一拖二之HomeCook

其實成個一月，林生都返了香港，得林太帶著兩個小朋友。食乜好？！林太好懶地成日一煲過，是旦煮！總算是食得飽，過了一個月！！哈哈！！

DIY -- CNY crafts

我們的CNY crafts好環保哦，全都是廢物利用。上年用剩的利是封，猴年，所以比了吱吱剪剪貼貼。吱吱係個「福」字周邊貼貼和畫畫，係唔係好喜興呀？！吱吱還畫了隻雞，見到嗎？哈哈！！還做了小燈籠，十分簡單吧！！

墨爾本已有很多唐人，連childcare也有得慶祝CNY，他們畫的利是封！！哈哈！！

再好似「Mister Maker」咁，用牛奶樽做了隻雞！！吱吱太愛Mister Maker，做每一個步驟都講：「好似Mister Maker咁⋯」咁油膠水，咁剪，scissors are sharp⋯⋯吱吱已很叻，原來貼曬成個樽係好耐，佢都坐定定做完！Good job！！

OAC's Flagstaff garden excursion

又去excursion喇！個儍豬有點燒，還笑到咁！佢真係好鍾意返Childcare哦！！
去完個excursion真係發燒了，要回家！！

年初二。開年

想去Crown Casino到熱鬧一下，點知今年的攤檔少了很多！！原全無乜特別嘢！！吱吱行到悶，最後買了條雪條，到此一遊吧！！

Merrywell
行完新年攤檔，近近地搵嘢食，未試過就試下吧！！叫了Grilled mix，雜扒餐！！哈哈！！仲有火睇！！係你面前點火，全部扒著火！！但事實上，真的麻麻，全部扒都有點老！！
https://www.crownmelbourne.com.au/restaurants/casual/the-merrywell

Wagyu One
上次用吱吱的相參加比賽，贏了十張cricket比賽入場卷，原價AU$20一張，我們賣曬，有AU$135。多謝吱吱，我們有一餐免費晚餐！！哈哈！！
https://facebook.com/WagyuOne/

大年初一。恭喜恭喜

難得大年初一同小組一齊過，大家都已同家人拜年，可以一齊食晚飯。小朋友們可以一齊玩玩！哈哈！！不過，係到大的小朋友沒有過農曆年的興奮，因為沒有太多利是逗，又無假放？！哈哈！！

High Tea in Style by Cristina Re

大年初一。甜一甜
約了靚太們去high-tea，去了Hyatt，有Cristina Re設計的餐具，好靚哦！可能對Hyatt的印象不太好，好多年前嚟過，記憶中唔好食，就再沒有嚟。Hyatt裝修過，連high-tea也不同咗，靚咗，多嘢食咗，好味咗！自助鹹點和甜點也很吸引！！呵呵！滿足！！
https://m.hyatt.com/mt/melbourne.grand.hyatt.com/en/hotel/activities/hotel-activities/High-Tea-In-Style-Cristina-Re.html
祝雞年甜甜蜜蜜！幸福美滿！！

年卅晚。團年飯

有些東西要堅持！團年飯要一家人食！要食湯圓！團團圓圓！齊齊整整！

Laduree CNY high-tea

林太見到Laduree有新年high-tea，有新年禮物送，八八掛掛就去了！去過Sydney的，相信/事實上也差不多。嚟食high-tea都是為了它們的馬卡龍吧！嘻嘻！！
新年禮物是Laduree利是封，Mecca袋，hydrating cream & primer。哈哈！！
https://www.laduree.com/en_int/

年廿九

年廿九！準備好未？
原來林家的「福」字都是雞年的，已陪伴了林生十二年？！真是托他的福！哈哈！！
買了些花，貼上輝春，接好糖果盒，封了利是。差不多吧？！

Werribee Zoo

又嚟動物園了！
今朝問吱吱想睇乜動物？睇大笨象（Melbourne Zoo）？想坐巴士（Werribee Zoo）？還是新既，未去過個到（Healesville Zoo）？吱吱話：「坐bus，睇camel，Alice the camel has four humps. Alice the camel has four humps...我記得嫁！」所以去了Werribee Zoo，但去到才發覺今日還是學校假期，沒有特備小朋友的巴士，鳴！～～
不過，也上了巴士，近距離見到長頸鹿。嘩嘩也很興奮，又企又跳！！哈哈！！午餐食了個"Gatsby roll"，跟Gatsby有咩關係呢？！哈哈！！

蒸糕十小時

就到農曆新年，林太心思思想蒸糕，林生又阻止唔到，哈哈！！蒸吧！約了毛毛球一齊傻，熱辣辣，蒸糕日！！
由兩點開始，林太和毛毛球就開始！！首先是年糕，再攪蘿蔔糕！！蒸呀！蒸呀！五底年糕和八底蘿蔔糕，蒸到十二點大工告成！！
祝步步高升！！

DIY -- paper fan

偶然看到Facebook的廣告，林太就帶了吱吱去參加Muji第一次舉行的Children's workshop / Fan workshop。
林太都唔知Muji有依把扇賣。很簡單，畫完兩面就貼上扇上。吱吱自己坐定定，畫了廿幾分鐘，專注力十分好！（有些哥哥姐姐是旦畫完已走咗）畫完之後，叫吱吱穿上和服，扮下日本妹，跳下扇舞！哈哈！！

Stay home day....

話說，昨天去Childcare接吱吱的時候，吱吱比了塊蘋果比嘩嘩食。（但林太沒有發現，嘩嘩也沒有異樣）一上車，嘩嘩就噴/嘔奶！！成個car seat都係，林太才發現蘋果皮！！好黑面地問吱吱：
太：「你做咩比蘋果細佬食？」
吱：「佢食過既，昨天，仲大個。」
太：「昨天嗰個係啤梨，淋的！」
林太已一頭煙，返到屋企：
吱：「比baby食依個吖！」
吱吱想同嘩嘩分享佢的yoghurt button。
太：「佢唔食得嫁！」（超嬲）
吱：「佢嘔，嘔完甜d啦！」
原來小朋友係咁諗嘢的！！哈哈！！

到今天，個car seat還未乾！只好在家！
吱吱自己搵嘢玩，要玩迷宮，一玩就畫了九個！！好快哦！！

之後，再剪剪貼貼。個女仔頭上的係乜？！吱吱話佢撞倒，要包紮！哈哈！！

Yo-Chi

見天氣好轉，落街逛逛。同吱吱試下Yo-Chi frozen yoghurt，吱吱第一次試自己簡雪糕，再簡topping。吱吱好乖哦，沒有乜都要，最後只買了100g，AU$3.2，好底哦！而且吱吱也食曬！！Very good！！
http://www.yochi.com.au/

DIY -- CNY card

農曆新年就快到，唔返香港也要送上祝福！！
今次，用了廁紙筒和玻璃小瓶做印章，比吱吱印印印。再玩fingerprint和金粉。但林太只準吱吱用紅/黃色，如果唔係，吱吱會選綠/黑色。哈哈！！等顏料乾咗後，就貼上林太摺的公雞！！
祝各位親戚朋友新年快樂，雞年鴻運當頭，更進一步！！

HomeCook -- sushi night

唔食嘢的吱吱，又要比佢「玩住食」。今晚玩做壽司，係Daiso買咗個壽司模，很容易就做到。吱吱也很叻，差不多可以自己做，除了不夠力按，和把壽司係模內攞出來。叻叻！！食曬！！不過，今餐沒有肉，哈哈！！

Werribee Mansion

一個攪笑的誤會，最後去了Werribee Mansion，去到時已下午一時多。好肚餓之下，在Joseph's Restaurant & Bar食了2 courses lunch（AU$65）；還有AU$18的兒童餐。但到比錢的時候，兒童餐只需AU$15，底底底！哈哈！！
之後，行下Werribee Park，好曬哦！！叫吱吱影相，估唔到佢會擺post！哈哈！！
https://www.lancemore.com.au/mansion-hotel-and-spa

Tram..... 叮叮

返教會日！
同小組一齊坐「叮叮」出Chinatown食午餐，一行十幾人，仲要有好多小朋友，場面真係幾攪笑！！林太更是第一次同吱吱坐叮叮，雖然吱吱自己係Childcare excursion坐過，但也是我們的第一次。

Museum buddies

Zoo buddies變了Museum buddies，去了Melbourne Museum，多謝欣姨姨，做了導遊講解！哈哈！！嘩嘩也出嚟玩玩，增加觸感！！

400Gradi

400 Gradi，去過幾次，第一次已是幾年前的事。感覺上，他們的服務態度越來越差！Number 1 pizza，好似已是歴史！今晚我們被迫要切肉硑盤，叫完嘢食後係無人理⋯
算吧！要有好的心情，好的態度！！為林太個朋友仔farewell；再和吱吱、嘩嘩慶祝32、9個月生日！嘻嘻！！
http://www.400gradi.com.au/

Rudimentary

超能保母又嚟喇！哈哈！！
食個簡簡單單的午餐，就開始工作，陪吱吱和嘩嘩玩！嘻嘻！！謝謝！！
http://www.rudimentary.com.au/

LamB's first hair cut!!!

吱吱剪頭髮喇！！第一次！！
佢的頭髮開始「開叉」了，要用林太的護髮素，還打結！林太想幫佢剪好耐了，但林生一直唔捨得吱吱的長髮！！到吱吱見到嘩嘩剪了頭髮，佢又話要剪了！！
吱吱是女仔吧！第一次剪頭髮要靚些！帶了他去小朋友salon！有「1st hair cut package」，AU$22。一邊睇卡通，一邊剪，剪完幫佢扮靚！還有證書囉！哈哈！！幾靚吖！！
http://www.candyhair.com.au/

VBS' prize..... play-doh

又到VBS！星期天，返教會！吱吱都識講「church」！
今日的手工是狗耳朵哦，吱吱覺得自己好得意，帶著食午餐，哈哈！！之後，可以用分數換禮物，換了play-doh，吱吱超勁開心！！
晚上，當然開了play-doh玩！哈哈！！睇得出是甚麼嗎？吱吱的魚有眼睛，嘴，鯕，睇到嗎？吱吱還幫林太的心心㨾加上鼻子！很可愛哦！

RCH emergency

每個小朋友都有次emergency的時候！（林太好似到二十歲先有，哈哈！）話說吱吱玩完，無端端話手痛，但又能動。林太本來以為佢眼瞓，但整個晚餐，佢都只用一隻手？！一推到佢隻手就哭！最後，帶了他去RCH emergency。
只等了幾分鐘，就見到護士，問完情況，護士姐姐幫吱吱檢查隻手。吱吱好乖地坐定定，護士姐姐一拍，click一聲！無事了？！護士姐姐話有一條骨脫臼！！好彩係去emergency，因為GP只會叫你照x-ray，沒有幫助；如果唔嚟，2-3日會自己好！！
好彩！！今次只是小事！！

Photo competition // Photo section

卅八度的下午！！沒有出外，去了毛毛球家！
毛毛球想參加自己公司的比賽，影"backyard BBQ with cricket legends"，我們又不看cricket，又沒有backyard，哈哈！！為有用假的吧！！哈哈！！好攪笑呀！！

DIY -- B'day card

叫吱吱做些小禮物送比人，他很樂意，亦很願意分享！！希望吱吱繼續有與人分享的心！！
很簡單的小手工，教吱吱「4」字，佢仲畫了四朵花，和寫了外星文的happy birthday，哈哈！！

LamBB's first hair cut

細佬嘩嘩出牙快過家姐，剪頭髮也早過家姐。吱吱還未剪過頭髮，細佬仔就初試剪頭髮了！哈哈！！第一次坐不定，左望右轉，總算完成！！哈哈！！涼爽曬！！

Yarra Valley Chocolaterie

很好的天氣，係時候出外走走！去了Yarra Valley Chocolaterie，雖然去過，但吱吱咁鐘意朱古力，應該會好鐘意！
同E-star姨姨去到，食返個午餐，再試他們的pizza，今次是pull-pork。之後出外玩bubbles！！！但太熱了，玩了一陣，再食雪糕！！Yeah！～我們的開心下午！！
http://www.yvci.com.au