ABC Cooking trial // 芝士燉牛肉包

第一次見到呢張poster已經好想學，但係會員唔可以自己走去學，所以要搵朋友仔陪上堂！！找了明慧媽媽，辛苦了懷胎八個月的大肚媽媽，又無時間食飯地陪林太上課，又要企咁耐做包！！真是辛苦曬！！

剪剪剪

諗住同吱吱做聖誕裝飾，剪吓紙，剪雪花。但高估了他⋯⋯同一個款要剪六次，剪到第三張吱吱已停工！！剪雪花，又一邊剪，一邊話驚剪斷⋯⋯噢⋯⋯幾時變成這樣？！

葛量洪號滅火輪展覽館同樂日

喺鰂魚涌海旁嘅「葛量洪號滅火輪展覽館」長期都是開放的，但一年一度嘅駕駛艙開放日，而且有攤位遊戲玩，就去下先！！

林生出發，永遠是最早的，十點鐘開，林家就十點幾到了！！不過也算好彩，又中午開始就下大雨！！嘻嘻！！

又高又窄的長樓梯，吱吱和嘩嘩都成功爬上了駕駛艙，落的時候好彩有又高大又靚仔的消防員哥哥抱吱吱落嚟，哈哈！！玩了幾個攤位遊戲和拍照，就離開去太古城食飯⋯⋯

LEGO time

星期六，冇節目，因為林太要幫嘩嘩排隊報幼稚園。於是開了兩盒LEGO，吱吱夠年齡可以升級玩junior，都算砌到吧！！哈哈！！

LamBB’s DIY // X’mas sock

今次輪到嘩嘩學校的親子創作比賽，題目是「聖誕襪」。出動了姨婆幫佢車了隻大襪，哈哈！！睇返嘩嘩學校的手工，他只能做簡單的剪貼和填色。林太就用半條紅蘿蔔做了兩個印仔，一個是圓形（最raw的一個紅蘿蔔），和一個星形。嘩嘩就印呀印呀，再畫兩筆。之後，再貼波波。林太的後期加工只有貼名和貓樣。完成！！

DIY — Diapers Cake

恭喜、恭喜！！又有朋友嘅朋友生BB喇！！林太又可以做nappy-cake喇！！今次朋友仔已預先準備好禮物，林太只要把他們包在一起就可以了。不過被林生笑：「依個係蛋糕嚟？你的想像力真豐富！？」林太唯有回答：「唔係呀，好明顯是大笨象冲涼，玩緊泡泡，你見唔到咩？」哈哈⋯⋯你覺得呢？！

尿片蛋糕裏有：

32pcs Pampers NB nappies

3pcs 口水肩

1pcs 大象comfort toy

1pcs organic bath gel

1pcs organic baby lotion

1pcs BB包巾

大嶼山一日遊 // 天壇大佛 // 大澳漁村

今日係吱吱學校假期，一個月前林生已上網申請了大嶼山通行證，可以揸車入大嶼山。由屋企出發，入到去大嶼山大概需要個半鐘⋯⋯

https://www.td.gov.hk/tc/public_services/licences_and_permits/lantau_closed_road_permit/driving_on_lantau_island/index.html

本來林太只想入去大澳漁村到hea吓，但是星期一很多餐廳和商店都沒有開，所以最後加插了天壇大佛環節。同林生去旅行當然是晨早出發，去到天壇大佛還很早，人不多，老人家和小朋友都可以慢慢走，一級一級行上去。嘩嘩行到大半，已經話累行不上，好彩家姐吱吱落返嚟拖住佢完成！！

上到天壇大佛又好似沒有什麼特別，行一個圈就落返嚟了。再去朗屏市集逛一逛，食個齋就再出發去大澳漁村。

星期一的關係，很多商舖都沒有開門，想食的炭燒雞蛋仔和出名嘅豆腐花都沒有開。嗚嗚⋯⋯周圍逛一逛，行了去大澳楊侯古廟，觀景台，大澳文物酒店，但小朋友最喜愛的都是遊樂場，一個很大而且沒有人玩的遊樂場！！哈哈！！玩到下午五點鐘就回程返屋企了⋯⋯