又再BBQ

上次和林生去BBQ後，介紹了大姑奶和姐夫，今晚又再一家大細去。哈哈～！一個星期去兩次，傻咗～！
今晚，特別推介：日本一囗番薯，鵝肝多士，白鱔！！

豪情3D / 銅鑼灣

LamB仲未出世，可以繼續行街、睇戲、拍拖拖。哈哈～！
聽聞“池記”好好食，不過好細碗，又貴。但林生叫我去試下～！我個份是A餐，雲吞又真係好好味！林生試了海蝦雲吞，兩款都很多餡，普通雲吞較爽，海蝦雲吞較鮮甜！

哈哈～！LamB未出世，去睇下三級片先！相信都只是笑片，應該無問題的。我們睇了《豪情3D》！真係好好笑～！但最後古天樂的角色有點無聊囉～！

睇完戲後，約了爸媽食晚飯。去了“鮨穴”，一間日本餐廳。林生又再次引誘我，魚生、魚生、魚生！今晚，連爸媽也加入戰團引誘我！我覺得香港的日本餐廳，應該食平嘢，因為中、高價的餐廳，澳洲較為優勝！

hea行TST

今日，要同LamB睇醫生，所以我們的活動範圍是尖沙咀。首先，要食個午飯。我們去了Tonkichi @ The One，佢哋的炸豬扒真係好好味哦～～！林生就食了魚生飯，係到引誘我！

睇完醫生，可以食件蛋糕。見到Ms B Cakery，就入去試試。聽聞佢的彩虹蛋糕最為特別；而服務態度較差。但尖沙咀店的服務十分熱情！主動開門、介紹蛋糕、和出外找客！我們試了彩虹蛋糕、檸檬蛋糕、和house coffee。我覺得有點太貴～！彩虹蛋糕要HK$80哦～！味道是好味的，但不夠囗感層次！

我們行了海港城，睇了大Spiderman～！香港的商場真係靚～！

我們坐船返回中環，林生係天星碼頭見到間有型咖啡店，忍唔住再飲多一杯咖啡。林生大讚哦～～！出奇的驚喜～！

LamB 38wks 3days

又要睇醫生了！今日38週3日，LamB已經3.3kg了，繼續心跳145。哈哈～！林生終於可以倍我覆診和現場睇超聲波。太好了～！祈代與LamB見面！！
林生對眼可以睇到d超細字，竟然比佢睇到LamB的大腿骨有7.47cm，問了吳醫生，原來“算長”的了。呵呵～！LamB是個長腿妹妹？！

7-11米術珍藏

點解香港7-11有咁多嘢換！攪到人成日心思思去買嘢，儲印花。而且，佢哋的零食比起超市又不是貴很多，又好d款，真係買得好過穩！ https://www.711campaign.hk

暫時，只換了三隻，但都換唔到我想要的。嗚嗚！

Home Cook @ HK

林生回港的最大貢獻！煮飯公哦！哈哈！今晚買了六磅幾的rib eye on bone！嘻嘻～！有小小太熟，因為未能完全解凍。下次再試吧！

與林生拍拍拖

林生返回香港，結束了我們兩個月的“單身歲月”，又未到“三人行”，仲可以拍拖游街！嘻嘻！
@Mr Steak
大姑奶送了張high-tea groupon比我哋，怏d用咗佢先！是去“Mr Steak”食，等同於“Sky Bar”。話原價是三百幾，有無可能呀？！雖然有小小燕窩，但要$168，還要再加一，真是普普通通！

@BBQ 

林生最愛之一，BBQ！係屋企附近，日燒，好味！

今次，叫小咗海鮮，因為我唔食得咁多哦～！推介$38燒花膠！！好味！！還有魚片頭、牛仔骨、蜜汁黑椒腸……呵呵呵……開心！

Welcome back, Mr Lam!

林生回港了！睇下班小朋友幾開心，圍住咗佢，我都行唔到過去！哈哈！

麵屋武藏

同黃小姐去了APM，唔知食乜好，最後去了“麵屋武藏”。又一日本拉麵店，只需排十幾分鐘，還可以接受。和其它日本拉麵店一樣，有黑、白、赤，還多了咖喱！不過，我只試了最普通的白，OK啦～！食滿$150，仲送炸雞，哈哈！底食！！ http://www.menyamusashi.com.hk

LamB 37wks 4days

由於復活節的關係，今個星期改了星期二覆診。而且，吳醫生的appointment fully booked，攪到我要嚟仁安醫院覆診。真是山長水又遠！診金還要double～！
LamB繼續成長，3.09kg！長呀，長呀！

忌廉哥X西寶城

係屋企附近的西寶城商埸，竟然是忌廉哥的新書發佈會，還有抽獎和小朋友遊戲。
新書發佈會，我沒有去到，但有幸地抽獎，中了！
睇書時，才知道忌廉哥的身世！越來越鐘意忌廉哥！

Happy Birthday to 靚姨

今次留係香港的時間咁長，可以同靚姨興祝佢的生日，so good～！
我哋諗唔到去邊到食，最後媽媽下廚！婆婆，姨媽，二舅父都嚟咗哦！
買了Cova蛋糕，我估靚姨係鐘意芒果味的，但我又唔食得。哈哈～所以全部人倍我食士多啤梨味！！好好味哦～！好開心呀！
祝靚姨生日快樂！日日都開開心心！

2:30下午茶。。。續

繼續一人的下午茶餐。。。
@Cova
Cake and coffee ($152incl加一)

本來入去只是訂蛋糕，但最後心思思坐底了！哈哈！不是太肚餓，食唔落tea-set puffet，只食了一件蛋糕。好普通的栗子蛋糕；但忌廉很香濃，蛋糕上個粒大栗子很好味，而且蛋糕實在些！好味～！

@Creme puff ($20)

係地鐵站次次經過都想食，終於試了！嘻嘻！也可以，底食！

@KFC

平、靚、正！

對返澳幣，真係平到笑！！但坦白說，澳洲的雞肉好味些！

@7-11

常餐C ($24)

又另一個平、靚、正！！和快！！7-11一定有間係你附近！而且，可以選魚旦/燒賣/墨魚丸。Very good！！

@Asian cooking 

泰式濕炒雞絲米粉

佢哋的份量真係可以擋午飯/晚餐！但杯奶茶就真的麻麻了！

Facial也吹韓風。。。續

嘻嘻～！又做下facial先！今次用貴小小(比上次)的韓國mask。
@V-mask
我比佢的封面吸引了，好攪笑哦！其實，我覺得自己的面是不算肥，也十分V～！但我爸爸話我肥到連面也肥了！所以要做下facial，V一V！！
依個facial要用30-40分鐘，開始時有點熱。效果十分滿意～！好V哦～！下巴肉收緊了～！我張相沒有修飾過，真的V咗！最衰忘記影張“使用前”相。可惜，第二朝早已變回原型！！下次應該早上用！

@Snail mask

蝸牛面膜已興了好幾年，相信已進步了不小，而且有平和貴。

今次試依個mask，感覺也不錯！個mask很貼面，而且吸收得很好！幾好～！

走佬。。。

吳醫生已出了入院信，表示我隨時都生得！哈哈！係時候要預備“走佬袋”了！
我睇了建議list，再刪除一下。就變了我個“走佬袋”，哈哈！我覺得自己似去旅行/入camp，買了新睡衣、潔面用品、低低……多過似入醫院。哈哈！

除了我的“走佬袋”，LamB的衫仔也ready了。大毛巾用機洗，其他的是手洗哦～！Am I ready??

LamB 36wks 3days

踏入36週，要每星期都見吳醫生。
LamB一齊正常，繼續增磅，已3.06kg。“面豬done”越來越肥了！哈哈！心跳150。

LamB新CD

今日幫LamB買了新CD，希望你每日食得飽和瞓得好！鐘意聽依d歌仔！

頭髮的林師奶

自從十幾歲開始，我都未剪過短髮。今次，相信已是最短了！一個大菇頭！哈哈！髮型師係靚姨介紹的哦，很好～！

肥腫難分。。。續

越來越腫。。。
一起床已腫。。。
解決方法。。。
由yoga class學，把雙腳九十度舉起，揾牆(我揾櫃門)依著，幾分鐘就好些。

High-tea @ St Betty

再一次high-tea，相信會是最後一次吧！因為怕BB超磅，要減磅；而且無朋友仔得閒係三、四點倍我hea了。

有人介紹，叫我試“St Betty”@IFC。$438 for two，加嘢飲$10@，再加一。佢哋的風景幾靚哦！而且平日無乜人，可以慢慢坐！幾舒服！佢哋的三文治幾好食哦，但scone有點甜。 http://www.stbetty.com

肥腫難分

大肚之後，其實我過得很舒服！没有嘔，没有瞓唔到，沒有累的感覺。而且，開始做yoga後，連抽筋和背痛都没有了！真係爽！
但好景不常，我開始“水腫”了！！腫到開始痛！連手指也很腫痛！！嗚嗚！不過，好彩是水腫，我曾以為自己是“風濕”，哈哈！！
有咩辦法可以無咁腫呢？

ex-CCF meeting

今晚，約了Melbourne University CCF (Cantonese Christian Fellowship) 的朋友仔食飯。咦！原來我已畢業了十年，認識他們，已是十多年前的事了！時間過得太快了吧！
我們去了尖沙咀的“滬江”，我覺得和銅鑼灣的没有大分別。但其他人各有所好。請留意相中的員工名！哈哈！譚炳文！！我們原來有名星招呼！哈哈！

澳洲牛奶公司

睇完醫生，又未想返屋企，所以行了去佐敦！去了排隊，澳洲牛奶公司！真係好多人，好忙！
佢哋全日都係得個幾樣嘢賣，多士，炒蛋/煎蛋，牛肉/叉燒意粉/通粉，燉奶。真係點解有咁多人排隊呢？不過幾有趣吖！

LamB 35wks 3days

LamB又睇吳醫生喇～嘩～！LamB夠重了，已經2.79kg！已是中上的體重，還有一個月哦。。。吳醫生話超過3.5kg要考慮開刀哦！LamB乖乖哦，唔好太重！真係慘，咁細過就要減肥！
其他也正常，心跳150。頭髮開始長。今日亦做了GBS-test，下星期有報告。   
GBS:
Group B streptococcus, or GBS, also known as group B strep, is one of many different bacteria that normally live in our bodies. Approximately one fifth of women "carry" GBS without knowing or having any symptoms .
However, in rare cases GBS can cause serious illness and even death in newborn babies. Although these cases are unusual, GBS is the most common cause of severe infection in newborns, particularly in the first week after birth (known as an early onset infection). If left untreated, it is estimated that one in every 200 babies born to women who have GBS would become ill with neonatal sepsis .

抹茶館

踏入大肚生涯最後一個月，開始要食“涼嘢”！哈哈～！可以食綠茶了！去了“抹茶館”涼一涼！
食了拉麵，和甜品，呵呵呵～～！