次嘩嘩好鐘意講一句：「等陣先，過嚟睇吓！」哈哈⋯⋯睇到乜？！

睇到群居的螞蟻得一隻自己行？點解嘅？！

睇到蜘蛛網，但搵唔到蜘蛛，點解嘅？！

睇到花蕾，有花蕾才有花，點解嘅？！

⋯⋯很可愛的觀察力！！

林生仲見到一個大蟻巢，有卵和幼蟲，咦⋯⋯

泥涌石灘

今日天氣實在太好，決定出外逛逛。林生選擇了下午才出去，因為想潮退時捉蟹仔。去到泥涌石灘，都未夠退，只能在岸邊。不過也無阻小朋友去玩的心！！林生去到係咁影相，好彩遇到一個高人哥哥，佢話喺學校成日捉蟹所以好熟手！！佢真係超快就捉到一隻，吱吱和嘩嘩睇到目定口呆，而且終於相信依到係有蟹嘅，哈哈！！今日嘅收穫也不錯，睇到/捉到三隻蟹仔，龍蝦仔，海膽，寄居蟹，蜆和螺。捉完之後最後也把它們放生，下次再見！！原來香港的海洋也很美麗，就當自己去咗次沖繩玩吧！！Happy holiday！！