愉景灣沙灘獵蛋奇兵2018

復活節呀，一齊去挖蛋！！哈哈！！其實林生林太都係第一次去挖蛋！！好彩有人指點，買到「愉景灣沙灘獵蛋奇兵」的預售票，可以早點買到，而且平點（原價HK$200，依家HK$160）。太好了！！哈哈！！其實幾抵玩，HK$200包了父母回程船票，去程半價，挖蛋工具，小禮物，而且有七個大彈床玩，仲有其他小㰙位。去嘉年華玩都不只HK$200吧！！怪不得每次都咁多人搶飛！！

今日坐12:00船入愉景灣，半個鐘頭船程，去到嘅時候已經有好多人。不過，有好多工作人員，亦安排得十分之好，很快已登記好，可以去玩喇！！

林太忘記了帶襪子，所以無玩彈床，嗚嗚～～！餐廳又坐滿人，所以幫襯”food van”—Jajambao，買完先知全素食！！又幾似哦！！感覺良好！！哈哈！！

係挖蛋前，小朋友們不停玩沙玩水！！好開心哦！！到挖蛋時間（30分鐘）由林生陪吱吱去，3至4歲組。嘩！！真係人山人海，沙霧瀰漫，因為左挖右挖！！最後，吱吱挖了三隻。問吱吱玩得開唔開心，佢話唔鐘意？！點解呀？！佢話「我鐘意5隻、6隻、7隻、10隻、20隻都好！」哈哈！！原來想要多些！！

眼見有人挖到勁多，可能是他們的爸媽十分落力。其實都只是親子活動，最重要是陪伴小朋友們過了一個開心的周末！！

https://dbeasteregghunt.com/web/zh/

青衣半天遊

今日入了青衣半天遊，因為要探個BB！！BB總是給人一個魔力，「好得意呀～～！」哈哈！！吱吱和嘩嘩都好鐘意，話要抱，和攞返屋企。都是一件好事，睇見他們的愛心和同理心！！

紙飛機 // 啟德郵輪碼頭公園

有朋自遠方來，要食個飯，但有六個小朋友，要搵一個地方安頓他們！！哈哈！！最後，去了啟德郵輪碼頭嘅親子餐廳，紙飛機origami kids cafe。間餐廳仲好新，所以俾人嘅感覺係白雪雪，好靚！！但林太覺得有點貴，小朋友嘅價錢唔包任何食物，其實如果包個小兒童餐或飲品，會較開心。其實可以玩嘅地方和玩具都比較BB，所以六歲以上嘅小朋友會比較悶。

https://www.origami.com.hk/

餐廳用餐時間一節是兩小時，所以食完飯之後仲有時間去啟德郵輪碼頭公園行個圈。依家啲花開得好靚啊！！仲有個荷花池，小朋友們睇蝌蚪！！

http://www.lcsd.gov.hk/tc/parks/ktctp/index.html

動物萌友互動小學堂

吱吱第一日放假，就立刻入咗海洋公園玩「動物萌友互動小學堂」。玩咗「小小海豚游樂坊」和「海龜拯救隊」！！勁呀！！今次林太沒有入去，只得梁媽媽帶着吱吱，仲可以book到上堂，實在太勁！！哈哈！！佢哋又朝早十點幾，玩到下午六點幾，吱吱返到屋企話比林太知做了jelly比海豚食，同埋幫毛公仔龜龜睇醫生，因為龜龜係海裏面食咗好多垃圾。吱吱好似吸收咗很多新知識。

https://www.oceanpark.com.hk/tc

山頂遊

吱吱又放假喇，今次係復活節假！同其他節日一樣，放假之前一日是開party！！林生、林太也慶祝一下放假的喜悅，所以吱吱一放學，就上咗山頂，食個飯，玩吓scooter。真係要學習一下慢活生活，今日係山頂嘅時候行得好慢好慢，但原來吱吱會發現更多！！吱吱觀察到一朵朵的小藍花，一處只得幾朵，另一處有好多好多，點解呢？又觀察到像木棉花一樣的種子，輕輕的會隨風飄⋯⋯

親子玩具創作比賽—交通工具

依排新興的學習模式「STEAM」（Science, Technology, Engineer, Arts, Mathematics），佢哋嘅興趣班大多數七歲開始。但今次嘅功課「親子玩具創作比賽—交通工具」，就要有STEAM嘅元素，所以爸爸媽媽也要upgrade一下自己，搞搞新意思，諗下點做？！哈哈！！

林太只能負責小手工，用環保物料，例如益力多樽、紙包飲品盒，嚟做咗船，和維多利亞海旁嘅建築物和䌫車。其他，就留了給林生發揮。哈哈！！吱吱有冇參與？！有，一定有！！吱吱負責畫了日與夜的背景，巴士上的廣告，仲有司機姐姐。本來吱吱仲搵咗自己嘅玩具，想放上船上做船長，但係林太怕吱吱唔捨得，所以沒有貼上去，哈哈！！

今次份功課，集合林生、林太、吱吱之力，做出「香港的交通工具」，有天星小輪、鴨靈號和山頂纜車，還有維港的風景，仲有駕大巴士。算不錯吧！！滿意滿意！！

春裝廸士尼

又去迪士尼喇！！今次約埋吱吱的同學仔一齊去，一入到去就排咗兩個鐘頭隊，同米奇、米妮影相！？但佢哋套衫又真係好靚嘅！！嘻嘻！！排完隊影相就開始睇「迪士尼明星嘉年華列車」，卡通人物嘅春裝真係好靚哦！！而且見到林太鍾意的Stellalu，好得意呀！！

一班小朋友行去玩小小世界，再去坐咖啡杯，之後就係時間走了。下次再一齊玩啦！！

Fish & Chick

Back-dated 11/03/2018

嘩！！原來上次嚟已是四年前的事了！！咁耐喇！？今次同埋家姐、細佬一齊嚟，味道冇乜變，但小朋友就已經咁大了！哈哈！！

雲來軒 // Vive

今日都是林媽媽的生日，去了雲來軒食飯。一睇就知我哋小朋友多個大人，所以只叫了六人餐加小菜，但都食唔晒！！哈哈！！甜品有他們的陳年陳皮紅豆沙，而且仲有生日蛋糕！！上次林生的生日蛋糕有好評，所以今次再試Viva的Bee happy，仲可以要求小糖，讚！！

http://www.vive.hk/

Sofia’s 4th birthday party

吱吱又參加生日派對啦！今次係喺主人家嘅Club House到舉行，林太覺得係Club House開生日派對可以自成一角，比較私人，沒有其他人會走入嚟，哈哈！！不過，爸媽們就要做多小小工作喇，辛苦曬！！今天的「汽球小姐」好攪笑呀！！佢的造型好勁呀！！佢帶的遊戲笑到爸媽們轆地，哈哈！！而且每個小朋友還有自選氣球公仔可以攞走，實在太開心了！！Sofia, happy birthday!!!

DIY — kids’ birthday card

林家大小姐開始長大，有自己朋友的派對。小朋友對於自己的生日應該從小建立正確觀念，比佢哋知道其實生日會爹哋、媽咪係付出了金錢和時間先可以做到，所以唔可以浪費當中的食物，亦都唔可以養成生日要收到生日禮物的習慣。十分欣賞其他家長主動要求唔收禮物，或把金錢捐出去的建議。但林太更想吱吱培養動手做生日卡/禮物的習慣，更加有心思和意義！

Yamaha Music Wonderland

Yeah！！吱吱畢業了！！第一次完成一個課程！！經過24堂，唔知吱吱學咗啲咩呢！？但林太起碼就學到個”Do”喺邊！！哈哈！！吱吱將會繼續上Yamaha junior music course，林太繼續努力呀！！

Rachel’s 4th Birthday Party // 美國冒險樂園生日會

不知不覺，原來吱吱已經返咗半年學，相信佢都認識咗一班朋友仔。今個三月有幾個生日之星，佢哋都有開party，仲請咗吱吱。吱吱可以參加自己既朋友仔的生日派對，當然開心，細佬嘩嘩也幸運地可以一齊參與，實在太好了！！林生係派對到亦十分自娛，係到打機！哈哈！！

林生林太都係第一次去美國冒險樂園參加派對，真係大鄉里，哈哈！！其實又幾好哦，派對package可以玩波波池兩小時，又可以玩車仔，又有姐姐帶遊戲，又有枱枱椅椅，又有氣球裝飾。其實淨係帶蛋糕和一些飲料，就可以入去開party，開完party仲有20個金幣可以玩！！哈哈！！

吱吱入到去，都勁玩波波池和車仔，不過也有自動自覺食蛋糕和一些小食，都算乖啦！！小朋友們又好乖地玩遊戲，吱吱同佢嘅best friend玩”糖黐豆”，佢哋又明白遊戲規則哦，好搞笑！！

多謝邀請，祝Rachel生日快樂！！

http://www.jumpingym.com/birthday-party

《狗仔有喜事》

係新年前，由”KidsMust”送出的戲飛，到依家都未有時間睇。搞到呢套戲已就快落畫，只剩返喺愉景新城戲院上畫，一日兩場，所以要立即趕去睇！！（咦！都仲有人睇哦⋯）

個戲院超新，仲好kids friendly，連位完全沒有手柄，好似同小朋友坐梳化睇戲咁。睇戲前又可以玩吓，唔怕佢哋悶。吱吱話好好睇，睇到定型了個幾鐘，哈哈！！

Bakehouse

一個悠閑的早上，林太同朋友可以嘆返杯咖啡，真係一件好美好的事！！而且，遇上Bakehouse，可以懷緬一下澳洲的悠閑生活，一些簡簡單單的嘢食，普通嘅牛角包已經好開心！！哈哈！！不過他們的包真係超好食，一行入依條街就已經聞到！！

https://bakehouse.hk/

LamB’s art gallery // Artive kids

吱吱每一個星期都去學畫畫，都有一幅佳作攞返屋企。由暑假開始，到依家，都畫咗七、八個月。依家真係超多幅畫係屋企，都唔知擺去邊？！屋企嘅場已經貼滿了！！林太今日得閑，為些畫影相留念，之後就say bye-bye！！亦換了場上的畫，加添新鮮感！！

DIY — 熱熨膠珠

細佬唔係屋企，林太就立刻攞啲珠珠出嚟玩。估唔到吱吱的手仔已經可以玩到「熱熨膠珠」，可以將珠珠續粒放上模到，分到顏色，砌到個圖形，好犀利呀！！林太幫佢加熱熨好，加了個扣針。是吱吱送給公公婆婆結婚周年禮物！！Happy 37th Anniversary！

東龍島

今日，林生聊了一班飛機友入去東龍島影相，可惜天氣不似預期，超大霧！！約好了，照去吧！！去到淨係睇到你和我，估唔到飛機飛過霧層，又有另一番景象喎！！

喺西灣河碼頭坐船入東龍到島，大人每位HK$55來回，五歲以下小朋友免費，又幾好哦！！小朋友坐船時，喺度傾計，唔知傾咩呢？！入到去東龍島，勁潮濕，所以地下濕濕淋淋，林大小姐吱吱唔肯行，要抱！！反而細佬嘩嘩走去拖住其他姐姐，自己行，叻叻！！

爸爸們，放飛機；小朋友們，玩泡泡，食糖糖！！再去假日士多食碗麵，冇諗過小小的東龍島會有五、六間士多。真係唔怕冇嘢食！！食飽後，再行上燈塔，條路都OK，小朋友可以行到！

今朝坐十點半船入嚟，玩到四點，都OK喎！！再見！！

Let’s think big!!

咦～～！上次嚟Think Big天地已經是半年前，吱吱係半年好似長大咗好多。今次佢應該聽得明，睇得明佢哋做乜嘢。今次巴士沒有遲到，但去到都等咗好耐先可以落到車，都是一樣拍三集，拍了第1000集！！而且今次的紀念品比較精美，哈哈哈哈！！

上水假日農莊 // AIA摩天輪

吱吱學校的旅行日，林生林太也n年沒有參加旅行團，哈哈！！旅行日的地點是上水假日農莊，都是第一次去。通告寫要自備食物野餐，以為沒有食物賣，所以林生林太好認真地預備了午餐。（但原來係有嘢賣的，哈哈！）

中午時間超勁熱/曬！！林太懶洋洋地係野餐墊上hea，而吱吱跟了朋友仔玩，呵呵！！回程時，吱吱告訴林太他們餵了羊仔，兔仔，和牛仔！！哈哈！！做咗咁多嘢！？

http://holidayfarm.hk/landing.htm

由9:00am玩到3:00pm，吱吱還未有睡意。（但個樣很殘！哈哈）吱吱落了旅遊巴後，同同學仔跑了去AIA摩天輪。好吧，一齊玩吧！！哈哈！！HK$20/大人，超低呢！！轉了三個圈，兩位小朋友不停和隔離車卡say hi，因為他們的同學仔係隔離車卡，哈哈！！

http://hkow.hk/

99.9%純銀黏土貓兒情懷工藝

林太跟工聯會上了純銀黏土貓兒情懷工藝：

99.9%純銀黏土貓兒情懷工藝

根據非正式統計，全球貓迷正高速增長，巿面上的貓貓飾物，琳瑯滿目，俏皮可愛，本課程教授利用純銀黏土，結合貓眼型寶石，以簡單線條和別緻造型，製成以貓咪生活為主題的首飾，如掛飾，指環，腕飾等３件作品，課堂會提供貓咪造型圖案，啟發學員創作個人設計，更見心思！是貓迷交換潮流情報，個人心得的互動樂園。

上課地點：中環租庇利街1號喜訊大廈701室

課程：全期6課，每課1小時30分

費用：全期950元(包括材料費)

http://www.silverclaycreation.com

上堂的地方原來平日也可以自己上堂做銀器首飾（跟工聯會上堂只係平少少少咋）。今次得四個學生，所以做得比較快。今日係第一堂，大家都做好一個製成品！哈哈！！但林太的小貓咪，個樣好似好慘喎！哈哈！下次再做過吧！！