LamB 34wks開始飲“白蓮鬚糖水”

LamB已34wks，身邊的媽咪們都話應該要開始飲白蓮鬚，連奶奶也聽聞過。但奶奶未試過煲，所以周圍問人，我也上網google一下。最後的食譜如下。糖水有小小苦甘味，有點像濃茶，也可以接受。      
白蓮鬚糖水常用於助產及助清胎毒. 藥方如下:
材料:                              
白蓮鬚——半两
雞蛋——1隻                   
片糖——適量
水——4碗
製法:
凍水放入白蓮鬚及雞蛋(連蛋殼), 煲滾後以慢火煲60分鐘(四碗水煲至一碗水), 以片糖調味即成。

High tea @ MO bar

又再一個hea hea Sunday。。。
其實係幾個星期前，我們已book了。一直也很祈代，因為佢有幾多好的食評。而且，除了平日的三層high-tea，還有buffet的甜點。

終於試了，也不錯哦～！但三層的tea-set已很飽，出面的buffet真係只能食咗小小！還有，high-tea最愛的scone有點太甜，而且有點細，大小小會開心點！ 

http://m.mandarinoriental.com/landmark/fine-dining/mo-bar/

與奶奶撐臺腳之夜

今晚，又再同奶奶撐臺腳。平時，會係屋企附近食就算；今晚，奶奶話去遠些！哈哈！我們去了金鐘的Simply Life，好彩不用排隊！食了雞肉pizza和海鮮糙米飯。呵呵！！

Dinner @ Zense

今晚，同靚姨上了“樓上 cafe”食晚餐。Cafe Zense，主要食意粉，小食，沙冰。由兩位男仕一手包辦！！幾得意的樓上cafe。
還有禮物收哦～！謝謝！

LamB 33wks 3days

又過了兩星期，到吳醫生幫LamB影相的時候。依兩個星期LamB長了肉哦，2.3kg喇！心跳146bp。還見到LamB的“面豬done”，和頭髮仔，仲有佢的大鼻！哈哈！

High-tea @ InterContinental

又到high-tea的時間，今次去了洲際(InterContinental)。原來他們1:30pm開始有tea-set，十分之好，不用等到三點，又不用排長龍。洲際還有中式tea-set，我哋今日就試中式吧！因為應該較適合我，没有生嘢，亦較小醃制食物(ham & smoke salmon)。他們五星級的服務，見議我唔好飲茶/咖啡，更提議我飲熱鮮奶。會不會太誇張吧？！
食high-tea前，我們太肚餓了！所以先食咗個三文治，好味哦！特別是薯條！！哈哈！又因中式tea-set沒有scones，所以我們又另加了scones！嘻嘻！他們的earl grey jam好味！！
中式tea-set也很精美！味道唔甜，較適合我們的囗味。他們的鮑魚tart，一囗鮑魚！開心！

食飽飽，行了出去星光大道。第一次去哦～！比我想像中，無咁靚，哈哈！

蘭花展

今日無端端有個特別節目，去參觀“蘭花展”。奶奶係報紙見到有蘭花展，係香港公園舉行，免費入埸。我和奶奶無嘢做，所以就去八卦一下。
嘩～！好多人呀！有很多靚花，我都迫唔到入去影相哦～！
睇完花花，去了Simply Life食午飯，佢哋的set lunch。杯餐飲iced lemon tea比又一城好飲！

海洋公園

已經有兩年幾，三年沒有去過海洋公園，海洋公園真的改變了不少。今日同爸媽去了海洋公園，行了差不多七、八小時。除了没有玩機動遊戲，其他的館都去曬～～
讚～“南極奇觀”，些企鵝真係好得意，而且有很多種類。
麻麻～“魚尋”魚，個館已經細，條魚又醜樣！
討厭～吊車要等六十分鐘！坐海洋列車，要和一大班大陸同胞迫！恐怖！但又没有其他方法可以去另一邊！

中午，我們去了“冰極餐廳”，餐廳內對著“南極奇觀”的企鵝。哈哈～企鵝們很得意，很有善，很喜歡游近小朋友。我們一邊食嘢，一邊望住企鵝們比人餵！開心！但，食物就一本。

LamB衣櫃

林生自己一個係墨爾本，為LamB打點一齊！哈哈～LamB有自己的衣櫃了！又是粉紅色哦～！希望你會鐘意啦！不過，當這個衣櫃滿的時候，我就再不會買衫比你的了，哈哈！

LamB資訊

我係一個唔睇書的人，對BB的資訊是八八掛掛，問人，聽回來的。林生不在香港，我也無聊咗，所以有買BB雜誌。吸收一下BB的資識！哈哈！
今期，還有我yoga miss上鏡。希望yoga真的對生產有幫助，LamB可以開開心心地出世！

High tea @ Four Season

嘻嘻～又到high tea的時間。V-媽媽明天要生B了，佢臨生B前想食high tea，所以我們一齊去Four Season食。哈哈～！
原來Four Season也有兒童餐，餐牌還可以摺東南西北。他們還很細心地包枱角！小朋友們也自娛得很開心～！

護協vs教協

我沒有格價，朋友們和媽咪們話邊到平，我就去邊到買。佢哋話去“護協”買衛生用品平，我就去了！價錢也算平哦！比起我在BB展和大公司的較平！

我都借了證，所以再去“教協”。呵呵～原來教協的書局，全部書都有七五折！好平哦！買了幾本cook book。為LamB由斷奶開始的食譜，至生日會的小蛋糕。哈哈～希望會用吧！

教協除了文具平，原來零食也很平哦，哈哈哈！

大排檔

我愛食貴嘢，也愛食平嘢！今日去了“大排檔”，哈哈！今時今日，大排檔已經不像以前那麽唔乾潔，所以我也唔擔心。
首先，去了“蘭芳園”飲杯奶茶。時間剛剛好，還可以order早餐，yeah！
下午，去了“新記”食碗車仔麵。平時依間嘢要排長龍！我兩點幾先去，不用排。但我覺得普普通通，還是我叫錯了食材？

香港花展/HKFS

每年的三月，香港都會有花展，今次是我第一次入埸參觀。入場費HK$14，60歲以上免費。
個埸好大哦，都行咗好耐，但没有睇到學校的展品，太累了。嘻嘻～！今年花展的主題花是"家樂花"，原來平時周圍都見到的家樂花是很有藥用價值的。展品還有很多資訊，但有幾多人會細心睇？(我無囉！)
花展內還有花賣，越遲越平！普通的蘭花，由$40盆，減到$10盆。哈哈！但我們没有買呀！我只買了兩盆小植物。超攪笑地，原來奶奶係上年也買了隻河馬，和我隻豬是一樣的哦！

花展前後，都在銅鑼灣，所以也在銅鑼灣的皇室寶食午飯和晚飯。

午飯去了“讚岐手打烏冬”，也可以吧！

晚飯去了“稻香”，條魚等了好耐！但底食，只係$88。但其它餸較油！

迫迫旺角

今日，出了人多多的旺角。但中午不是太恐怖，係朗豪坊十二點食午飯，係不用等位。我和V-媽媽今日沒有做yoga，去了食飯和整餅，嘻嘻！
中午去了“一風堂”@朗豪坊，我試了限定版的拉麵。赤旨蕃茄！我覺得ok的，但嗰兩片芝士太鹹了！依家下載個Apps，仲可以買十二送一，也不錯哦。
下午，去了做一個免費facial。因為朋友仔買了千幾元的護膚品送的。哈哈！爽哦！雖然只是清潔一下皮膚，但也很舒服。謝～!
之後，晚飯去了“和民”，哈哈，但沒有食魚生。出奇，出奇！哈哈！但發覺佢的薯條很好味！

DIY -- Macroon

香港地少人多，個個的屋企都像蚊型本細，烤爐也無可能家家户户都有。但唔知點解d baking class越來越多？！上完堂，會回家再做嗎？
哈哈～不過，我也參加了兩個macroon class。因為我真的想學識，到LamB生日時可以DIY，平d麻～哈哈～！

Melody macroon  (Hami Bakery)
觀塘區，地方較大
較貴，HK$420
每人有十至十二粒
除了老師，還有兩位幫手/助教，睇住我們/提醒加嘢。食譜較好，較好味，成功率較高。

Lego head macroon (Wai Yan Bakery)

旺角區，地方較細

較平，HK$188

每人有五至八粒

食譜/方法麻麻，macroon的餅身麻麻。但有較多自由空間去畫公仔樣。哈哈～！